Aghwoghwo 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Eta rẹ Aghwoghwo, ọmọ rẹ Devid, ovie rọ hẹ Jerusalẹm.

Aghwoghwo 1:1 Referans Kwoze

Aghwoghwo 1:12

Mẹvwẹ Aghwoghwo na rẹ ovie rẹ Izrẹl vwi Jerusalẹm.

Aghwoghwo 7:27

Nighe, ọnana obo re me mrẹre, eriyin Aghwoghwo na tare, ọ da reyọ emu ọvo vwọ ba ọrivẹ rere ọ vwọ mrẹ obo re emu ejobi bute,

2 Pita 2:5

ọ da dianẹ o vwo ghovwo akpọ rẹ awanre-e, ẹkẹvuọvo ọ da sẹro ri Noa, aghwoghwo rẹ ọvwata, kugbe ihwo ighwrẹ efa, ọke rọ rhe vwọ vwẹ oghwe ghwọrọ akpọ rẹ ihwo umwemwu na;

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Une rẹ Ejiro 40:9

Mi gbe ikun rẹ aghọghọ rẹ esivwo vwẹ evun rẹ ukoko rode na; nighe, mi ji rhurhu ẹbẹrunu mẹ-ẹ, kirobo wọ riẹnre, E Ọrovwohwo.

Nehemaya 6:7

Wọ je ghwa vwẹ emraro mu rere ighwoghwo aghwoghwo kẹ wẹ vwi Jerusalẹm nẹ, Ovie hẹ Juda. Asakiephana ka cha nẹ iyẹnrẹn nana keẹ ovie kirobo re eta nana epha na. Vwe ọtiọye gba yanrhe, re avwanre je iroro kugbe.

2 Ikun rẹ Ivie 9:30

Solomọn da re vwi Jerusalẹm kugbe Izrẹl ejobi ikpe ujuvẹ.

Jona 3:2

Vrẹn ru wọ kpo Ninivẹ, orere rode yena, rere wo re ghwoghwo aghwoghwo re me cha ta kẹ wẹ na.

Isẹ 1:1

Isẹ ri Solomọn, ọmọ ri Devid, ovie rẹ Izrẹl:

Isẹ 31:31

Vwẹ omamo rẹ iruo rọye vwọ kẹ, rere wo jẹ iruo rọye jiro vwẹ anurhoro.