2 Timoti 4:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Vwọ kẹ wẹ, choma kọke kọke, ehiri oja, ru iruo rẹ aghwoghwo gbe odibo wẹn gba.

2 Timoti 4:5 Referans Kwoze

2 Timoti 1:8

Wo jẹ oma rẹ iseri ru wo se kẹ Ọrovwavwanre na vo owẹ-ẹ, eyẹ mẹvwẹ rọ hẹ uwodi na-a, ẹkẹvuọvo gba re ẹkẹn oja wẹn fiki rẹ iyẹnrẹ esiri na vwẹ ogangan rẹ Ọghẹnẹ,

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

2 Timoti 2:3

Re ẹkẹn oja wẹn kerẹ omamọ rẹ isodje ri Kristi Jesu.

Kolose 4:17

Ovwan ta kẹ Akipọs, rọ vwẹ ẹro te iruo rẹ Ọrovwohwo sanerọ phihọ na, rere o ru ayen gba.

1 Timoti 4:12

E jẹn ohwo ọvuọvo ni we saka fiki rẹ obo wo vwọ hẹ omotete-e, ẹkẹvuọvo gba vwẹ oma wẹn ru oniru kẹ otu ri segbuyota na vwẹ ota vẹ uruemu, vwẹ ẹguọnọ, vwẹ esegbuyota, vwẹ ẹfuọn.

Iruo rẹ Iyinkọn na 21:8

Rẹ ọke vwo rhie avwanre de vrẹn rhi bi te Sizaria; avwanre da ro uwevwi ri Filip oghwoghwo iyẹnresiri na, ọvo vwẹ usun rẹ ighwrẹ na, ma da dia etiyin.

1 Timoti 4:15

Nabọ yono imu nana rere e reria owẹ oma, rere ihwo vwọ mrẹ erhuvwu rẹ iruo wẹn vughe.

1 Tẹsalonaika 5:6

Vwẹ ọtiọye na e gbi jẹ avwanre vwerhe, kerẹ otu ri chekọ na-a, ẹkẹvuọvo e gbe jẹ avwanre rhọvwọ rere a vwẹ ẹro kpẹn.

Ẹvwọphia 3:2

Vrẹn, wọ vwẹ ogangan kẹ obo ri chekọ ri muegbe rẹ ughwu, kidie me je mrẹ iruo rẹ ovwan rọ ghare vwẹ obaro rẹ Ọghẹnẹ mẹ-ẹ.

Ẹfesọs 4:11

Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

2 Timoti 2:10

Fiki rẹ ọtiọye na ki mi chiri kemu kemu fiki rẹ ihwo ra sano reyọ na, rere ayen se vwo esivwo rọ herọ vwẹ evun ri Kristi Jesu rọ vẹ urinrin ri bẹdẹ na gba yan usun.

Iyẹnrẹ Esiri ri Luk 12:37

Ebruba kẹ idibo yena rẹ ọke rẹ onini na da rhe rọ da vwa ayen re rhẹrẹ; uyota, me ta kẹ ovwan, kọ chobiẹ amwa rọye kọ vwẹ ayen tidia udoemu, ko mu emu kẹ ayen re.

Iyẹnrẹ Esiri ri Mak 13:37

obo me ta kẹ ovwan na, ihwo ejobi mẹ taro kẹ, A rhẹrẹ.

Kolose 1:25

Fiki rẹ ọye na a vwọ vwẹ ovwẹ mu ọyinkọn ro gbe odibo vwẹ evun rẹ ishọshi rọye, rere oghwa rẹ Ọghẹnẹ kru kẹ vwẹ na me sa vwọ ghwa.

Ọbe ri Pọl si rhe Ihwo ri Rom 15:19

Vwẹ ogangan rẹ eka kugbe igbunu, vwẹ ogangan rẹ Erhi Ọfuanfon na, ọtiọye na nẹ Jerusalẹm re duvwu Irikọm ọye me da nabọ ghwoghwo iyẹnrẹ esiri ri Kristi na.

Iyẹnrẹ Esiri ri Mak 13:34

Kẹrẹsiẹ rẹ ohwo e de kpo oyan, rọ da yan jẹ uwevwi rọye vwo, ọ da vwẹ ogangan kẹ idibo rọye, dohwo diruo rọye o de jiji kẹ ọrhẹrẹchẹ re ọ rhẹrẹ.

Izikiẹl 33:2

Ọmọ rẹ ohwo, ta ota kẹ ihwo wẹn rẹ wọ ta kẹ ayen, Ọ da dianẹ me vwẹ ọlọkọ rhe otọ na, rẹ ihwo rẹ otọ na da reyọ ohwo nẹ ohri rayen rhe, rẹ ayen de vwo ru ọrhẹrotọ,

Izikiẹl 3:17

Ọmọ rẹ ohwo me vwẹ owẹ ru ọrhẹrotọ kẹ uwevwi rẹ Izrẹl; ọke kọke wo de nyo ota nẹ unu mẹ rhe, ku wo ghwoghwo ota mẹ na kẹ ayen.

Jerimaya 6:17

Me da vwẹ erhẹrotọ mu kẹ ovwan, ta nẹ, Kerhọn rẹ edo rẹ ọgban na! Ẹkẹvuọvo ayen tare nẹ, Ma cha kerhọ-ọn.

Aizaya 62:6

Vwẹ enu rẹ igbẹhẹ wẹn, E Jerusalẹm, Mi phi erhẹrotọ phihọ; vwẹ uvo ejobi kugbe ason ejobi ayen che fotovwi-i. Ovwan re karohọ Ọrovwohwo na, we rovwoma-a,

Izikiẹl 33:7

Ọtiọye wẹ, ọmọ rẹ ohwo, mi vwo ru ọrhẹroto kẹ uwevwi rẹ Izrẹi, kọke kọke wo vwo nyo ota nẹ unu mẹ rhe, ku wọ kpa okpa mẹ phihọ ayen obọ.

Ẹfesọs 4:12

Vwọ kẹ omaẹcha rẹ ihwo efuanfon na, vwọ kẹ iruo rẹ odibo egbe, vwọ kẹ ebanbon rẹ ugboma ri Kristi,

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.

Matiu 25:16

Ọ rẹsosuọ da vwẹ igho rọye cho eki ọ da mrẹ erere rẹ ikpahọ iyori ọfa vwẹ enu rọye.