2 Timoti 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ i gbi vwo omaeririo-o, e gbi se fue ọhọre rẹ aye-en, ri miọvwi odẹ rẹ ihwo, ke vẹn ro umwemwu, ke djoma, ki tuoma rẹ emu esiri,

2 Timoti 3:3 Referans Kwoze

Ọbe ri Jud 1:18

ayen ta kẹ ovwan nẹ, Ukuko rẹ akpọ na vwobọ otu rẹ jehwẹ buebu cha, ri che nene urhuru sivwe rẹ ugboma rayen.

Ọbe ri Pọl si rhe Ihwo ri Rom 1:31

jiroro evwo, jesegbuyota evwo, jẹguọnọ evwo, jaruẹdọn evwo.

Matiu 10:21

Oniọvo che hwe oniọvo, ọsẹ che hwe ọmọ, emọ che hwe i ri vwiẹ ayen, ri de ghwu.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

1 Timoti 3:11

Eya na me je dia ihwo rẹ use na nabọ we, e ta avwravwra-a, ẹkẹvuọvo e me dia fuefu, ri vwo esegbuyota vwe emu ejobi.

Matiu 4:1

Etiyin Erhi Ọfuanfon de sun Jesu kpo evun rẹ aghwa rere idẹbono vwọ davwọ ni.

Daniẹl 8:23

Vwẹ oba rẹ isuesun rayen re, ọke rẹ igburhi na de rhi ru te asan rẹ ukoko rayen da vọn re; ovie ro yivwaro rọ sa fan otọ rẹ ido, ko che muẹ.

Ẹvwọphia 17:6

Me da mrẹ aye na, rẹ ọbara rẹ ihwo efuanfon muẹ kerẹ udi kugbe ọbara rẹ ihwo re hweri fiki ri Jesu. Ọke re me vwọ mrẹ o de gbe vwe unu gangan.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Ẹvwọphia 13:17

ọtiọye na ohwo ọvuọvo gbe sa dẹ eyẹ shẹ-ẹ jokpa nẹ o vwo oka na, kọye hẹ, odẹ rẹ eranvwe na eyẹ unu rẹ odẹ rọye.

Ẹvwọphia 13:15

a da rhọvwe kẹ nẹ ọ vwọ ẹnwẹn kẹ oma rẹ eranvwe na rere oma rẹ eranvwe na vwọ ta ota, rere ayen otu re senre nẹ ayen sa gọ oma na-a e hwe ayen ghwu.

Ọbe ri Jud 1:16

Enana hẹ ihwo ri guẹ huhuhu, rẹ evun rẹ umwemwu jẹvọn, ri nene urhuru sivwe rẹ ugboma, ri rhie enu phihọ yan eyan, ri brugun hẹ ihwo oma fiki rẹ erere.

2 Pita 3:3

Esosuọ ejobi e gbe jẹ ọnana ro ovwan nẹ, okuko rẹ ẹdẹ na otu re vwẹ ohwo jehwẹ cha rhe vẹ ehwẹjẹ, nene ọmeme robọ rayen

Jems 2:6

Ẹkẹvuọvo ovwan phọphọ ovwiogbere na nure. Ọ dia otu rẹ edafe na ri shenyẹ ovwan otọna-a, o dia ayen ri ji kpono ovwan kpo ẹguare na-a?

Taitọs 2:3

Rere eya re ghworo vwo mu oma rẹ ayen phihọ ọghọ, e dia ihwo re ta avwravwra-a eyẹ ri ji si ọgba rẹ udi-i, je dia iyono ri yono emu esiri;

Taitọs 1:8

ẹkẹvuọvo o ru ẹse, ivun rẹ erhuvwu vwerhọ, o se sun oma rọye rọ dia ohwo rẹ ọsoso, fuanfon, dẹndẹn;

1 Tẹsalonaika 4:8

Vwẹ ọtiọye na ohwo ro se uyono nana gbe emu-u, ọ dia ohwo rẹ akpọ ọ jefia-a ẹkẹvuọvo Ọghẹnẹ, rọ vwẹ Erhi Ọfuanfon rọye na kẹ ovwan.

1 Kọrẹnt 7:9

Ẹkẹvuọvo ayen rhe se chiri oma-a, e gbe jẹn ayen rọvwọ. Kidie o fori ra vwọ rọvwọ nọ ọ ra da ghwọrọ vẹ urhuru sivwe.

1 Kọrẹnt 7:5

Wa vwẹ ovwerhẹ vwọrọn ohwohwo ahare-e jokpa nẹ ovwan rhọvwe kugbe vwẹ ọmọke, rere wa sa vwẹ oma rẹ ovwan vwọ kẹ ẹrhovwo ẹnẹ; tavwe we ki rhi kuoma gbe, re Idẹbono jẹ ovwan ẹdavwọ fiki ri jẹ oma echiro rẹ ovwan.

Iyẹnrẹ Esiri ri Jọn 6:70

Jesu da kpahe kẹ ayen, Ọ dia ihwivẹ rẹ ovwan me sanọre-e, ọvo vwẹ usun rẹ ovwan na kẹ idẹbono?

Iyẹnrẹ Esiri ri Luk 16:14

Farisi ri vwo ubiupho rẹ igho na, de nyo ọnana ejobi, ayen da vwọ jehwẹ.

Iyẹnrẹ Esiri ri Luk 10:16

Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.

Aizaya 60:14

Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Aizaya 53:3

A jẹrẹfia ihwo serọ, ohwo re oja, ivuemiovwo rierierẹ oma, kerẹ ohwo ra mrẹ si opharo djẹ, a jẹrẹfia, avwanre sere gbe ohwo-o.

Une rẹ Ejiro 22:6

Ẹkẹvuọvo mẹvwẹ ohori ghevweghe, me dia ohwo-o mẹvwẹ re ihwo mienu phihọ, rẹ ihwo ejobi jẹfia.

Jẹnẹsis 49:7

Eka kẹ ophu rayen, kidie ọ ganọ, kẹ ivuemiovwo rayen, kidie ọ branọ; Me ghare ayen phihọ Jekọp ke Me hra ayen vwẹ Izrẹl.

2 Pita 2:19

Ayen vwẹ egbemọphẹ kẹ ayen, ẹkẹvuọvo yẹ ayen eviẹn rẹ emu ogbegbe; kidie kemu kemu ro se phi ohwo kparobọ, ọye ohwo vwẹ oma ru ọviẹn kẹ.

Une rẹ Ejiro 15:4

Ohwo rọ je ihwo fia tuoma, ẹkẹvuọvo o mi rhe mu ọghọ ke ihwo re dje oshọ re Ọrovwohwo ro duvwu iyori kẹ omobọ rọye ọ da dia obo re miavwọ dede ọ gbi se kue rhẹriẹ-e,

Ọbe ri Pọl si rhe Ihwo ri Rom 1:29

Udu rayen da vọn vẹ orukuruku, ozighi, urhuru, ọhoho. E vọnre vẹ omẹriọ, ozighẹ, ẹghwọ, ophiẹvwe, ota ọbrabra, iguegu,