2 Timoti 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me da karohọ oviẹ wẹn, urhuru wẹn ko si vwe te ason te uvo re me vwọ mrẹ wẹ, rere omavwerhe mẹ vwọ vọn.

2 Timoti 1:4 Referans Kwoze

2 Timoti 4:9

Ru rere wo bru uvwe rhe phẹrẹkpẹ.

2 Timoti 4:21

Fobọ rhe re ohwahwa ki she. Yubulọs nẹ eyere uwe, ọtiọye je hẹ Pudins kugbe Lainus kugbe Klọdia kugbe imoni na ejobi.

1 Tẹsalonaika 2:17

Ẹkẹvuọvo imoni, re vwo mu avwanre phihọ uwodi jẹ ovwan vwo na, vwẹ ọmọke krẹ na, vwẹ ugboma ọ dia erhi-i na, avwanre ke ro ẹnwan, urhuru rẹ ovwan ko siẹ avwanre rẹ avwanre vwọ mrẹ ohwohwo opharo.

Filipae 1:8

Kidie Ọghẹnẹ hẹ oseri mẹ, obo rẹ urhuru rẹ ovwan ejobi sivwe te vwẹ ẹguọnọ ri Kristi Jesu.

Ẹvwọphia 21:4

ko ririe ameoviẹ nẹ ẹro rayen, ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a, kidie emu rẹ awanre na wanvrẹn nure.

Ẹvwọphia 7:17

Kidie Omogodẹ na rọ hẹ uherevie rẹ ekete na kọ dia osuigegede rayen, ko sun ayen kpo ogbugbu rẹ arhọ na; Ọghẹnẹ ko rhie ameoviẹ nẹ ayen ẹro.

1 Jọn 1:4

Avwanre ki siẹ ọnana rere aghọghọ rẹ avwanre vwọ gba.

Filipae 2:26

kidie urhuru rẹ ovwan ejobi siro hwe, oma ke rha ghwọrọ fikiridie ovwan nyori nẹ ọ mwa ọga.

Ọbe ri Pọl si rhe Ihwo ri Rom 1:11

Kidie urhuru rẹ ovwan si vwe, rere me vwẹ ọchuko rẹ ẹse rẹ erhi na kẹ ovwan rọ kẹ ovwan ogangan vwo mudia gan.

Iruo rẹ Iyinkọn na 20:31

We gbe jeje oma, re wa karohọ nẹ ikpe erha soso mi gbẹdẹ-ẹ te ason te uvo me vwọ vwẹ oviẹ brẹ ovwan uche.

Iruo rẹ Iyinkọn na 20:19

Me ga Ọrovwohwo vwẹ oma evwokpotọ vẹ oviẹ vẹ edavwini re vwa vwẹ vwẹ oma rẹ iroro umwemwu rẹ ihwo ri Ju;

Iyẹnrẹ Esiri ri Jọn 16:24

Rhi te ọke nana ovwan je nọ emuọvo vwẹ odẹ mẹ-ẹ; nọ, kẹ ovwan mrẹ reyọ, rere aghọghọ rẹ ovwan vwọ vọn.

Iyẹnrẹ Esiri ri Jọn 16:22

Ọtiọye na ovwan ke mrẹ odjadja vwẹ asakiephana, ẹkẹvuọvo me cha rhoma mrẹ ovwan udu rẹ ovwan kọ ghọghọ, ohwo ọvnovo gbi se mie ovwan aghọghọ yena-a.

Jerimaya 31:13

Kẹsiẹye emete na ke cha ghọghọ vwẹ ehegbe, oma je cha vwerhe imighene re eshare vẹ ekpako na. Me rhẹriẹ uvweri rayen phihọ aghọghọ, me sasa ayen oma, ukpe rẹ uvweri ke me kẹ ayen omavwerhovwẹ.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Une rẹ Ejiro 126:5

Jẹn ihwo re kọn vwẹ oviẹ vun vẹ edo re aghọghọ!