2 Samuẹl 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọye Devid da dia asan ọgangan rẹ ofovwi sa rua-a na, o de se otorho ri Devid. Devid da bọn orere na riariẹ nẹ Millo ra ro evun rọye.

2 Samuẹl 5:9 Referans Kwoze

1 Ivie 9:24

Ẹkẹvuọvo ọmọtẹ ri Fero de vrẹn nẹ orere ri Devid na kpo uwevwi rẹ obọ rọye ri Solomọn bọn kẹ; etiyin ọ da bọn Milo.

1 Ivie 9:15

Ọnana kọye unu rẹ arhọghọ rẹ Solomọn tori vwọ bọn uwevwi rẹ Ọrovwohwo na vẹ uwevwi rẹ obọ rọye kugbe Milo na kugbe igbẹhẹ ri Jerusalẹm kugbe Hazọr Mẹgido kugbe Geza

2 Ikun rẹ Ivie 32:5

O de mu iruo phihọ o de rhi fi igbẹhẹ ri kporo she ejobi gbe, ọ da bọn ehẹrhẹ phihọ enu rọye, ọ da rhoma bọn igbẹhẹ ọfa yariẹ ọ rẹsosuọ na, ọ de ru Millo rọ hẹ evun rẹ orere ri Devid na ga kokoroko. Ọ de duvwu ihwunu vẹ ekpọfia vẹ ekuakua rẹ ofovwi buebu.

1 Ivie 11:27

Kẹ ọnana obo re sorọ rọ vwọ kpare obọ rọye so ovie na, Solomọn da bọn Milo, o de di asan ro kpori vwẹ orere ri Devid ọsẹ rọye.

2 Samuẹl 5:7

Yẹ ẹkẹvuọvo Devid ghene sa ro asan ọgangan ri Zayọn na, kọye e se otorho ri Devid.

1 Ikun rẹ Ivie 11:8

Ọ da bọn orere na ki riariẹ nẹ Millo na hrẹbẹ hrẹbẹ; etiyin Joab da rhuẹrẹ asan ro chekọ vwẹ orere na.

Iguẹdjọ 9:20

ẹkẹvuọvo ọ gbe dia eriyi-in, e gbe jẹn erhanre nẹ oma rẹ Abimẹlẹk rhe torhẹ ihwo rẹ Shikẹm, kugbe Bẹtmillo; gbe jẹn erhanre la phia vwẹ oma rẹ ihwo ri Shikẹm, kugbe Bẹtmillo, rere ọ torhẹ Abimẹlẹk.

Iguẹdjọ 9:6

Emọ rẹ orho ri Shikẹm ejobi de sioma koko, kugbe ihwo ri Bẹtmillo, ayen da ra vwẹ Abimẹlẹk mu ovie vwẹ asan ọhahe rọ kẹrẹ osusu vwẹ obi Shikẹm.

2 Samuẹl 5:8

Devid da ta vwẹ ẹdẹ yena, kohwo kohwo rọ họnre Jebus e jo pho ugbo na vrẹn ro hwe ikpono vẹ irhuẹro ri tu erhi ri Devid oma na. Fiki rẹ ọtiọye a da tanẹ e gbi jẹn ikpono vẹ irhuẹro na gbe rha ro uwevwi-i.

Ivie rẹ Ivẹ 12:20

Idibo rọye da ta phihọ, ayen de hwe vwẹ uwevwi ri Milo, vwẹ idjerhe rọ wanvrẹn kpo Sila.

Une rẹ Ejiro 122:3

Jerusalẹm, a bọnrọ kerẹ orere ra rhuọn kugbe kokoroko,

Aizaya 29:1

E Ariẹl, Ariẹl, wẹ orere ri Devid muerhọn phihọ na! vwẹ ukpe ba ukpe; jẹn orẹ na rhe vwẹ ọke rọye.

2 Samuẹl 6:10

Devid gbe ghwa rhọvwe nẹ ekpeti rẹ Ọrovwohwo na rhe orere ri Devid na-a; ẹkẹvuọvo Devid de muo kpo uwevwi rẹ Obededọm ohwo ri Git.

1 Ivie 2:10

Etiyin Devid da vwerhẹ kirobo rẹ esẹ rọye vwerhere, e de sho phihọ orere ri Devid.

Ivie rẹ Ivẹ 12:21

Jozaka ọmọ ri Shimeat vi Jehozabad ọmọ ri Shoma, idibo rọye, re ghwiẹrẹ she teye otọ, o de ghwu. E de sho ba esẹ rọye vwẹ orere ri Devid, Amazaya rẹ ọmọ rọye da re uvie vwẹ ẹdia rọye.

Nehemaya 3:15

Shallum ọmọ ri Kọlhozeh, osun re ubrotọ ri Mizpah, da rhuẹrẹ Ughere rẹ Ogbugbu na, ọ rhoma bọn o de rhurho, o de mu ẹchẹ rọye vi, isiaphre vẹ ejẹhọ vẹ egbẹn rọye ọ da je bọn igbẹhẹ rẹ ẹtẹrhẹ ri Shẹlah rọ hẹ ọgba rẹ ovie, rhiri re te agbada rọ wan nẹ orere ri Devid rhe.