2 Samuẹl 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ayen da reyọ uyovwi rẹ Ishboshet vwo rhe Devid vwi Hebrọn. Ayen da ta kẹ ovie, Uyovwi rẹ Ishboshet na, ọmọ ri Sọl, ọvweghrẹ wẹn, rọ guọnọ owẹ hwe; Ọrovwohwo reihri kẹ ọrovwovwe ovie nonẹ na vwẹ oma ri Sọl vẹ emọ rọye.

2 Samuẹl 4:8 Referans Kwoze

1 Samuẹl 25:29

Ọ da dianẹ ihwo vrẹn vwọ so wẹ re da guọnọ owẹ hwe, arhọ rẹ ọrovwovwe na ke kron phihọ ekrun rẹ ihwo re sivwe ka vwọ k, Ọrovwohwo Ọghẹnẹ wẹn rọ vwẹ ẹro te; arhọ rẹ ivwighrẹ wẹn ke fa kufia kerẹ ohwo rọ fa udoroku.

2 Samuẹl 22:48

Ọghẹnẹ re choja kẹ vwẹ, Kọye vwẹ ihwo kpotọ kẹ vwẹ.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 6:10

ayen da van kperi tanẹ, E Ọrovwohwo Osun, ọfuanfon kugbe uyota, mavọ o krite wo ki rhi guẹdjọ kugbe re wọ ke rhe reihri rẹ ọbara rẹ avwanre vwẹ obọ rẹ ihwo re dia enu rẹ akpọ na?

Matiu 2:20

Vrẹn wo mu ọmọ na kugbe oni rọye, ri we rhivwi kpo otọ rẹ Izrẹl, kidie ọvweghrẹ rẹ ọmọ na ghwu nure.

Une rẹ Ejiro 71:24

Ẹrenvwe mẹ kọ ta ota rẹ ọchuko re ọvwata wẹn vwẹ ẹdẹ na ejobi, kidie a phọphọ ayen oma vo ayen re guọnọ oma ẹwan mẹ.

2 Samuẹl 18:31

Nighere ohwo ri Kush na da rhe, ọ da ta, iyẹnrẹn esiri vwọ kẹ ọrovwọvwe ovie fikiridie Ọrovwohwo sivwi we vwẹ ẹdẹ ri nonẹ nẹ ogangan rẹ ihwo ri gbe kpahọ owẹ.

2 Samuẹl 18:19

Etiyin Ahimaaz rẹ ọmọ ri Zadọk da ta, ju vwe djẹ, Me ra ghwẹ ikun nana rhe ovie, nẹ Ọrovwohwo sivwi ro nẹ obọ rẹ ivwighrẹ rọye.

1 Samuẹl 24:4

Ihwo ri Devid da ta kẹ, Nonẹ na ẹdẹ rẹ Ọrovwohwo ta kẹ wẹ nẹ, Nighe, Mi che phi ọvweghrẹ wẹn phihọ owẹ obọ, ku wo ruo obo je we ejobi. Etiyin Devid de vrẹn ọ da bẹbẹ re bru orhọn rẹ adagba ri Sọl.

1 Samuẹl 23:15

Oshọ ko mu Devid fikiridie Sọl guọnọ hwe. Yi Devid hẹ evun rẹ aghwa ri Zip vwi Horẹsh.

1 Samuẹl 20:1

Etiyin Devid da djẹ nẹ Naiot vwi Remah, ọ da rhe rhe ta kẹ Jonatan, Die mi ruru? Didi abe me rere? Didi umwemwu mi ru ọsẹ wẹn, rọ vwọ guọnọ ovwẹ hwe?

1 Samuẹl 19:15

Etiyin Sọl de ji ikọn ra mrẹ Devid, tanẹ, re muo rhe vwe vwẹ ehwa rọye, rere mi hwe.

1 Samuẹl 18:11

Sọl de phi ubiri na, kidie o rori nẹ, Mi ghwe duvwu Devid mu igbẹhẹ. Ẹkẹvuọvo Devid de fovwi oma kẹ asiava.

2 Samuẹl 2:8

Asakiephana Abner rẹ ọmọ ri Ner, onotu rẹ ofovwi ri Sọl, da reyọ Ishboshet ọmọ ri Sọl, ọ da vwọ rhe Mahanaim,

1 Samuẹl 19:1

Sọl da ta kẹ Jonatan rẹ ọmọ rọye kugbe idibo rọye ejobi, nẹ ayen hwe Devid. Ẹkẹvuọvo Jonatan, ọmọ ri Sọl na, da guọnọ Devid gangan.