2 Samuẹl 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Devid da ta kẹ ihwo rọye nẹ e hwe ayen, nẹ bru abọ rayen vẹ awọ rayen re churu ayen si vwẹ oma rẹ ẹtẹrhe vwi Hebrọn. Ẹkẹvuọvo ayen da reyọ uyovwi rẹ Ishboshet, ayen de sho phihọ ushi rẹ Abner vwi Hebrọn.

2 Samuẹl 4:12 Referans Kwoze

2 Samuẹl 3:32

E de shi Abner phihọ Hebrọn. Etiyin Devid da viẹ vwẹ asan ushi ri Abner, ihwo na ejobi da je viẹ.

2 Samuẹl 1:15

Devid de se ọvo rẹ emeshare na, ọ da ta, Yanran wo rhurho muotọ. Etiyin ọ da ghwiẹ hwe.

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

Une rẹ Ejiro 55:23

Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.

2 Samuẹl 21:9

O de phi ayen phihọ obọ rẹ ihwo ri Gibiọn ayen de churu ayen si vwẹ enu rẹ ugbenu vwẹ obaro rẹ Ọrovwohwo, ayen ighwrẹ na de ghwu siẹvo. Edẹ rẹ ẹsosuọ re vwo vuẹ orhọ ọye e vwo hwe ayen vwẹ ẹtuọhọ rẹ orhọ ri bali.

2 Samuẹl 2:8

Asakiephana Abner rẹ ọmọ ri Ner, onotu rẹ ofovwi ri Sọl, da reyọ Ishboshet ọmọ ri Sọl, ọ da vwọ rhe Mahanaim,

2 Samuẹl 16:8

Ọrovwohwo rhe re ihri rẹ ọbara rẹ uwevwi ri Sọl vwẹ obọ wẹn, ohwo re wọ re uvie vwẹ adia rọye na; Ọrovwohwo vwẹ uvie wẹn vwọ hẹ obọ rẹ ọmọ wẹn Absalọm. Nighere, oghwọrọ wọ epha na, wẹ ohwo rẹ ọbara na.