2 Samuẹl 22:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọghẹnẹ mẹ, oragha mẹ, evun wẹ mi de sioma nu, ekpọfia mẹ, vẹ owanre rẹ arhọ mẹ, asan ọgangan mẹ kugbe asan mi de sioma nẹ, osivwi mẹ; wo si vwe nẹ ogidi.

2 Samuẹl 22:3 Referans Kwoze

Une rẹ Ejiro 9:9

Ọrovwohwo na ogba ọgangan kẹ otu re shenyẹ, ogba ọgangan vwẹ ọke rẹ ukpokpogho.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Isẹ 30:5

Ota kota rẹ Ọghẹnẹ ejobi uyota re; ọye ekpọfia kẹ ihwo re djẹ gbalọ.

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Une rẹ Ejiro 18:2

Ọrovwohwo na oragha mẹ, kugbe egbe mẹ, kugbe osivwi mẹ, Ọghẹnẹ mẹ, oragha mẹ, evun wẹn me da djahe, ekpọfia mẹ, kugbe ighoro re esivwo mẹ, asan ọgangan mẹ.

Urhi Rivẹ 33:29

Wa ghọghọ, E Izrẹl Ono họhọ owẹ, ihwo rẹ Ọrovwohwo sivwiri, ako rẹ ọchuko wẹn, kugbe ọlọkọ rẹ ephiokparobọ wẹn! Ivwighrẹ wẹn yan riariẹ owẹ phihọ ko wo che chiyi ẹdia rayen phihọ otọ.

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

Hibru 2:13

Ọfa, Ke me vwẹ ẹro suọ. Ọfa, Mẹvwẹ na, kugbe emọ rẹ Ọghẹnẹ vwọ kẹ vwẹ.

Iyẹnrẹ Esiri ri Luk 1:69

ọ kpare ighoro rẹ esivwo kẹ avwanre vwẹ uwevwi ri Devid odibo rọye,

Une rẹ Ejiro 144:2

oragha mẹ, kugbe ogba ọgangan mẹ, asan ọgangan mẹ kugbe osivwi mẹ, ekpọfia mẹ evun wẹn mi de si oma nu, ro chiyi ihwo na ejobi muotọ kẹ vwẹ.

Une rẹ Ejiro 59:16

Ẹkẹvuọvo me so ine re ẹgba wẹn; Me so ine rẹ ẹguọnọ wẹn ro je rhẹriẹ vwẹ irhiọke. Kidie wọwẹ asan odjahọ kẹ vwẹ asan rẹ oma esiono vwẹ ọke rẹ ukpokpogho

Une rẹ Ejiro 14:6

Wo se miovwo iroro rẹ ovwiogbere, ẹkẹvuọvo Ọrovwohwo ọye odjahọ rọye.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Une rẹ Ejiro 140:4

Sẹro mẹ, E Ọrovwohwo, nẹ obọ rẹ ohwo umwemwu; Sivwi uvwe nẹ obọ rẹ ohwo ro gbe ozighi, re jẹ iroro ra vwọ kpro vwẹ owọ.

Une rẹ Ejiro 55:9

Guọghọ iroro rayẹn, E Ọrovwohwo, jẹ ọbagha phihọ ẹrẹnvwe rayen; kidie me mrẹ ozighi kugbe ohọnre vwẹ evun re orere na.

Une rẹ Ejiro 46:7

Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.

Iyẹnrẹ Esiri ri Luk 1:71

nẹ o si avwanre nẹ obọ rẹ ivwighrẹ rẹ avwanre, kugbe obọ rẹ otu ri tuoma rẹ avwanre;

Une rẹ Ejiro 140:11

Jẹn ohwo rọ vwẹ unu miovwo ohwo muẹdia gan vwẹ otọ na-a, jẹn umiovwo brẹsi re ohwo gudu gudu kpata kpata.

Une rẹ Ejiro 140:1

Sivwi uvwe, E Ọrovwohwo, nẹ obọ rẹ ihwo umwemwu. Sẹro mẹ nẹ obọ rẹ ihwo ri gbe ozighi,

Une rẹ Ejiro 86:14

E Ọghẹnẹ, ihwo ri yivwaro vrẹn vwọ so vwẹ; otu rẹ ihwo zighi zighi guọnọ arhọ mẹ, ayen rha vwẹ owẹ ka obaro rẹ aye-en.

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Une rẹ Ejiro 84:9

Nighe ekpọfia rẹ avwanre, E Ọghẹnẹ; ni opharo rẹ ohwo wẹn ra vwẹ evwri ghworo na!

Une rẹ Ejiro 72:14

Nẹ oshenyẹ vẹ ogbarogba ọ tan arhọ rayen nurhe; ọbara rayen ọ pha ghaghare vwẹ obaro rọye.

Une rẹ Ejiro 71:7

Me dia ohwoka kẹ ihwo buebu re, ẹkẹvuọvo wọwẹ hẹ asan odjahọ ọgangan mẹ

Une rẹ Ejiro 61:3

Kidie wẹ odjahọ mẹ, ogba ọgangan vwọ hẹrhẹ ivwighrẹ.

Une rẹ Ejiro 46:1

Ọghẹnẹ odjahọ kugbe egba rẹ avwanre, omamọ rẹ ọchuko ra mrẹ, vwẹ ọke rẹ ukpokpogho.

Une rẹ Ejiro 28:7

Ọrovwohwo ogangan mẹ kugbe ekpọfia mẹ; ọye udu mẹ vwẹ ẹro so, ọtiọye na ka cha vwẹ uko, udu mẹ ko ghọghọ, une mẹ kọye me vwọ kpẹvwẹ.

Une rẹ Ejiro 27:5

Kidie o se si vwe nu vwẹ odjahọ rọye vwẹ ẹdẹ re ukpokpogho; o che si vwe nu vwẹ otọ rẹ ibọkpọ rọye, kọ kpare ovwẹ mudia vwẹ enu rẹ oragha.

Une rẹ Ejiro 5:12

Kidie wẹ ri brẹba kẹ ọvwata, E Ọrovwohwo; wẹ re vwẹ ehrọre phopho kerẹ ukpo.

Une rẹ Ejiro 3:3

Ẹkẹvuọvo wẹ, E Ọrovwohwo, ọye ekpọfia mẹ, urinrin mẹ kugbe ọ rọ kpare uyovwi mẹ.

2 Samuẹl 22:51

Ephio kparobọ rode ọ vwọ kẹ ovie rọye ọ da vwẹ ẹguọnọ rọ jerhẹrie vwọ kẹ ovie rọye, kẹ Devid vẹ uvwiẹ rọye bẹdẹ.

2 Samuẹl 22:49

Ọghẹnẹ ro si vwe nẹ obọ rẹ ivwighrẹ mẹ; Wọ da kpare ovwẹ kpenu nọ ivwighrẹ mẹ, wẹ ri si vwe nẹ obọ rẹ ihwo ri gidi gidi,

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.

Urhi Rivẹ 32:37

Kẹsiẹye ọ ke ta, Tivọ edjọ rayen epha, oragha rẹ ayen da djahe na,

Taitọs 3:6

Ọ ro ku kuẹ avwanre buebu, vwẹ oma ri Jesu Kristi Ọsivwi rẹ avwanre;

Taitọs 3:4

Ẹkẹvuọvo ọke rẹ arodọvwẹ rẹ erhuvwu kugbe ẹguọnọ rẹ Ọghẹnẹ Ọsivwi rẹ avwanre vwọ phiare,

Iyẹnrẹ Esiri ri Luk 1:47

Ẹnwẹ mẹ ghọghọre vwẹ oma rẹ Ọghẹnẹ Osivwi mẹ.

Jerimaya 16:9

Kidie enẹ Ọrovwohwo rẹ otuofovwi na tare, Ọghẹnẹ rẹ Izrẹl na, Nighe, mi che ru rere urhuru rẹ omavwerhovwẹ vẹ urhuru rẹ aghọghọ, urhuru rẹ ọshare rẹ ọpha kugbe urhuru rẹ ọpha de ghwru nẹ etine na, vwẹ aro rẹ ovwan na ejobi.

Aizaya 45:21

Dje ru wo gu ẹdjọ wẹn rhe jẹn ayen jẹ iroro kugbe Ono ri gbe ikun nana rhabae? Ono ri djere vwẹ ọke rẹ awanre? O dia Mẹvwẹ, rẹ Ọrovwohwo na? Yẹ Ọghẹnẹ ọfa gbe herọ ba vwẹ-ẹ, Ọghẹnẹ rẹ ọvwata kugbe Osivwi, ọfa gbe herọ vrẹn vwẹ-ẹ

Une rẹ Ejiro 32:7

Wẹ asan odjahọ mẹ, Wẹ ri sivwi vwe nẹ ukpokpogho, wẹ re reyọ esivwo vwo rhuo vwe yariẹ.

Une rẹ Ejiro 142:4

Mi ni obọrhe me da rhẹrẹ, ẹkẹvuọvo o vwo ohwo ọvuọvo ro ni vwe so-o; o gbi vwo asan odjahọ kẹ vwẹ-ẹ, ohwo gbe davwerhọ mẹ-ẹ

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

1 Samuẹl 2:2

O vwo ohwo ọvuọvo rọ fonro kerẹ Ọrovwohwo-o, ọfa herọ ba wẹ-ẹ; o vwo oragha ọfa kerẹ Ọghẹnẹ rẹ avwanre na-a.

2 Samuẹl 22:31

Idjerhe rẹ Ọghẹnẹ nana gbare; iveve rẹ Ọrovwohwo vwẹ uyota phia, ọye odjahọ kẹ ihwo re djẹ bro rhe ri sioma nu.

2 Samuẹl 22:47

Ọrovwohwo na herọ; ebruba kẹ oragha mẹ, Ọghẹnẹ rẹ oragha rẹ esivwo mẹ ka kpenu.

2 Samuẹl 23:3

Ọghẹnẹ rẹ Izrẹl ta nure, oragha rẹ Izrẹl ra kẹ vwẹ. ọke rẹ ọvo de suẹn ihwo vwẹ ọ rẹ ọsoso ro de suẹn vwẹ oshọ rẹ Ọghẹnẹ,

Ẹyano 15:2

Ọrovwohwo ọye ogangan mẹ kugbe une mẹ, o ji rhi hirhe phihọ esivwo mẹ; ọnana Ọghẹnẹ mẹ, ki mi jiro, Ọghẹnẹ rẹ ọsẹ mẹ, ke me kparọ kpenu.

Une rẹ Ejiro 9:10

Ihwo re riẹn odẹ wẹn vwẹ ẹro so wẹ, kidie wẹ, E Ọrovwohwo, wọ je sen ihwo re guọnọ owẹ dẹvo-o.

Une rẹ Ejiro 46:2

Fiki rẹ ọtiọye na avwanre gbe dje oshọ-ọ ọda tobọ dianẹ akpọ na kurhẹriẹ dede, ọ da tobọ dianẹ igbenu na gbe kpogho vwe uherevie re abadi,