2 Samuẹl 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Devid de ji ikọn bru ihwo ri Jabẹsh Giliad ra ọ da ta kẹ ayen, E jẹn Ọrovwohwo bruphihọ kẹ ovwan, kidie we ru ẹse nana vwọ kẹ ọrovwovwan, Sọl ri we vwo sho.

2 Samuẹl 2:5 Referans Kwoze

1 Samuẹl 23:21

Sọl da ta, E jẹn Ọrovwohwo bru phihọ kẹ ovwan; kidiẹ ovwan re ehrọre mẹ.

Une rẹ Ejiro 115:15

Ju wo vwo ebruphihọ rẹ Ọrovwohwo na, rọ ma odjuvwu vẹ otọ na !

1 Samuẹl 24:19

Kidie ohwo da mrẹ ọvweghrẹ rọye, ko siobọ no kpo phrẹrẹ? Ọtiọye na Ọrovwohwo kọ hwa osa oyoyovwi kẹ wẹ fiki rẹ obo wo ru kẹ vwẹ nonẹ na.

Rutu 2:20

Etiyin Naomi da ta kẹ aye rẹ ọmọ rọye Ebruphihọ rẹ Ọrovwohwo dia kẹ ohwo na, ro gbobọ nyẹ ẹse ro ruẹ vwọ kẹ ihwo ekpokpọ eyẹ ighweghwu-u. Naomi da je ta kẹ, Ọshare na omoni rẹ avwanre, omoni kpẹkpẹkpẹ.

Rutu 3:10

Etiyin ọ da ta, Jẹn Ọrovwohwo bruphihọ kẹ wẹ, ọmọtẹ mẹ; ẹse wẹn nana rhonọ ọ rẹsosuọ kidie wo nenesi re imighene-e, yẹrẹ ivwiogbere yẹrẹ edafe.

Rutu 1:8

Ẹkẹvuọvo Naomi da ta kẹ eya rẹ emọ rọye ivẹ na, ovwan rhivwi kpo, dohwo duwevwi rẹ oni rọye ra. Ọrovwohwo ruẹse kẹ ovwan, kirobo we ru kẹ ọ ro ghwuru na vẹ ovwẹ.

Iguẹdjọ 21:8

Ayen da tanẹ, Didi orua ọvo vwẹ Izrẹl na ri jẹ Ọrovwohwo na bro cha vwi Mizpa? E vwo no, nughe, ohwo ọvuọvo nẹ erhọn ri Jabesh Giliad rhe ukoko nana-a.

1 Samuẹl 15:13

Samuẹl da rhe vwa Sọl, Sọl da ta kẹ, Ebruphihọ kẹ wẹ vwẹ oma rẹ Ọrovwohwo; mi ruru kirobo rẹ Ọrovwohwo ji urhi rọye kẹ vwẹ nure.

Jẹnẹsis 14:19

Ọ da nẹ ẹrhovwo kẹ tanẹ, Ebruba kẹ Ebram vwẹ oma rẹ Ọghẹnẹ ro Me Kpenu, rọ ma odjuvwu vẹ akpọ;

Jẹnẹsis 14:22

Ẹkẹvuọvo Ebram da ta kẹ ovie ri Sodọm, Mi vẹ kẹ Ọrovwohwo Ọghẹnẹ ro Me Kpenu nure, ọ rọ ma odjuvwu vẹ akpọ,

Joshua 2:14

Eshare na da ta kẹ, Arho rẹ avwanre me vwo wene kẹ ovwan! Wo rha vwẹ umẹ nana gbẹ iku-un, avwanre ke nabọ sẹro wẹn dẹndẹn. Vwẹ ọke rẹ Ọrovwohwo da vwẹ otọ na kẹ avwanre.

1 Samuẹl 11:1

Etiyin Nahash rẹ ohwo rẹ Ammọn de kpo imu vwi Jabesh Gilead; ihwo ri Jabesh ejobi da ra kẹ Nahash, Yanrhe re avwanre vẹ owẹ ru ọbe, kẹ avwanre ga wẹ

1 Samuẹl 11:9

Ayen da ta kẹ ikọn re ji rhe na, E nẹ wa ta kẹ ihwo ri Jabesh Gilead: Odẹ, bẹsiẹ rẹ ọnre vwọ bẹre muotọ, kẹ ovwan cha mrẹ esivwo. Ọke rẹ ikọn na rhe vwọ vuẹ ihwo ri Jabesh, oma da vwerhe ayen.

2 Samuẹl 15:20

Odẹ kpori wọ rhere, me ghwa vwi nonẹ ru vwo nene avwanre, avwanre re yancha yankpo na, ri vughe asan rẹ ra-a? Rhivwi reyọ ihwo wẹn rhe. Jẹn ehrọre vẹ ẹguọnọ ro jẹrhẹriẹ rẹ Ọrovwohwo nene uwe dia.

2 Samuẹl 21:12

Devid da yanran ra reyọ ibeku ri Sọl kugbe ọ ri Jonatan rẹ ọmọ rọye mie ihwo ri Jabesh Gilead ri cho ayen ne urhuvwu ri Betshan, asan rẹ ihwo ri Filistia de churu ayen si, vwẹ ẹdẹ rẹ ihwo ri Filistia vwo hwe Sọl vwi Gilboa.