2 Samuẹl 13:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ da reyọ ọmọze, o de kuo phihọ vwẹ irharo rọye, ẹkẹvuọvo Amnọn rhọvwe re-e. Amnọn da ta, Jẹn ihwo na ejobi nẹ etiyin ayen ejobi de nẹ asan rọ epha.

2 Samuẹl 13:9 Referans Kwoze

Jẹnẹsis 45:1

Etiyin Josẹf gbi se chiri oma rọye vwẹ irharo rẹ ihwo ri mudia kẹrẹ-ẹ; ọ da van, E ji kohwo kohwo bi nu vwe oma. Ọtiọye na ohwo ọvuọvo rhe mudia kẹrẹ Josẹf ọke rọ vwọ vwẹ oma phia kẹ emesẹ rọye-e.

Iyẹnrẹ Esiri ri Jọn 3:20

Kidie kohwo kohwo ro ruẹ umwemwu urhukpe tuoma, ọ kpo asan rẹ urhukpẹ epha-a, a da rha vwẹ uruemu rọye phia.

Iguẹdjọ 3:19

Ẹkẹvuọvo ekpuyovwi rọye ọvo de rhivwi nẹ asan ra da vwẹ oragha kare oma rọ kẹrẹ Gilgal na rhe, ọ da ta nẹ, Ovie, mi vwo ota rẹ odjahọ ọvo ri mi che nene uwe ta. O de ji urhi nẹ, Afọ, ihwo ri mudia kẹrẹ ejobi de vrẹn nẹ Etiyin.

2 Samuẹl 13:8

Etiyin Tama de bro omoni rọye kpo uwevwi rọye; vwẹ asan ro sherhẹ na. Ọ da reyọ frawa ọ da nọ, o de vwo ru ikara vwẹ irharo rọye, ọ da kakọ.

2 Samuẹl 13:10

Amnọn da ta kẹ Tama, Vwẹ emu na rhe obo uvun rere me riọ vwẹ obọ wẹn. Tama de mu ikara na kpo uvnn bru Amnọn ra.