2 Samuẹl 12:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ da yọnrọn ghwanre, ọ vọye vẹ emọ rọye da rhe rho kugbe; emu rọ ria ọye ọ ria; uko rọ vwọ da ame ọye ọ vwọ da, o mie sherhẹ agada rọye, ọ da họhọ ọmọtẹ rọye.

2 Samuẹl 12:3 Referans Kwoze

Maika 7:5

Wọ vwẹ ẹro so ọrivẹ-ẹ, wọ vwẹ udu kpahe ugbeya-an; sẹro rẹ ẹchẹ rẹ ugbunu wẹn kẹ aye rọ vwẹ uyovwi kpahe owẹ udu;

2 Samuẹl 11:3

Devid de ji ohwo ra nọ ekpẹn rẹ aye na. Ohwo ọvo da ta, Ọna gbe dia Batsheba, rẹ ọmọtẹ rẹ Eliam, rẹ aye rẹ Uraya rẹ ohwo ri Hẹt?

Urhi Rivẹ 13:6

Ọ da dianẹ oniọvo wẹn, rọ dia ọmọ rẹ oni wẹn, eyẹ ọmọshare wẹn, eyẹ ọmọtẹ wẹn, eyẹ ayerhi wẹn, eyẹ ugbeyan wẹn, rọ kẹrẹ owẹ oma rọ da bẹbẹ riẹriẹ owẹ, tanẹ, Jẹn avwanre yanran ra ga ẹdjọ, e re wọ vẹ esẹ wẹn riẹnre-e na;

2 Samuẹl 12:2

Ọdafe na vwo igodẹ buebu kugbe ichuru; ẹkẹvuọvo ovwiogbere na vwo emu ọvuọvo-o jokpa rẹ ọmọ rẹ ogodẹ rẹ aye, otete ọvo rọ dẹre.

2 Samuẹl 12:4

Ọrhorha ọvo de rhi wo ọdafe na, ọ rhọvwe hwe ogodẹ ọvo vwẹ usun rẹ ichuru rọye na vwo chere emu kẹ ọrhorha ro woro na-a; ẹkẹvuọvo ọ da reyọ omogodẹ rẹ ovwiogbere na, o de hwe vwo chere emu kẹ ọrhorha ro woro na.