2 Jon 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kohwo kohwo rọ yan hẹ obaro yọ rha dia vwẹ evun rẹ uyono ri Kristi na-a yo ji vwo Ọghẹnẹ-ẹ; ohwo rọ diarọ vwẹ evun rẹ uyono ri Kristi na yo vwo ayen ivẹ na Ọsẹ na kugbe Ọmọ na.

2 Jon 1:9 Referans Kwoze

Kolose 3:16

We gbe jẹn ota ri Kristi dia evun rẹ ovwan, rọ kẹ ovwan aghwanre buebu, rere ovwan yono ohwohwo, rere ovwan bru ohwohwo uche, vwẹ akpata, vẹ une rẹ ejiro kugbe ine rẹ erhi, rere wa vwẹ udu rẹ ovwan so ine vwevwerhe kẹ Ọghẹnẹ.

1 Jọn 1:3

rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

Iruo rẹ Iyinkọn na 2:42

Kọke kọke ayen vwo koko vwẹ uyono rẹ iyinkọn na ayen me re kugbe ayen me nẹ ẹrhovwo kugbe.

Taitọs 2:10

Ayen gbe ota phihọ ayen unu-u, ayen tọrọ obọ-ọ, ẹkẹvuọvo ayen nabọ vwẹ uruemu esiri phia, rere ihwo vwo mu ọghọ kẹ uyono rẹ Ọghẹnẹ Osivwi rẹ avwanre, vwi kemu kemu.

Iyẹnrẹ Esiri ri Jọn 15:6

Ohwo rọ rha herọ vwẹ evun mẹ-ẹ, ya fianrọ kufia kerẹ oghọn kovwioro; ka kua eghọn na koko, ka kpare ayen phihọ erhanre ke torhẹ.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

Iyẹnrẹ Esiri ri Luk 10:22

Ọsẹ mẹ vwẹ emu na ejobi kẹ vwẹ; yẹ ohwo ọvuọvo riẹn ọmọ na-a jokpa rẹ Ọsẹ na, eyẹ ohwo ọvuọvo riẹn Ọsẹ na-a jokpa rẹ ọmọ na kugbe ohwo rẹ ọmọ na vwe rọ phia kẹ.

Hibru 6:1

Vwẹ ọtiọye na e gbe jẹ avwanre gbobọnyẹ ebaghẹrẹ rẹ uyono ri Kristi na re e ru kerẹ omiragua, re e kurhẹriẹ nẹ iruo rẹ umwemwu na kpo esegbuyota rẹ Ọghẹnẹ,

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Iyẹnrẹ Esiri ri Jọn 8:31

Jesu da ta kẹ otu ri Ju ri sere gbuyota, Wo de phi obọ phihọ ota mẹ vwẹ ọ rẹ uyota ovwan ke dia idibo mẹ,

3 Jọn 1:9

Mi si emu ọvo rhe ishọshi na; ẹkẹvuọvo Diotrifis ro muẹ oma kpenu na, rha rhọvwe phihọ ogangan rẹ avwanre-e.