1 Timoti 6:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ẹkẹvuọvo avwanre de vwo emnọre ra da rha mrẹ emwa vwo rhuo, e gbe jẹ eyena te kẹ avwanre.

1 Timoti 6:8 Referans Kwoze

Matiu 6:11

Emu ri kẹdẹ kẹdẹ vwẹ ọ ri nonẹ kẹ avwanre.

Jẹnẹsis 28:20

Etiyin Jekọp de vẹ ive tanẹ, O da dianẹ Ọghẹnẹ vẹ ovwẹ da dia, rọ da sẹro mẹ vwẹ idjerhe re Me cha wan na, rọ da kẹ vwẹ emuọre kugbe amwa vwo rhuo,

Urhi Rivẹ 2:7

Kidie Ọrovwohwo Ọghẹnẹ rẹ ovwan bruba iruo rẹ obọ rẹ ovwan ejobi nure; ọ riẹn oyan rẹ ovwan re wa yanre wan aton na; vwẹ ikpe ujuvẹ nana rẹ Ọrovwohwo rẹ Ọghẹnẹ rẹ ovwan vwo nene ovwan dia na; emu ọvuọvo rọ karo ovwan herọ-ọ.

Jẹnẹsis 48:15

Ọ nẹ ẹrhovwo ki Josẹf, ọ da ta, Ọghẹnẹ rẹ Ebraham vẹ Aizik rẹ esẹ mẹ yan nene, Ọghẹnẹ ro sun vwe vwẹ akpọ mẹ rhi te nonẹ,

Filipae 4:11

Ọ dianẹ mi vwiro brenu rẹ ọbẹnvwẹ-ẹ; kidie mi yonori, nẹ vwẹ idjerhe kidjerhe re me epha ejobi, evun ghwa vọn vwẹ.