1 Timoti 6:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ihwo ri vwo inini ri segbuyota wa jẹ ayen fia-a kidie imoni ovwan ruẹ; ẹkẹvuọvo we rhie evun ga ayen fikiridie ihwo re cha re erere rẹ owian rẹ ovwan na je vwẹ ihwo ri segbuyota imoni re ghare. Vwẹ imu nana yono ayen.

1 Timoti 6:2 Referans Kwoze

Kolose 4:1

Inini, ovwan vwẹ omamọ rẹ obọ yọnre eviẹn rẹ ovwan, rere we ru obo ri fori kẹ ayen; ovwan je karohọ nẹ ovwan ji vwo Onini ọvo vwẹ obo odjuvwu.

1 Timoti 4:11

Ji urhi rere wo yono imu nana.

Ọbe ri Jud 1:8

Uruemu nana ihwo nana vwẹ evun re vwerhẹ evwerhẹ rayen de gbe ugboma na ẹgua, ayen da sen ogangan rẹ isuesun na, ayen da ghwọ ku ihwo rẹ urinrin na.

2 Pita 2:10

Marho kẹ ayen otu ri keke oma phihọ urhuru si vwe rẹ ugboma ri gbe ẹgua vẹ ọmeme kugbe otu re jẹ ogangan rẹ isuesun fia. Ihwo vẹ udu re vwẹ ẹro koko ruẹ imwemwu, oshọ muẹ aye-en ri di muẹ ihwo yoyovwi harha.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Taitọs 3:8

Ota na muẹro. Me guọnọre nẹ wọ nabọ yọnre ayen gangan, rere otu ri vwo esegbuyota kpahe Ọghẹnẹ, vwọ ka obaro vwẹ uruemu esiri. Ọ dianẹ kẹ erhuvwu rẹ oma rọye ọvo-o, ẹkẹvuọvo fiki rẹ erhuvwu rẹ ihwo rẹ akpọ.

Taitọs 2:15

Dje emu nana ejobi gba; bruche re wọ ghwọ vẹ ogangan. Wo jẹ ohwo ọvuọvo ni we saka-a.

Taitọs 2:1

Ẹkẹvuọvo gbe je uyono wẹn dia ọsoso, rọ nabọ shehọ.

1 Timoti 5:1

Wọ ghwọ kuẹ okpako-o ẹkẹvuọvo vwẹ obọ tete kerẹ ọsọmọ; yọnre imighele na kerẹ iniọvo,

2 Tẹsalonaika 1:3

Ọ gba avwanre ohọre imoni, re a kpẹvwẹ Ọghẹnẹ kẹ ovwan kọke kọke, kirobo ro fori, fikiridie esegbuyota rẹ ovwan ra rhua phihọ, kugbe ẹguọnọ rẹ ovwan ohwohwo vwọ kẹ ohwo re buẹ phihọ rhe.

Kolose 1:4

rẹ avwanre vwo nyo obo rẹ ovwan se Jesu Kristi gbuyota te, kugbe ẹguọnọ rẹ ovwan vwori kẹ ihwo efuanfon ejobi,

Kolose 1:2

si rhe ihwo efuanfon ri se Kristi gbuyota vwẹ obi Kolose. Ẹserọphẹ kugbe ufuoma ro nẹ obọ rẹ Ọghẹnẹ Ọsẹ rẹ avwanre rhe nene ovwan dia.

Ẹfesọs 3:6

Kọye hẹ, obo ri Keferi na koko reuku na kugbe, rẹ ayen da dia ekuakua rẹ ugboma ọvuọvo na, kugbe ayen otu ri ji vwo obọ vwẹ ive na vwẹ evun ri Kristi Jesu vwẹ oma rẹ iyẹnrẹ esiri na.

Ẹfesọs 1:15

Fiki rẹ ọnana, ri mi vwo nyo usi rẹ esegbuyota rẹ ovwan kpahe Ọrovwavwanre Jesu kugbe ẹguọnọ rẹ ovwan vwo kpahe ihwo efuanfon na,

Ẹfesọs 1:1

Ọbe ri Pọl, ọyinkọn ri Kristi Jesu vwẹ ọhọre rẹ Ọghẹnẹ, Ro si rhe ihwo efuanfon ri vwo esegbuyota kpahe Kristi Jesu:

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Ọbe ri Pọl si rhe Ihwo ri Rom 11:17

Ọ da dianẹ a nyavwe eghọn rẹ urhe na evo kufia, ra da vwẹ owẹ, oghọn rẹ urhe ọfa vwọ tamuo, rọ da vwẹ ame rẹ urhe rẹ ọliv na vwọ ghẹrẹ oma rọye,

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Matiu 23:8

Ẹkẹvuọvo we jẹ ohwo se ovwan iyono-o; kidie ohwo ọvuọvo ọye hẹ oyono, otu ri chekọ kẹ imoni.

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

Ukeri 16:3

ayen da ghwẹ oma koko vwọ so Mosis vẹ Erọn ayen da ta kẹ ayen, Wa yan sheri nọ! Fikiridie ukoko na ejobi funre, kohwo kohwo vwẹ usun rayen, yẹ Ọrovwohwo uherevie rẹ ayen; die sorọ wa vwọ kpare oma kpenu vrẹn ukoko rẹ Ọrovwohwo?

Iruo rẹ Iyinkọn na 1:15

Vwẹ ẹdẹ yena Pita de mudia uherevie rẹ imoni na unu rẹ ihwo na da dia oma rẹ ujosan, ọ da ta,