1 Timoti 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Aye ro gbine dia ayeuku rẹ uyota, rẹ ọye ọvo da herọ, ọ vwẹ ẹro so Ọghẹnẹ ọ me rẹ nẹ ẹrhovwo te ason te uvo;

1 Timoti 5:5 Referans Kwoze

1 Timoti 5:3

Mu ọgbọ kẹ eyauku re dia eyauku rẹ uyota.

Iyẹnrẹ Esiri ri Luk 2:37

kẹ ayeuku ikpe ujọne gbẹ ẹne. Owọ rọye nẹ uwevwi rẹ ẹga na-a, owẹvwe echiro vẹ ẹrhovwo ẹnẹ ọ vwọ ga te ason te uvo.

1 Pita 3:5

Ọtiọye eya efuanfon rẹ awanre re vwẹ ẹro so Ọghẹnẹ ja sẹ osẹnvwe rẹ ayen da vwẹ oma kpotọ kẹ eshare rayen,

1 Timoti 5:16

Aye ro segbuyota de vwo omoni rọ dia ayeuku, e jẹn ọ cha ayen nko; e je kru oghwa yena nyẹ ishọshi-i, rere ishọshi vwo se hirhe aro ku eyauku rẹ uyota.

1 Kọrẹnt 7:32

Me guọnọre nẹ ovwan ruẹ ẹmwa-an. Ọshare rọ je rọvwọ-ọ ro ẹnwan rẹ Ọrovwohwo vẹ iruo rọye, obo ro vwo se ru obo ri je Ọrovwohwo;

Iyẹnrẹ Esiri ri Luk 18:1

Ọ de kpe itẹ ọvo kẹ ayen nẹ, ọtiọna ovwan nẹ ẹrhovwo kọke kọke e jọ bẹn ovwa-an.

Une rẹ Ejiro 91:4

kọ cha vwẹ udu rhurhu uwe, vwẹ otọ rẹ ibekpe rọye wọ de si oma nu, esegbuyota rọye ọye ekpọfia vẹ egbe.

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Rutu 2:12

Ọrovwobwo hwa osa kẹ wẹ kirobo ri wo ruru, osa rọ vọnre ọye Ọrovwohwo hwa kẹ wẹ, Ọghẹnẹ rẹ Izrẹl, ohwo ri wo rhi sioma nu vwe obotọ rẹ ibekpe rọye.

1 Kọrẹnt 7:34

ojevwe rọye gbare. Aye ro vwo ọshare-e eyẹ ọmọtẹ ọ ro ẹnwan rẹ Ọrovwohwo vẹ iruo rọye, obo rọ vwọ sa fon vwẹ ugboma vẹ erhi; ẹkẹvuọvo aye ro vwo ọshare ro ẹnwan rẹ emu rẹ akpọ nana, obo ro ru se je ọshare rọye.

Ọbe ri Pọl si rhe Ihwo ri Rom 1:12

Obo re me ta na ọna nẹ, ọke mi de bru ovwan rhire avwanre ohwohwo ki ru esegbuyota rẹ ohwohwo gan, te ọ rẹ ovwan kugbe ọmẹ.

Ọbe ri Pọl si rhe Ihwo ri Rom 1:5

oma rọye avwanre wan vwo ẹserọphẹ vwọ dia ọyinkọn rere mi vwo se ihwo re vwẹ ọghọ kẹ ri vwo esegbuyota kpahe odẹ na vwẹ ohri rẹ ẹgborho na ejobi,

Iruo rẹ Iyinkọn na 26:7

ive rẹ orua ihwivẹ rẹ avwanre phiẹrohọ o te ayen obọ, kọye ayen vwọ nabọ gọ te ason te uvo. Fiki rẹ iphiẹrohọ nana kọye ihwo ri Ju vwo mu vwe na, E Ovie!

Uvwerhe 1:13

Obenu ọye erhanre rọye nurhe, rhe ro ibeku mẹ, rọ tuan kpotọ O da riẹn obriki rhurhu awọ mẹ, O de ku vwe rhẹriẹ, O da nẹrhẹ ovwẹ ghwu mudia, mi de shero vwẹ ẹdẹ na ejobi.

Aizaya 54:1

So ine, E ẹga, ro ji vwiẹ-ẹ, va so ine ru wo kperi phia, ovwan re je chuẹ uvwiẹ dẹvo-o! Kidie emọ re ẹga che bunọ emọ rẹ aye ro kpo orọvwe, eriyin Ọrovwohwo tare.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 49:21

Ọke yena ko wọ ta vwẹ udu wẹn Konọ vwiẹ enana kẹ vwẹ? Ihwo Mẹ ghwuru Me ke rha dia ẹga, e mu ayen ighuvwu a dje ayen kufia, ẹkẹvuọvo kono rha rhoma vwiẹ enana? Nighe, Mẹvwẹ obo ri chekọ, ki tivo enana rhe nurhe?

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 3:26

Inurhoro rọye ke cha viẹ ki muomahọ, a da ghwọrọ nure kọ broma phihọ otọ.

Iruo rẹ Iyinkọn na 6:1

Asakiephana rẹ idibo na vwo buẹ phihọ re, etiyin omaẹfẹnẹ da hẹ ohri ri Ju re jẹ Grik kugbe ihwo ri Hibru, ayen ki guẹ ihwo ri Hibru na ẹdjọuyovwi fiki rẹ eyauku rayen ra ghara emuọre gbọ kẹdẹ kẹdẹ.

Iruo rẹ Iyinkọn na 9:39

Ọtiọye na Pita vrẹnri o de nene ayen ra. Ọke rọ vwọ rhire, ayen da rọye kpo ubruwevwi rọ hẹ obenu na. Eya uku na ejobi de mudia kẹrẹ re ayen vwọ viẹ, yẹ ayen ghwe dje kẹ emwa buebu kugbe iwun buebu ri Dọkas ko kẹ ayen vwẹ ọke rọ vẹ ayen vwọ herọ.

Iruo rẹ Iyinkọn na 9:41

Ọ da riẹn obọ rọye kẹ o da kparọ vrẹn mudia. Ro vwo se ihwo efuanfon na kugbe eyauku na ejobi rhe ọ da vwẹ aye na ọkpokpọ kẹ ayen.

Filipae 4:6

Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

1 Timoti 2:1

Mi bru we uche nẹ, emu rẹsosuo ejobi ri wo ru kẹ ọna, wọ me yare, nẹ ẹrhovwo, vwerhi, kpẹvwẹ kẹ ihwo ejobi,

2 Timoti 1:3

Me kpẹvwẹ Ọghẹnẹ re me vwẹ evun mẹ ejobi ga, kirobo rẹ esẹ mẹ ruru, re me da karohọ owẹ kọke kọke vwẹ ẹrhovwo mẹ.