1 Timoti 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Wọ ghwọ kuẹ okpako-o ẹkẹvuọvo vwẹ obọ tete kerẹ ọsọmọ; yọnre imighele na kerẹ iniọvo,

1 Timoti 5:1 Referans Kwoze

Livitikọs 19:32

Ovwan mi vrẹn mudia kẹ ohwo rẹ uyovwi rọye fonro, rere we mu ọghọ kẹ opharo rẹ ọmọmare, wọ Me rha djẹ oshọ rẹ Ọghẹnẹ wẹn: Mẹvwẹ Ọrovwohwo na.

Taitọs 2:2

Gbe jẹ ekpako na ru dẹndẹn re ayen se gbe emu, rẹ udu rẹ ayen djiro, re esegbuyota rayen gan, re ayen vwo ẹguọnọ ro jerhẹriẹ, kugbe odiri.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

Galesha 6:1

Imoni, ohwo ru umwemwu, ovwan re herọ vwẹ evun rẹ Erhi na me vwẹ erhi dẹndẹn vwọ reyọ rhe. Ni oma wẹn te, ọ dia ọtiọye-e a da rha davwe owẹ ni.

Taitọs 2:6

Wo ji bru imighene na uche rere ayen vwẹ udu te otọ.

Matiu 23:8

Ẹkẹvuọvo we jẹ ohwo se ovwan iyono-o; kidie ohwo ọvuọvo ọye hẹ oyono, otu ri chekọ kẹ imoni.

1 Timoti 5:17

E jẹn otu rẹ ekpako na re riẹn sun vwo omamọ rẹ ọghọ re mu kẹ ayen, marho kẹ otu re wian owian rẹ eghwoghwo kugbe uyono.

Ọbe ri Pọl si rhe Ihwo ri Rom 13:7

Jẹn ẹkẹn arhọghọ wẹn kẹ ayen, ọ ra hwa osa rẹ uyovwi kẹ hwa kẹ, ọ ra jẹ arhọghọ kẹ jẹ kẹ, ọ rẹ oshọ fori djẹ kẹ, ọ ro fo ọghọ vwẹ ọghọ kẹ.

Iruo rẹ Iyinkọn na 15:4

Ọke rẹ ayen rhi vwo te Jerusalẹm, ishọshi na kugbe iyinkọn na kugbe ekpako na, de dede ayen, ayen de gbe ikun rẹ emu ejobi rẹ Ọghẹnẹ reyọ ayen vwo ru.

Iruo rẹ Iyinkọn na 14:23

Ọke rẹ a vwọ ekpako vwo mu vwẹ ishọshi ọvuọvo nu, ẹrhovwo ẹnẹ vẹ owẹvwe echiro, ayen de mu ayen phihọ obọ rẹ Ọrovwohwo rẹ ayen segbuyota na.

Ẹvwọphia 4:4

Ekete uje gbẹ ẹne da riariẹ ekete na phihọ. Me da mrẹ ekpako uje gbẹ ẹne ri tidia enu rẹ ekete na, ri ku iwun efuanfon phihọ, aye vwẹ erhu rẹ oro tughẹ.

3 Jọn 1:1

Ọkpako na ri si ọbe na rhe Gayọs rọ ghare, re me guọnọre vwẹ ọ rẹ uyota.

2 Jon 1:1

Ọkpako na ri si ọbe na rhe ọmọtẹ ra sanọreyọ na vẹ emọ rọye, re me guọnọre vwẹ uyota, ọ dia omẹvwẹ ọvo-o ẹkẹvuọvo ji te ihwo ejobi re riẹn uyota na,

Jems 5:14

Ono rẹ honvwan vwẹ uherevie rẹ ovwan? e jo se ekpako rẹ ishọshi; rere ayen nẹ ẹrhovwo kẹ, rere ayen vwẹ evwri ghworo vwẹ odẹ rẹ Ọrovwohwo.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Iruo rẹ Iyinkọn na 20:17

Vwi Milẹtọs o de ji ikọn re se ekpako rẹ ishọshi rẹ Ẹfesọs.

Iruo rẹ Iyinkọn na 15:6

Iyinkọn na kugbe ekpako na de si koko rhi vwo roro ota nana.

Urhi Rivẹ 33:9

ọ rọ ta kpahe ọsẹ vẹ oni rọye nẹ, Me kerhọ raye-en, ọ sen iniọvo rọye, o de chuko ku emọ rọye; Kidie ayen vwẹ ẹro te ota wẹn, ayen da yọnrọn ọphọ wẹn na.

1 Timoti 5:2

eya re ghworo na ru ayen kerẹ iniemọ, uphophẹ eya na kerẹ iniọvo, vwẹ evun ẹfuọn ejobi.