1 Timoti 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ re djẹ ihwo orọvwe re tanẹ a gba emuọre rẹ Ọghẹnẹ mare nẹ otu ri segbuyota re riẹn uyota na re vẹ ẹkpẹvwẹ.

1 Timoti 4:3 Referans Kwoze

1 Timoti 4:4

Kidie emu kemu rẹ Ọghẹnẹ mare yovwiri, o vwo obo ra gba vwọ-ọ ọ da dianẹ a rerọ vẹ ẹkpẹvwẹ;

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Ọbe ri Pọl si rhe Ihwo ri Rom 14:6

Ohwo ro mu ọghọ kẹ ẹdẹ na, o muro kẹ Ọrovwohwo. Ọ rọ ria emu, ọ rerọ vwo mu ọghọ kẹ Ọrovwohwo, kidie ọ vwẹ ẹkpẹvwẹ kẹ Ọghẹnẹ; ohwo ro jẹriọ, ọ vwẹ i jẹriọ vwo mu ọghọ kẹ Ọrovwohwo ọ me vwẹ ẹkpẹvwẹ kẹ Ọghẹnẹ.

Kolose 2:16

We gbi jẹ ohwo vwẹ uvwo rẹ eranvwe wariẹ ovwa-an, eyẹ udi-i eyẹ fiki rẹ edorẹ rẹ otuphro rẹ meranvwe eyẹ ẹdẹ rẹ urovwoma-a.

1 Kọrẹnt 8:8

Emuọre se ru avwanre yovwi vwẹ obọ rẹ Ọghẹnẹ-ẹ. Avwanrẹ rere-e avwanre vwiro miovwi-i, avwanre da re avwanre vwiro yovwi-i.

Jẹnẹsis 9:3

emu kemu ejobi rọ yan ro vwo arhọ kọ dia emuọre kẹ wẹ, kirobo Me vwẹ ifọn kẹ wẹ na, Me je kẹ wẹ emu ejobi.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

1 Kọrẹnt 7:28

Ẹkẹvuọvo wọ da rọvwọ, wo ru umwemwu-u, ọ da dianẹ ọmọtẹ rọvwọre o ji ru umwemwu-u. Yẹ otu re rọvwọre mrẹ ukpokpogho rẹ akpọ na, me sa rhọvwe ọyena kẹ ovwan.

Ọbe ri Pọl si rhe Ihwo ri Rom 14:3

E jẹn ohwo rọ ria na vwẹ ọ ro jẹriọ na vwọ jehwẹ-ẹ, ọ ro jẹriọ rha vwẹ ọ rọ ria vwọ jehwẹ-ẹ, kidie Ọghẹnẹ dedire reyọ nure.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

1 Timoti 2:4

rọ guọnọre nẹ ihwo na ejobi rhọre rere ayen rhi vwo erianriẹn rẹ uyota na.

1 Kọrẹnt 6:13

A ma emuọre vwọ kẹ egede egede vwọ kẹ emuọre–yẹ Ọghẹnẹ cha guọghọ tọna tọye. A ma oma na kẹ ọfanrhiẹ egbe-e, ẹkẹvuọvo vwọ kẹ Ọrovwohwo, Ọrovwohwo rha vwọ kẹ oma na.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Matiu 15:36

Ọ da reyọ ikara ighwrẹ na, kugbe imiyeri na. Ọ da kpẹvwẹ o de bro vwọ kẹ idibo rọye, nẹ a vwọ kẹ ihwo na ejobi.

Aghwoghwo 5:18

Nighe, obo me mrẹre nẹ oyovwiri nẹ o fori rere a re rere a da rere e vwo omavwerhovwẹ vwẹ owian na ejobi rẹ ohwo wianre vwẹ uchẹ ẹdẹ rẹ Ọghẹnẹ vwọ kẹ vwẹ otọ rẹ ọnre na, kidie ọnana ẹkẹn ro tere.

Matiu 14:19

Ọ da ta kẹ ihwo na nẹ, ovwan tidia te otọ vwẹ enu rẹ odi; ọ da reyọ ikara iyori na kugbe imiyeri ivẹ na, ro vwo ni odjuvwu, ọ da nẹ ẹrhovwo, o de bru ikara na vwọ kẹ idibo rọye nẹ a vwọ kẹ ayen.

Iruo rẹ Iyinkọn na 27:35

Ọke rọ vwo ta ọnana nu, ọ da reyọ ikara, rọ vwo kpẹvwẹ Ọghẹnẹ vwẹ irharo rẹ ayen ejobi o de bro ọ da riọ.

Iyẹnrẹ Esiri ri Jọn 6:23

Kọye, ekọ efa ri nẹ Taberas rhe de rhi bi kẹrẹ asan na rẹ ayen da re ikara na rẹ Ọrovwohwo vwọ kpẹvwẹ nu na.

Iyẹnrẹ Esiri ri Luk 24:30

Ọke rọ vẹ ayen vwo tidia udoemu re, ọ da reyọ ikara ọ da nẹ ẹrhovwo phihọ, o de bro, ọ da vwọ kẹ ayen.

Daniẹl 11:37

Ọ cha davwerhọn rẹ ẹghẹnẹ rẹ esẹ rọye-e, yẹrẹ ohwo ọvo rẹ eya na ma guọnọ, ọ cha davwerhọn rẹ edjọ-ọ kidie o che mu oma rọye kpenu nọ ayen ejobi.

1 Samuẹl 9:13

Wa da ghwa ro orere na, wa cha mrẹ, tavwe ro ki kpo obenu rẹ ugbenu na ra re emu; kidie ihwo na cha re emu bẹsiẹ ro vwọ rhe-e, rọ vwọ dia ohwo ro muẹdia ze izobo na; kẹsiẹye ihwo re seri na ke ria. Asakiephana wa yanran, kidie wa cha vwa nana nana.

Matiu 15:11

Ọ dia obo rọ wan unu ro evun rẹ ohwo ọye ri miovwo-o, ẹkẹvuọvo ọ ro nẹ evun rẹ ohwo rhe ọye ri miovwo.

1 Timoti 5:14

Ọtiọye na me guọnọre nẹ eyanku rẹ uphophẹ na rhoma kpo orọvwe, re ayen vwie ẹmọ, re ayen sẹro rẹ uwevwi rayen, rere e vwo je se unwe phihọ ayen.