1 Timoti 4:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Sẹro rẹ oma wẹn kugbe uyono wẹn; yọnre ọyena, kidie wo de ru ọtiọye ku wo sivwi oma wẹn kugbe ayen otu ri nyo we.

1 Timoti 4:16 Referans Kwoze

Taitọs 1:9

rọ nabọ yọnrọn uyota rọ hẹ evun rẹ uyono na, rere o vwo se bruche vwẹ evun rẹ uyono na, kugbe o vwo se dje kẹ otu re phra aphro.

Taitọs 2:7

Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

1 Ikun rẹ Ivie 28:10

Jomatọ asakiephana, kidie Ọrovwohwo jẹ wẹ reyọ nẹ wọ bọn uwevwi kẹ ẹshẹ rọye; gan oma, wo ruo.

2 Timoti 4:2

Ghwoghwo ota na, kpata kpata vwẹ evwru eyẹ vwẹ oghẹre rẹ ọke ejobi, vwẹ erhiori wo jọ bẹn wẹ-ẹ, ta rọ ro ohwo ghwo, bru uche,

Ẹfesọs 4:14

Rere avwanre vwo jẹ dia kerẹ imitete, re phieghe cha phieghe kpo rẹ odju rẹ uyono kuyono muẹ, aghware rẹ ihwo vẹ ona rayen vwẹ ophiẹvwe.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

Hibru 12:15

E ja mrẹ nẹ ohwo ọvuọvo fiabọ rẹ ẹserọphẹ rẹ Ọghẹnẹ na-a; e jẹn owọ urhe rẹ ophu tan cha vwẹ ohri rẹ ovwan rọ so okpetu-u, ro che gbe ihwo buebu ẹgua-a;

2 Timoti 3:14

Ẹkẹvuọvo vwọ kẹ wẹ, phi obọ phihọ obo ri wo nyori ru wọ nabọ segbuyota na, kirobo re wọ je riẹn ohwo rọ vwẹ ayen yono nwe na

Iyẹnrẹ Esiri ri Luk 21:34

Ẹkẹvuọvo kẹnoma wẹn ọ dia eriyi-in iroro wẹn da rhe vọn vẹ oseghe kugbe idiẹda vẹ enwan rẹ akpọ nana, rẹ ẹdẹ yena da rhe vwa wẹ kpregede kerẹ ufi;

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

1 Timoti 4:6

Wọ de se yono imoni na imu nana, wẹ kẹ omamọ rẹ ogbeodiho ri Kristi Jesu, ra vwẹ ota rẹ esegbuyota na kugbe omamọ rẹ nyono na ghẹre kọye wo ji nene na.

1 Timoti 1:3

Ọke ri mi vwo kpo Masidonia me da ta kẹ owẹ nẹ, daji Efesọs rere wo dje kẹ ihwo evo ri yono uyono, nẹ ayen gbi yono nyono ọfa-a,

Ọbe ri Pọl si rhe Ihwo ri Rom 16:17

Me rẹ ovwan, imoni mẹ, re wa kenoma kẹ ihwo re vwẹ ohra kugbe ẹghwọ cha vwẹ uherevie rẹ ovwan, re vwẹ aphro ghwọrọ obo re yono ovwan kuẹfia; we tephe kẹ ayen.

2 Timoti 2:10

Fiki rẹ ọtiọye na ki mi chiri kemu kemu fiki rẹ ihwo ra sano reyọ na, rere ayen se vwo esivwo rọ herọ vwẹ evun ri Kristi Jesu rọ vẹ urinrin ri bẹdẹ na gba yan usun.

1 Kọrẹnt 9:27

ẹkẹvuọvo me nyẹ oma mẹ mi mi vwo kpotọ, ọ gbe dia ọtiọye-e ọke ri mi de ghwoghwo kẹ ihwo efa nu me da rha dia ọ ra djẹ ku fia.

Iruo rẹ Iyinkọn na 6:4

Rere avwanre ruiruo rẹ ẹrhovwo kugbe eghwoghwo rẹ ota na.

Iyẹnrẹ Esiri ri Mak 13:9

Ẹkẹvuọvo ovwan kẹnoma rẹ ovwan. kidie ayen reyọ ovwan vwọ kẹ ediaguare, ayen che hwe ovwan vwẹ evun ri sinagọg; a cha vwẹ ovwan mudia vwẹ obaro rẹ ehọnvwọre kugbe ivie vwi fiki mẹ, re ọ dia iseri kẹ ayen.

Jerimaya 23:22

Ọ dianẹ ke ayen mudia vwẹ ẹguare mẹ, manẹ ayen ghwoghwo ota mẹ kẹ ihwo mẹ, manẹ ayen ku ayen rhẹriẹ nẹ idjerhe umwemwu rayen, ji nẹ umiovwo rẹ eyere rayen.

Jems 5:20

e gbe jọ riẹn nẹ, ohwo ro yono oruimwemwu kurhẹriẹ nẹ idjerhe rọye o sivwẹ erhi ọvo nẹ ughwu, ọ ke rha vwẹ ukpo rhurhu imwemwu muotọ.

Taitọs 2:15

Dje emu nana ejobi gba; bruche re wọ ghwọ vẹ ogangan. Wo jẹ ohwo ọvuọvo ni we saka-a.

Kolose 4:17

Ovwan ta kẹ Akipọs, rọ vwẹ ẹro te iruo rẹ Ọrovwohwo sanerọ phihọ na, rere o ru ayen gba.

1 Kọrẹnt 9:22

Me vwẹ oma ru ọvwiẹre kẹ otu rẹ evwiẹre, rere mi vwo se ku otu rẹ evwiẹre rhẹriẹ. Mi rhi hirhe phihọ emu ejobi kẹ ihwo ejobi, rere mi se vwo sivwi otu evo.

Ọbe ri Pọl si rhe Ihwo ri Rom 11:14

rere ihwo mẹ ihwo ri Ju vwọ reoma kpahe ayen, se se sivwi ihwo evo rhọ.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

Iruo rẹ Iyinkọn na 26:22

Rhi te nonẹ na ọchuko ri mi vwori kẹ obọ rẹ Ọghẹnẹ o nurhe, kọye mi vwo mudia vwẹ etinẹ se oseri kẹ ọmọ te ọkpako, tanẹ ọ rha vrẹn emu ọfa-a vwọ nọ obo rẹ emraro na kugbe Mosis tare nẹ e cha phia;

2 Ikun rẹ Ivie 19:6

Ọ da ta kẹ iguẹdjọ na, Roro obo ru wo ruẹ, kidie ọ dia ohwo wo guẹ kẹ-ẹ ẹkẹvuọvo Ọrovwohwo na; ọ vẹ owẹ herọ vwẹ ọke ru wọ de brorhiẹ.

Filimọn 1:19

Mẹvwẹ ri Pọl, re vwẹ obọ mẹ si ọbe na, ke me ghene hwa kẹ wẹ; ọ dianẹ ke wọ re vwẹ osa-a, ekpuyovwi wẹn me ta.

1 Tẹsalonaika 2:16

Ayen da dje avwanre nẹ a gbe ta ota kẹ otu ri Keferi-i ayen da rha rhọ–ọtiọye na kọke kọke kọye ukoko rẹ umwemwu rayen vwọ vọn. Ẹkẹvuọvo ophu rẹ Ọghẹnẹ rhe tua kpahe ayen vwẹ ukuko na re.

Ẹyano 23:13

Kerhọ rẹ obo rẹ me ta kẹ wẹ na ejobi; wo se odẹ rẹ edjọ efa kaka-a yẹrẹ wo je nyo ọtiọye na vwẹ unu wẹ-ẹn.

1 Kọrẹnt 1:21

Kidie, vwẹ evun rẹ aghwanre rẹ Ọghẹnẹ, akpọ na gbe vwẹ aghwanre yena riẹn Ọghẹnẹ na-a, o de jẹ Ọghẹnẹ nẹ vwẹ oma rẹ ugheghẹ rẹ avwanre ghwoghwo na o vwo se sivwi ayen otu ri segbuyota.

1 Timoti 4:15

Nabọ yono imu nana rere e reria owẹ oma, rere ihwo vwọ mrẹ erhuvwu rẹ iruo wẹn vughe.