1 Timoti 4:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Bẹsiẹ re me vwọ rhe, wo mie se ọhe ofuanfon na, kugbe eghwoghwo rẹ ota na, kugbe uyono.

1 Timoti 4:13 Referans Kwoze

Iruo rẹ Iyinkọn na 6:4

Rere avwanre ruiruo rẹ ẹrhovwo kugbe eghwoghwo rẹ ota na.

Taitọs 2:15

Dje emu nana ejobi gba; bruche re wọ ghwọ vẹ ogangan. Wo jẹ ohwo ọvuọvo ni we saka-a.

2 Timoti 4:2

Ghwoghwo ota na, kpata kpata vwẹ evwru eyẹ vwẹ oghẹre rẹ ọke ejobi, vwẹ erhiori wo jọ bẹn wẹ-ẹ, ta rọ ro ohwo ghwo, bru uche,

1 Timoti 4:16

Sẹro rẹ oma wẹn kugbe uyono wẹn; yọnre ọyena, kidie wo de ru ọtiọye ku wo sivwi oma wẹn kugbe ayen otu ri nyo we.

1 Timoti 4:6

Wọ de se yono imoni na imu nana, wẹ kẹ omamọ rẹ ogbeodiho ri Kristi Jesu, ra vwẹ ota rẹ esegbuyota na kugbe omamọ rẹ nyono na ghẹre kọye wo ji nene na.

Iruo rẹ Iyinkọn na 17:11

Asakiephana ihwo ri Ju nana keye me ru dẹndẹn nọ ayen otu re hẹ Tẹsalonaika, kidie urhuru rẹ ota na si ayen gangan, kẹ ayen hiẹ ẹbe ọfuanfon na sẹ imu nana ghine ọtiọye.

Iyẹnrẹ Esiri ri Jọn 5:39

Wa guọnọ ẹbe efuanfon na, fikiridie we rori nẹ evun rẹ ayen we de vwo arhọ ri bẹdẹ na; ayen ri se oseri kpahe ovwẹ na;

Joshua 1:8

Ọbe nana rẹ urhi na che nẹ uwe unu-u, ẹkẹvuọvo wọ vẹ ọye se umẹ te asọn te uvo, rere wọ vwẹ oma kpotọ ru obo re si phihọ ejobi; kọ nẹrhẹ idjerhe wẹn yovwi, ko ji yovwi kẹ wẹ.

Urhi Rivẹ 17:19

kẹ ọ vẹ ọye gba dia, o mie se vwẹ ẹdẹ rẹ akpọ rọye ejobi, ko yono vwọ djẹ oshọ kẹ Ọrovwohwo rẹ Ọghẹnẹ rọye, kọ yọnrọn eta rẹ urhi nana kugbe iji nana, ko ru ayen;

1 Kọrẹnt 14:26

Kidie vwo, imoni? Ọke we de rhi si koko, rẹ ohwo ọvuọvo da so une, ọvo de vwo obo ro yono, rẹ ọvo de vwo obo rọ vwọ phia, rẹ ọvo da jẹ ephẹrẹ, eyẹ ọvo fan otọ rọye. E jẹn e ru ayen rere emu ejobi vwọ gba.

1 Kọrẹnt 14:3

Vwẹ ẹbẹre ọfa, ohwo rọ mraro na ta ota kẹ ihwo rere e vwo yono ayen ra vwọ ta udu phihọ ayen awo kugbe rere e vwo bru ayen uche.

1 Kọrẹnt 14:6

Asakiephana, imoni, ọ da dianẹ mi bru ovwan rhe kẹ ephẹrẹ me jẹ, komavọ erere ru te ovwan jokpa nẹ a vwẹ emu evo phia kẹ ovwan eyẹ erianriẹn eyẹ aroẹmrẹ eyẹ uyono?

Ọbe ri Pọl si rhe Ihwo ri Rom 12:8

ọ ro bruche, o ghwe nene uchebro rọye; ọ ro ru ẹse, o ghwe rhie abọ ruo; ọ rọ cha uko, e jo ruo vẹ oruru; ọ ro nẹ aruẹdọn, ọ vwẹ omavwerhovwẹ ruo.

2 Timoti 3:15

nẹ ọke emọ wẹn rhe ọye wọ vwọ riẹn ọhe ọfuanfon na rọ sa kẹ aghwanre vẹ esivwo fiki rẹ esegbuyota kpahe Kristi Jesu.