1 Timoti 4:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² E jẹn ohwo ọvuọvo ni we saka fiki rẹ obo wo vwọ hẹ omotete-e, ẹkẹvuọvo gba vwẹ oma wẹn ru oniru kẹ otu ri segbuyota na vwẹ ota vẹ uruemu, vwẹ ẹguọnọ, vwẹ esegbuyota, vwẹ ẹfuọn.

1 Timoti 4:12 Referans Kwoze

Taitọs 2:7

Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

2 Timoti 2:22

Vwẹ ọtiọye na gbe siobọ nẹ unuavwerhe rẹ ọkeemọ rere wo nene ovwata, esegbuyota, ẹguọnọ, kugbe ufuoma, re wọ vwọ ba ayen otu ri se odẹ rẹ Ọrovwohwo nẹ otọ rẹ udu rhe.

2 Timoti 2:15

Ru obo rẹ udu wẹn ghare re wọ vwẹ oma wẹn kẹ Ọghẹnẹ kerẹ ohwo ọvo ra jẹreyọ, ọwena rẹ oma jẹvuọ, rọ nabọ yọnre ota rẹ uyota na.

1 Pita 5:3

Ọ dianẹ ke do ku ayen otu ra vwọ kẹ wẹ yọnre na-a ẹkẹvuọvo dia oniru kẹ uchuru na.

1 Kọrẹnt 11:1

Ovwan vwẹ ẹro kere uvwe, kirobo ri mi vwo kere Kristi.

1 Tẹsalonaika 1:6

Ovwan da rhe vwẹ ẹro kere avwanre kugbe Ọrovwohwo na, kidie evun rẹ ukpokpogho rode ovwan da reyọ ota na, vẹ aghọghọ rẹ Erhi Ọfuanfon na phihọ evun rẹ ovwan.

Taitọs 2:15

Dje emu nana ejobi gba; bruche re wọ ghwọ vẹ ogangan. Wo jẹ ohwo ọvuọvo ni we saka-a.

Matiu 18:10

Wo jẹ ọvo rẹ imitete na fia-a, fikiridie emakashe rẹ emọ na i mudia vwẹ obaro rẹ Ọghẹnẹ Ọsẹ rẹ avwanre rọ hẹ obo odjuvwu.

2 Timoti 2:7

Roro obo re me ta na, kidie Ọrovwohwo re sa kẹ wẹ ẹruọ vwi kemu kemu.

Jems 3:13

Ono re ghwanre ro vwo erianriẹn vwẹ usun rẹ ovwan na? E gbe jọ vwẹ omamọ rẹ eyere vẹ iruo esiri kugbe oma evwokpotọ dje aghwanre rọye phia.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

1 Tẹsalonaika 2:10

Ovwan hẹ iseri, Ọghẹnẹ je hẹ iseri rhe, obo rẹ avwanre fon te, dia ovwata te, ri jẹ abe ẹriọ te vwẹ uruemu rẹ avwanre kẹ ovwan otu ri segbuyota;

1 Timoti 1:14

ẹserọphẹ rẹ Ọrovwavwanre de rhi reghe nvwe phihọ vẹ esegbuyota vẹ eguono re hẹ evun ri Kristi Jesu.

Zekaraya 2:4

ọ da ta kẹ, Djẹ, ra vuẹ emeghene yena, A cha dia Jerusalẹm kerẹ ẹko ri jẹ igbẹhẹ evwo, fiki rẹ otu rẹ ihwo vẹ uchuru re herọ.