1 Timoti 3:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọ dia ohwo ro kurhẹriẹ vwobọ-ọ, eyẹ o de rhi phuoma ro de roro ọ rẹ oma rọye ọvọ o de rhi mu ufi rẹ idẹbono;

1 Timoti 3:6 Referans Kwoze

1 Timoti 6:4

yọ vọnre vẹ ophiẹnvwe yo phuoma, yọ riẹn emuọvo-o; yo vwo udu gidi gidi rẹ aphro rọ sua ẹghwọ vwẹ oma rẹ eta, re sua omaẹriọ, ohẹriẹ, eta ewanriẹ, ẹroephio,

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

1 Pita 2:2

Kere emọ boba, rẹ urhuru rẹ evie rẹ erhi siẹ, rere ovwan vwọ sa rho te esivwo;

2 Kọrẹnt 12:7

Rere mi vwo jẹ oma ẹkparọ kpenu nọ fiki rẹ ẹvwọphia buebu, a da vwẹ unwe duvwu uvwe, ikọn rẹ Idẹbono, rere o kpokpo uvwe, rere mi vwo jẹ oma ẹkparọ kpenu.

1 Kọrẹnt 8:1

Asakiephana vwọ kpahe emu ra vwọ gọ iye; avwanre riẹnre nẹ avwanre ejobi vwo erianriẹn. Erianriẹn phuoma, ẹkẹvuọvo ẹguọnọ kpọ ohwo viẹ.

1 Kọrẹnt 3:1

Vwọ kẹvwẹ , imoni mẹ, sa ta ota kẹ ovwan kerẹ ihwo rẹ erhi-i, ẹkẹvuọvo kerẹ ihwo rẹ ugboma, kerẹ emọboba vwi Kristi.

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Isẹ 29:23

Eheri vwẹ ohwo kpotọ, ẹkẹvuọvo ohwo rọ vwẹ oma kpotọ che vwo ọghọ rode.

Isẹ 18:12

Tavwe rẹ ẹghwọrọ ke rhe yẹ udu miovwi nure, ẹkẹvuọvo omevwokpotọ re karo kẹ ọghọ.

2 Ikun rẹ Ivie 32:25

Ẹkẹvuọvo Hẹzikaya rha kpẹvwẹ ẹse re ru kẹ na-a, kidie eheri da rhe vọn udu rọye. Fiki rẹ ọtiọye na ophu da rhe dia uyovwi rọye kugbe Juda vi Jerusalẹm.

2 Ikun rẹ Ivie 26:16

Ẹkẹvuọvo ọke rọ rhe gan re ko rhi phuoma, kọye rhe ghwọrọ. Kidie ọ gbe rha dia omamọ re ohwo kẹ Ọrovwohwo Ọghẹnẹ rọye-e, ọ da ro evun rẹ uwevwi rẹ Ọrovwohwo ra torhẹ insẹns vwe agbada re ugboduma na.

Ivie rẹ Ivẹ 14:10

Wo ghine hwe Idọm, ke wọ kpara oma kpenu. Jẹn urinrin wẹn da wẹ ẹro rere wọ tidia urhuẹn wẹn; die sorọ wo vwo si ukpokpogho cha rere wo she, rere Juda vẹ owẹ vwo she?

Urhi Rivẹ 17:20

ro vwo jẹ udu rọye ẹkparọ kpenu nọ imoni rọye, rere o vwo je gbobọnyẹ urhi na, vwo kpo obọrhe eyẹ obọhwere, jẹn urhi na vwo-o; rere ọ vwọ mrasan re uvie rọye na kri, te ọye vẹ emọ rọye vwẹ Izrẹl na.

Urhi Rivẹ 8:14

Etiyin udu wẹn kọ cha kpare kpenu, Ọrovwohwo Ọghẹnẹ wẹn na Me rhe chọrọ owẹ ẹro, ohwo ro si we nẹ otọ rẹ Ijipt rhe na, nẹ uwevwi rẹ ọviẹn;

Ọbe ri Jud 1:6

Emekashe re rha sa yọnre ẹdia raye-en ẹkẹvuọvo re yan jẹ ẹdia rayen vwo ọ da vwẹ ọjọnrọn ri bẹdẹ na kanre ayen mu ebri ri bẹdẹ na bẹsiẹ rẹ ẹdẹ rode rẹ ẹdjọeguo na vwo te;

2 Pita 2:4

Kidie ọ da dianẹ Ọghẹnẹ vwo ghwovwo emakashe ri ru umwemwu-u, ẹkẹvuọvo ọ da kpare ayen phihọ erhanre e de mu ayen phihọ ukpotọ rẹ obo etan rẹ ebri hwi bẹsiẹ rẹ ẹdẹ ẹdjọ vwo te;

2 Timoti 3:4

ke shẹ ihwo, zighi zighi, ke vọn vẹ ophiẹvwe, ke guọnọ omavwerhe jẹ ẹguọnọ rẹ Ọghẹnẹ vwo,

Iyẹnrẹ Esiri ri Luk 10:18

Ọ da ta kẹ ayen, Me mrẹ Idẹbono ro sheri kerẹ enu rọ nyavwaro nẹ obo odjuvwu cha.

1 Timoti 3:7

ọ rọ marho e jẹn ihwo rẹ ohada ta omamọ ota kpahọ, ọ rha dia eriyi-in unuakpọ ko muo re she phihọ ufi rẹ idẹbono.

Daniẹl 11:12

Ọke rọ de phi urogho na kparobọ nure, kọ cha kparẹ oma kpenu, ko che gere uriori ihwe she teye otọ, ẹkẹvuọvo o che se phi kparobọ-ọ.