1 Timoti 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ohwo rọ nabọ suẹn nwevwi rọye, ro yono emo rọye phihọ ọghọ emuo vẹ omaevwokpotọ vwẹ idjerhe kidjerhe;

1 Timoti 3:4 Referans Kwoze

Taitọs 1:6

Eshare ri vwo abe-e, re rọvwọre ẹsiẹvo kpoi, rẹ emọ rọye vwo esegbuyota, re ghwọ-ọ, re họnra-a, ri yivwaro-o.

1 Timoti 3:12

E jẹn dikin rọvwọ ẹsiẹvo goi, e jẹn ayen sun emọ rayen vẹ evwruwevwi rayen yoyovwi;

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Taitọs 2:2

Gbe jẹ ekpako na ru dẹndẹn re ayen se gbe emu, rẹ udu rẹ ayen djiro, re esegbuyota rayen gan, re ayen vwo ẹguọnọ ro jerhẹriẹ, kugbe odiri.

Iruo rẹ Iyinkọn na 10:2

Ohwo ro vwo erhi rẹ ẹga rọ djẹ oshọ rẹ Ọghẹnẹ ro vwo ẹgba rẹ ẹrhovwo ẹnẹ kẹdẹ kẹdẹ, te ọye vẹ evwruwevwi rọye ejobi, o ji ruẹse kẹ ihwo gangan.

Joshua 24:15

O da dianẹ ovwan gbe sa rhọvwe ga Ọrovwohwo na-a, gba jẹ nonẹ na ohwo rẹ ovwan ga, kẹ edjọ rẹ esẹ rẹ ovwan gọre vwẹ ubrakpọ rọ obo ovrẹn rẹ Urhie na, eyẹ edjọ rẹ ihwo rẹ Amọr rẹ ovwan dia otọ rẹ ayen na; ẹkẹvuọvo vwọ kẹ vwẹ vẹ uwevwi mẹ, Ọrovwohwo ọvo ọye avwanre ga.

Taitọs 2:7

Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

Ẹfesọs 5:24

Kirobo rẹ ishọshi vwẹ oma kpotọ kẹ Kristi na, ọtiọye eya na je vwẹ oma kpotọ kẹ eshare rayen vwi kemu kemu.