1 Timoti 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ ọtiọye rhe eya na je sẹ osẹvwe rẹ oma evwokpotọ vẹ iroro o dia ọ rẹ amwa-a, ọ dia ọ rẹ ẹton re meri-i eyẹ oro eyẹ evwarha eghaghare ra gba phihọ-ọ

1 Timoti 2:9 Referans Kwoze

Jerimaya 4:30

E wọwẹ, ra kua jovwo na, Die wo rori ru wọ vwọ vwẹ isene rhuẹrẹ oma re wọ vwọ reyọ iro vwọ sẹ fia, ru wọ vwọ vwẹ itiro si ẹro wẹn? Wọ de rhuẹrẹ oma wẹn ghevweghe. Esen wẹn jẹ wẹ fia, ayen guọnọ owẹ hwe.

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Aizaya 3:16

Ọrovwohwo tare: Fikiridie emetẹ ri Zayọn vwo ọnko ayen riẹn ọhọre kerẹ obo re yan frẹfrẹ vwiovwio ẹro rayen, re erọvwọ rẹ awọ rayen tue,

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Ivie rẹ Ivẹ 9:30

Ọke ri Jehu vwọ rhe Jẹzril, Jẹzibẹl de nyo; o de si amiẹro rọye, ọ da rhuẹrẹ uyovwi rọye, ọ da wan evakpo ni otafe.

Isẹ 7:10

Kọye mi vwo no, aye ọvo da ra vwa, ọ nabọ gba fia kerẹ igberadja, udu rọye vọnre vẹ ọphiẹvwẹ.

Jẹnẹsis 24:53

Odibo rọye da ghwẹ ejọrọ rẹ idọnọ kugbe oro, kugbe emwa, vwọ kẹ Rebeka; ọ da je kẹ iniọvo rọye kugbe oni rọye ekuakua rẹ osẹvwe ghaghare.

Aizaya 61:4

Ayen ke cha bọn iwevwi re awanre ri tuegheri, asan re vẹre na ka rhoma mu ayen vi, ayen ke rhuẹrẹ irere re ghwọre na, re vẹre vwe ọke rẹ orua buebu re.

Ẹsta 5:1

Vwẹ ẹdẹ rerha Ẹsta de ku iwun rẹ uvie rọye phihọ, o de mudia ọguan rọ hẹ obo ẹtan rẹ uwevwi rẹ ovie na, ro hirhe aro ku uvun rẹ ovie na. Yẹ ovie na tidia ekete rẹ uvie rọye vwẹ evun rẹ uwevwi na ro hirhe aro ku anurhoro rẹ uwevwi na.

Isẹ 31:22

Ọye ọvo ri kọ emwa rọ ghwa; emwa rọye kẹ isada vẹ ifenudu.

Matiu 11:8

Ẹkẹvuọvo kidie ovwan tobọ re ni vwọ? Ohwo rọ vwẹ emwa elọlọhọ rhuo? Nighe ihwo ri rhuo emwa elọlọhọ e hẹ obo egodo rẹ ovie.

Isẹ 31:25

Ogangan vẹ ọghọ eye emwa ro vwo rhuo, ọke rọ cha vwẹ obọ kọ cha hwẹ.

1 Timoti 2:10

ẹkẹvnọvo ọ rẹ uruemu esiri, kirobo ri fori kẹ eya ri segbuyota.