1 Timoti 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

1 Timoti 2:7 Referans Kwoze

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

2 Timoti 1:11

Fiki rẹ iyẹnrẹ esiri na kọye a vwọ vwẹ ovwẹ mu aghwoghwo kugbe ọyinkọn kugbe uyono,

Ọbe ri Pọl si rhe Ihwo ri Rom 9:1

Me ta uyota vwẹ evun ri Kristi, me vwọnrọn efia-an; kidie udu mẹ se oseri kẹ vwẹ vwẹ evun rẹ Erhi Ọfuanfon,

Ọbe ri Pọl si rhe Ihwo ri Rom 15:16

nẹ a vwo vwẹ ru ọyinkọn ri Kristi Jesu vwọ kẹ otu ri Keferi vwẹ ẹga rẹ orherẹn rẹ iyẹnrẹ rẹ Ọghẹnẹ na, rere a vwọ mrasan reyọ izobo rẹ otu ri Keferi na, rẹ Erhi Ọfuanfon na ru fon na.

Galesha 2:9

rẹ ayen vwọ mrẹ ẹserọphẹ ra vwọ kẹ vwẹ rẹ, Jems vẹ Pita kugbe Jọn, re dia osunsun na, de rhie evun reyọ ovwẹ vẹ Banabas gangan, nẹ avwanre gbe bru otu ri Keferi ra re ayen rhe bru otu re yanvwere;

Galesha 1:20

Ọghẹnẹ ye hẹ oseri mẹ, nẹ eta nana ri mi si rhe ovwan na, ọ dia ofian me vwọrọ-ọn.

Galesha 1:16

o de je nẹ ọye vwẹ Ọmọ rọye na phia kẹ vwẹ, rere me vwọ mrasan ghwoghwo vwẹ ohri ri Keferi me ka nọ vwẹ obọ re ohwo tavwe-e,

Ọbe ri Pọl si rhe Ihwo ri Rom 11:13

Asakiephana ovwan Keferi me ta kẹ na. Re me vwọ hẹ ọyinkọn ri Keferi na, ke me vwẹ ikọn ẹyan mẹ na herẹ,

2 Pita 2:5

ọ da dianẹ o vwo ghovwo akpọ rẹ awanre-e, ẹkẹvuọvo ọ da sẹro ri Noa, aghwoghwo rẹ ọvwata, kugbe ihwo ighwrẹ efa, ọke rọ rhe vwọ vwẹ oghwe ghwọrọ akpọ rẹ ihwo umwemwu na;

Galesha 3:9

Ọtiọye na, otu rẹ ihwo ri vwo esegbuyota ke bruphihọ kẹ ayen vẹ Ebraham ro segbuyota.

2 Kọrẹnt 11:31

Ọghẹnẹ kugbe Ọsẹ rẹ Ọrovwohwo Jesu, ohwo ra vwẹ ebruba kẹ bẹdẹ, riẹnre nẹ me vwọnrọn ọfia-an.

Ọbe ri Pọl si rhe Ihwo ri Rom 10:14

Ẹkẹvuọvo komavọ ayen se se ohwo rẹ ayen segbuyota-a? Komavọ ayen se se ohwo rẹ ayen nyo urhuru rọye-e gbuyota? Komavọ ayen se nyo yẹ ohwo ghwoghwo kẹ aye-en?

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Iruo rẹ Iyinkọn na 22:21

Ọ da ta kẹ vwẹ, Bi nẹ etiyin; kidie mi che ji uwe yanran shesheri bru otu ri Keferi.

Iruo rẹ Iyinkọn na 14:27

Ọke rẹ ayen vwọ rhe, ayen de se ihwo rẹ ishọshi na ejobi koko, ayen de gbe ikun rẹ obo rẹ Ọghẹnẹ ruru kẹ ayen, kugbe obo re rhiẹ ẹchẹ rẹ esegbuyota na phihọ kẹ ihwo ri Keferi.

Iyẹnrẹ Esiri ri Jọn 7:35

Ihwo ri Ju na da ta kẹ ohwohwo, Tivọ ohwo nana guọnọ ra rẹ avwanre de jẹ mrẹ? Kọ guọnọ bru otu re hrabọ ro ohri rẹ ihwo ri Grik na re yono ihwo ri Grik?

Aghwoghwo 7:27

Nighe, ọnana obo re me mrẹre, eriyin Aghwoghwo na tare, ọ da reyọ emu ọvo vwọ ba ọrivẹ rere ọ vwọ mrẹ obo re emu ejobi bute,

Aghwoghwo 1:12

Mẹvwẹ Aghwoghwo na rẹ ovie rẹ Izrẹl vwi Jerusalẹm.

Une rẹ Ejiro 111:7

Iruo rẹ obọ rọye uyota vẹ ọsoso iji rọye ejobi a vwẹ ẹro suọ,

Galesha 2:16

dede ye riẹnre nẹ ohwo sa vwi fiki rẹ iruo rẹ urhi na rease-e ẹkẹvuọvo vwẹ oma rẹ esegbuyota vwi Jesu Kristi, mrẹmrẹ avwanre vwo esegbuyota vwẹ Jesu Kristi, rere vwẹ esegbuyota vwẹ oma ri Kristi avwanre vwọ sa rease, ọ dianẹ kẹ fiki rẹ iruo rẹ urhi na-a, fikiridie ọ da dia fiki rẹ iruo rẹ urhi na ohwo ọvuọvo sa rease-e.

Ọbe ri Pọl si rhe Ihwo ri Rom 1:9

Kidie Ọghẹnẹ hẹ iseri mẹ, ohwo re me vwẹ erhi mẹ ejobi ga vwẹ evun rẹ iyẹnrẹ esiri rẹ Ọmọ rọye, obo ri mi se odẹ rẹ ovwan te kẹdẹ kẹdẹ vwẹ evun rẹ ẹrhovwo mẹ.

1 Kọrẹnt 9:1

Me dia ọmuvwiẹ? Me dia ọyinkọ? Mi rhie ẹro mrẹ Ọrovwohwo Jesu? Ovwan dia iruo rẹ abọ mẹ vwẹ oma rẹ Ọrovwohwo?