1 Timoti 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kidie Ọghẹnẹ ọvnọvo re herọ, ovwrohọnre ọvuọvo re hẹ uvwre rẹ Ọghẹnẹ vẹ ihwo rẹ akpọ, ohwo na hẹ Kristi Jesu,

1 Timoti 2:5 Referans Kwoze

Galesha 3:20

Asakiephana usuọnvwan dje phia nẹ emu na bunọ ọvo; ẹkẹvuọvo Ọghẹnẹ ọvuọvo.

1 Kọrẹnt 8:6

ye vwọ kẹ avwanre Ọghẹnẹ ọvuọvo re herọ, Ọsẹ na, re emu ejobi nẹ obọ rọye cha ọye re nẹrhẹ avwanre dia, kugbe Ọrovwohwo ọvuọvo, Jesu Kristi, ohwo rẹ emu na ejobi wan oma rọye rhe oma rọye avwanre wa dia.

Hibru 9:15

Fiki rẹ ọtiọye na kọye ọ vwọ dia obruche rẹ ọphọ ọkpokpọ na, rere ayen otu re seri se vwo vwo ivẹ rẹ uku ri bẹdẹ na, fikiridie ohwo ọvo ghwuru ra vwọ tan ayen nẹ ogbeku rọ hẹ otọ rẹ ọphọ rẹsosuọ.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

Urhi Rivẹ 6:4

E nyo, E Izrẹl; Ọrovwohwo Ọghẹnẹ avwanre na Ọrovwohwo ọvuọvo;

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Ọbe ri Pọl si rhe Ihwo ri Rom 10:12

Kidie ofẹnẹ herọ kẹ ihwo ri Ju vẹ ihwo ri Griki-i; Ọrovwohwo ọvuọvo na ọye hẹ Ọrovwohwo ro vwo emu ejobi, ọ vwẹ efe rọye kẹ ihwo ejobi ri se odẹ royẹ.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Hibru 8:6

Ẹkẹvuọvo kirobo rọ epha na, Kristi vwo odiboegbe ro yovwi nọ ọ rẹ awanre na kidie ọphọ ro mudia re na ri me yovwi, fikiridie ive re ve phihọ na ri me yovwi rhe.

Ẹfesọs 4:6

Ọghẹnẹ ọvuọvo kugbe Ọsẹ rẹ avwanre ejobi, ọye me kpenu vwẹ emu ejobi rọ wan oma rẹ emu ejobi vwẹ evun rẹ emu ejobi.

1 Kọrẹnt 8:4

Kọye, vwọ kẹ ẹriọ rẹ emu ra vwọ gọ iye na, avwanre riẹnre nẹ ẹdjọ dia emuọvo vwẹ akpọ na-a, yẹ Ọghẹnẹ ọfa herọ-ọ jokpa rẹ ọvuọvo na.

ỌBE RẸ JOB 9:33

Obrorhiẹ ọvuọvo hẹ uherevie rẹ avwanre-e, rọ ghwẹ obọ rọye kpahe avwanre ivẹ na-a.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Ẹvwọphia 1:13

vwẹ uherevie rẹ igburhukpẹ na ohwo ọvo rọ họhọ ọmọ rẹ ohwo da herọ, ro ku adagba ro te otọ phihọ ọ vwẹ umuamwa rẹ oro vwo mu udu;

Matiu 1:1

Ọbe rẹ orua rẹ Jesu Kristi, ọmọ rẹ Devid; ọmọ rẹ Ebraham.

Iruo rẹ Iyinkọn na 4:12

Esivwo rha hẹ oma rẹ ohwo ofa-a, kidie odẹ ọfa rha hẹ otọ rẹ odjuvwu re mu kẹ ihwo ro se sivwi avwanre-e.

Ọbe ri Pọl si rhe Ihwo ri Rom 1:3

Iyẹnrẹ esiri kpahe Ọmọ rọye, re vwiẹri vwẹ orua ri Devid vwẹ ọ rẹ ugboma

1 Timoti 6:13

Ọbaro rẹ Ọghẹnẹ rọ vwẹ arhọ kẹ emu ejobi na, kugbe ọ ri Kristi Jesu rọ dia obaro ri Pọntiọs Pailet de se iseri rọ da je rhọvwe omamọ rẹ ẹrhọvwọ,

1 Jọn 2:1

Emọ mẹ, mi si eta nana rhe ovwan rere ovwan vwo jẹ umwemwu eruo; ẹkẹvuọvo ohwo de ru umwemwu, avwanre vwo obruche ọvo vwẹ obọ rẹ Ọsẹ, Jesu Kristi rẹ ọvwata na;

Iyẹnrẹ Esiri ri Luk 14:22

Odibo na da ta, Ọrovwovwe, obo wọ tare na e ruro gba, yẹ ẹdia je jerọ.