1 Timoti 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ rọ guọnọre nẹ ihwo na ejobi rhọre rere ayen rhi vwo erianriẹn rẹ uyota na.

1 Timoti 2:4 Referans Kwoze

Izikiẹl 18:32

Kidie mi vwo omavwerhovwẹ vwẹ oma rẹ ughwu rẹ ohwo ọvuọvo-o, eriyin Ọrovwohwo Ọghẹnẹ tare ọtiọye na gbe kurhẹriẹ rere wọ rhọ.

2 Pita 3:9

Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

Izikiẹl 18:23

Mi vwo omavwerhovwẹ vwẹ ughwu rẹ oruimwemwu-u eriyin Ọrovwohwo Ọghẹnẹ nọre, ọ dianẹ rọ kurherie nẹ idjerhe rọye rere ọ rhọ?

Taitọs 2:11

Kidie ẹserọphẹ rẹ Ọghẹnẹ rhe vwẹ oma phiare, ọ da vwẹ esivwo vwọ kẹ ihwo ejobi.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

2 Timoti 2:25

rọ vwẹ aghwanre bru otu re ghwọ uche. Ọke ọvo Ọghẹnẹ me sa kẹ ayen ekuorhẹriẹ re da rhe mrẹ uyota na vughe,

1 Timoti 4:10

Fiki rẹ onana avwanre vwọ wian rẹ avwanre vwọ pharha, fikiridiẹ avwanre phiẹrohọ Ọghẹnẹ ri bẹdẹ na, ọye hẹ Osivwi rẹ ihwo ejobi, marho kẹ ayen otu ri sere gbuyota.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Ẹvwọphia 14:6

Etiyin me da mrẹ amakashe ọfa rọ rhan vwẹ uherevie rẹ odjuvwu, ọ vẹ iyẹnrẹ esiri ri bẹdẹ na ro ghwoghwo kẹ ayen otu re dia akpọ na, kẹgborho kẹgborho kugbe orua korua kugbe ephẹrẹ kephẹrẹ kugbe ohwo kohwo;

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Taitọs 1:1

Pọl, odibo rẹ Ọghẹnẹ kugbe ọyinkọn ri Jesu Kristi, ro ghwoghwo esegbuyota na kẹ ihwo rẹ Ọghẹnẹ sanọ reyọ, rere ayen vwọ riẹn uyota na vẹ uyoyovwi rọye,

Aizaya 55:1

Ohwo kohwo rẹ urhuru rẹ ame hwe, yanrhe asan ame na, ohwo ro vwo igho-o, yanrhe, de wọ re! Yanrhe, dẹ udi vẹ ame rẹ Ivie, ọphe o vwo unu-u.

2 Timoti 3:7

re kerhọn ri kohwo kohwo yi vwo ẹruọ rẹ uyota na-a.

Iyẹnrẹ Esiri ri Luk 14:23

Onini na da ta kẹ odibo na, yanran kpo idjerhe ride na vẹ otọ rẹ irhe na, re wọ gba ayen rhe, rere uwevwi mẹ vwọ vọn.

Iyẹnrẹ Esiri ri Luk 1:77

Kọ vwẹ ẹriẹn rẹ esivwo kẹ ihwo rọye, vẹ evwoghovwo rẹ imwemwu rayen,

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Iyẹnrẹ Esiri ri Jọn 17:17

Ru ayen fon vwẹ uyota na; ota wẹn hẹ uyota.

Iyẹnrẹ Esiri ri Jọn 6:37

E rẹ Ọsẹ mẹ vwọ kẹ vwẹ ejobi che bru uvwe rhe, ọ ro bru uvwe rhe nu me sa djẹ kufia-a.

Iyẹnrẹ Esiri ri Mak 16:15

Ọ da ta kẹ ayen, Ovwan yanran ro akpọ na ejobi, re ghwoghwo iyẹnrẹ esiri na ke ema na ejobi.

Hibru 10:26

Kidie avwanre da vwẹ ẹro koko ru umwemwu rẹ avwanre vwo vwo erianriẹn rẹ uyota na nu, o rhe vwo iye ọfa ra cha gọ fiki rẹ umwemwu-u,

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Ọbe ri Pọl si rhe Ihwo ri Rom 11:14

rere ihwo mẹ ihwo ri Ju vwọ reoma kpahe ayen, se se sivwi ihwo evo rhọ.

Jems 3:14

Ẹkẹvuọvo we de vwo omẹriọ vẹ erhi rẹ ohẹriẹ vwẹ udu rẹ ovwan, wa yeya-an, wa je vwọnrọn efia nyẹ uyota na-a.

2 Jon 1:1

Ọkpako na ri si ọbe na rhe ọmọtẹ ra sanọreyọ na vẹ emọ rọye, re me guọnọre vwẹ uyota, ọ dia omẹvwẹ ọvo-o ẹkẹvuọvo ji te ihwo ejobi re riẹn uyota na,