1 Timoti 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² vwọ kẹ Ivie kugbe ihwo ride, rere avwanre vwo yere akpọ dẹndẹn vẹ ufuoma, yoyovwi vẹ ọghọ vwẹ idjerhe kidjerhe.

1 Timoti 2:2 Referans Kwoze

Ezra 6:10

Rere ayen vwo ze izobo ro yovwiri kẹ Ọghẹnẹ rẹ odjuvwu, rere ayen nẹ ẹrhovwo vwọ kẹ ovie vẹ emọ rọye.

Jerimaya 29:7

Ẹkẹvuọvo wa guọnọ erhuvwu rẹ orere ri mi ji ovwan de kpo ighuvwu na, ovwan mia rẹ Ọrovwohwo kẹ, kidie erhuvwu rọye ovwan de vwo erhuvwu.

Isẹ 24:21

Ọmọ mẹ, djẹ oshọ rẹ Ọrovwohwo na kugbe ovie, wọ phra ota raye-en;

1 Tẹsalonaika 4:11

Ovwan pharhe re we ru dẹndẹn, we nenesi rẹ iruo rẹ obọ rẹ ovwan, wa vwẹ abọ rẹ ovwan wian owian, kirobo rẹ avwanre yono ovwan.

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

Hibru 12:14

Pharhe re wọ vẹ ihwo ejobi vwọ dia kugbe vwẹ ufuoma, kidie ẹfuọn tiọnana da kare ohwo, ohwo yena sa mrẹ Ọrovwohwo-o.

Ọbe ri Pọl si rhe Ihwo ri Rom 12:18

Udu wẹn da gba, wọ vẹ ohwo ọvuọvo ghwọ-ọ.

Une rẹ Ejiro 72:1

Kẹ ovie ọsoso wẹn, E Ọghẹnẹ, ọvwata wẹn kẹ ọmọ rẹ ovie.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

Iruo rẹ Iyinkọn na 24:16

Vwẹ ọtiọye na ki mi vwo omamọ rẹ udu kẹ Ọghẹnẹ kugbe ihwo rẹ akpọ.

Iruo rẹ Iyinkọn na 10:22

Ayen da ta, Kọniliọs, onotu rẹ ofovwi ohwo ọsoso rọ djẹ oshọ rẹ Ọghẹnẹ, rẹ ẹgborho rẹ ihwo ri Ju ejobi ta ota rọye yoyovwi, ọye amakashe ọfuanfon ta kẹ nẹ o ji ohwo rhi se we rhe uwevwi rọye, rere o nyo obo ru wọ cha ta kẹ.

Iyẹnrẹ Esiri ri Luk 2:25

Asakiephana ọshare ọvo herọ vwẹ obi Jerusalẹm, re se odẹ rọye Simiọn, ọvwata vẹ ohwo rọ djẹ oshọ rẹ Ọrovwohwo, o ji phiẹrohọ evwiẹ rẹ Osivwi rẹ Izrẹl na, Erhi Ọfuanfon da hẹ oma rọye.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

2 Samuẹl 20:19

Mẹvwẹ, ọvo vwẹ usun rẹ ihwo ri furu ri fuevun vwẹ Izrẹl na; wọ guọnọ guọghọ orere rọ dia oni vwẹ Izrẹl; die wo vwo mu uku rẹ Ọrovwohwo rọ?