1 Timoti 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ e gbe jẹ ọnana ro ovwan nẹ, a vwi fiki rẹ ovwata ji urhi-i ẹkẹvuọvo fiki rẹ onogbozigbi kugbe ijẹọghọ evwo, fiki ohwo rọ riẹn Ọghẹnẹ-ẹ kugbe ọruimwemwu, vwọ kọ ijẹfuọn kugbe ọ ro gbe ẹgua, vwọ kẹ otu ri hwe esẹ vẹ otu ri hwe ini, vwọ kẹ otu re fa ihwo hwe,

1 Timoti 1:9 Referans Kwoze

Galesha 3:19

Kidie e rhe vwo ji urhi? A vwe rọ ba fiki rẹ urhi egbe bẹsiẹ rẹ uvwiẹ na che vwo te obọ rẹ ohwo re ve ive na kẹ, e de vwo mu vwẹ obọ rẹ emakashe vwẹ oma rẹ usuọnvwan.

1 Pita 4:18

Ọ da dianẹ ọ pha bẹnbẹn re e vwo sivwi ọvwata, tivọ ihwo ri gbe ẹgua kugbe iruimwemwu da cha vwẹ oma phia?

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Galesha 5:23

dẹndẹn, oma echiro; enana gbi vwo urhi ọfa ro mu aye-en.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

Ọbe ri Pọl si rhe Ihwo ri Rom 6:14

Kidie umwemwu gbi che vwẹ ogangan vwẹ enu rẹ ovwan ọfa-a, kidie ovwan gbe hẹ otọ rẹ urhi-i ẹkẹvuọvo kẹ otọ rẹ ẹserọphẹ ovwan epha.

Ọbe ri Pọl si rhe Ihwo ri Rom 1:30

ophọphọvwe, omaetuo rẹ Ọghẹnẹ, aroeyivwo, uhrerhe, eyan, onyonyo, ijọghọ emuo kẹ ọsẹ vẹ oni,

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

1 Pita 3:20

ihwo ri mu ọghọ jovwo, ọke rẹ Ọghẹnẹ vwọ vwẹ odiri hẹrhẹ vwẹ ọke ri Noa, ọke rọ vwọ kare okọ na, re imihwo krẹn, kọye hẹ, ihwo ẹrenre, re sivwi nẹ oghwe na.

Hibru 11:31

Vwẹ esegbuyota ọye Rihab rẹ igberadja na vwo je ghwo kugbe ayen otu ri jẹ ọghọ emuo na, fikiridie ọ nabọ dede otu ri rhi dọrhẹ na.

2 Tẹsalonaika 2:8

Ọke yena ka cha vwẹ onogbozighi na phia, Ọrovwohwo Jesu kọ cha vwẹ ota rẹ unu rọye hwe ghwu kọ ghwọrọ vwẹ omavwọphia kugbe ẹcha rọye.

Ọbe ri Pọl si rhe Ihwo ri Rom 4:13

Ive re ve kẹ Ebraham vẹ uvwiẹ rọye, nẹ ayen reuku rẹ akpọ na, wan oma rẹ urhi rhe-e ẹkẹvuọvo vwẹ oma rẹ ọvwata rẹ esegbuyota.

Matiu 10:21

Oniọvo che hwe oniọvo, ọsẹ che hwe ọmọ, emọ che hwe i ri vwiẹ ayen, ri de ghwu.

Izikiẹl 21:25

Wẹ rhe, E ọ ro jẹfuọn, ohwo umwemwu na, ovie rẹ Izrẹl, ọ rẹ ẹdẹ rọye gba nure na, ọke rẹ ehwe wẹn rẹ oba gbare,

Jerimaya 23:11

Tẹ ọmraro tẹ orherẹn riẹn Ọghẹnẹ-ẹ, vwẹ evun rẹ uwevwi mẹ me da mrẹ umwemwu rayen vughe eriyin Ọrovwohwo tare.

Isẹ 30:17

Ẹro rọ vwẹ ọsọmọ jehwẹ rẹ ọjẹfia jo mu ọghọ kẹ oni rọye-e, okpemu rọ dia evun rẹ iyara cha sọhrọ, ekala ke cha riọ.

Isẹ 30:11

Ihwo evo herọ re harha esẹ rayen ri jẹ ẹrhovwo ẹnẹ kẹ oni rayen.

Isẹ 28:24

Ohwo ro cho ọsẹ eyẹ oni rọye ọ me ta nẹ, Ọyena dia umwemwu-u; ohwo tiọye na ugbeyan rẹ ohwo rọ guọghọ asan.

Isẹ 28:17

Ohwo ro kru oghwa rẹ ọbara rẹ ohwo ọfa ghwa, gbe jọ dia osoghoro tẹ ẹdẹ ughwu rọye; e jẹ ohwo ọvuọvo cha uko-o.

Isẹ 20:20

Ohwo da harhẹ ọsẹ eyẹ oni rọye, urhukpẹ rọye ko che fun ghene vwẹ evun rẹ ebri hwi.

2 Ikun rẹ Ivie 32:21

Ọrovwohwo de ji amakashe ọvo, ọ da nyavwe egba rẹ ofovwi na kugbe isun na vẹ inotu na re hẹ erhọn rẹ ovie rẹ Asiria hwe. Etiyin o de rhivwi vẹ omavovwẹ kpo otọ rẹ obọ rọye. Ọke ro rhi vwo te uwevwi rẹ ẹdjọ rọye re, emọ rọye ẹvo da dia etiyin nyavwọ hwe.

Ivie rẹ Ivẹ 19:37

Rọ vwọ gọ iye vwẹ uwevwi ri Nisrok rẹ ẹdjọ rọye, Adramelẹk vi Shareza, emọ rọye da vwọ ọlọkọ hwe, ayen da djẹ kpo otọ rẹ Ararat. Esaradon ọmọ rọye da re uvie vwẹ ẹdia rọye.

2 Samuẹl 16:11

Devid da ta kẹ Abishai kugbe idibo rọye ejobi, Ọmọ mẹ ro nẹ oma mẹ rhe, guọnọ erhi mẹ hwe, kemavọ ọmọ ri Bẹnjamin rhe ru te? Jovwo rọ harhe; kidie Ọrovwohwo re ta kẹ.

Urhi Rivẹ 27:16

Ekan kẹ ohwo ro mu ọghọ kẹ ọsẹ eyẹ oni rọye-e. Ihwo na ejobi Me kpahe tanẹ, Isẹ.

Livitikọs 20:9

Kidie ohwo kohwo ejobi rọ harhe ọsẹ eyẹ oni rọye ke hwe kufia; Ọ harhe ọsẹ vẹ oni rọye, vwẹ otiọye na ọbara rọye kọ dia uyovwi rọye.

Ẹyano 21:14

Ẹkẹvuọvo ọ da vwẹ arudo vẹ ọnko vwo hwe, we mi sionẹ agbada mẹ, rere o ghwu.

Ẹyano 20:13

Wo hwe ohwo-o.

1 Pita 2:7

Vwẹ kẹ ovwan ri seregbuyota, ọ epha ghaghare, ẹkẹvuọvo vwọ kẹ otu ri seregbuyota-a, Oragha na kpekpe rẹ ebọn ebabọn senre o rhi hirhe phihọ ọ ro vwo uyovwi vwẹ ubienyẹ

Hibru 12:16

e jẹn ohwo ọvuọvo dia ọvwọfanrhiẹ-ẹ eyẹ ro jẹn ẹgha ẹriẹn kerẹ Isọ, rọ vwi fiki rẹ emọre shẹ ọkpako rọye.

Galesha 5:21

omaẹriọ, ozighẹ, idi ẹda, udu ọ gangan, kugbe uruemu efa etieye na. Ri mi bunu rẹ ayen kẹ ovwan jovwo na nẹ ohwo kohwo ro ro imu nana sa reuku rẹ uvie rẹ Ọghẹnẹ-ẹ.

Galesha 5:18

Ẹkẹvuọvo Erhi na de sun we yu wọ gbe hẹ otọ re urhi na-a.

1 Timoti 4:7

Wọ kerhọn rẹ esia rẹ ekpa rẹ otu re riẹn Ọghẹnẹ-ẹ gbe-e. Vono oma wẹn phihọ nyoyovwi;

1 Timoti 6:20

E Timoti, sẹro rẹ obo ra vwọ kẹ wẹ yọnre na. Sioma nẹ eta efafanrhiẹ vẹ aphrọ otu re mariẹn na,

2 Timoti 2:16

Kẹnoma ke ọpata, kidie ọ cha nẹrhẹ ihwo dje oghighiru eruo,

2 Timoti 3:2

Kidie ihwo cha guọnọ omaobọ rẹ ayen nọ, e cha guọnọ igho nọ, i che phuoma nọ, i che ni oma rhuarho nọ, e cha harhe ekan nọ, i gbi che mu ọghọ kẹ esẹ vẹ ini-i, e gbe cha riẹn ẹse-e, e gbe cha guọnọ ẹfuọ-ọn,

Taitọs 1:6

Eshare ri vwo abe-e, re rọvwọre ẹsiẹvo kpoi, rẹ emọ rọye vwo esegbuyota, re ghwọ-ọ, re họnra-a, ri yivwaro-o.

Taitọs 1:10

Kidie ihwo zighi zighi buebu herọ, re ta eta ifefe, re phiẹn ihwo, marho kẹ otu re yavwere na;

Ọbe ri Jud 1:15

kọ cha vwẹ ihwo na ejobi guẹdjọ, ko bruhwe ihwo umwemwu na ejobi fiki rẹ uruemu umwemwu rayen rẹ ayen vwẹ idjerhe umwemwu vwo ru, kugbe eta ebrabra rẹ ihwo umwemwu na ta kpahọ.