1 Timoti 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ eyẹ ayen gbe davwerhọ rẹ esia ẹrhọghọ kugbe ikun rẹ ọrarahe rẹ edẹ rẹ uvwiẹ re sua aphro vwo ghohọnyẹ uyono rẹ Ọghẹnẹ kọye hẹ esegbuyota na;

1 Timoti 1:4 Referans Kwoze

Taitọs 3:9

Kẹnoma kẹ aphro rẹ ẹkpa, vẹ ikun rẹ awanre, kugbe ohọnre ra vwọ guọghọ urhi; fikiridie ifefe, i fi erere ọvuọvo-o.

Taitọs 1:14

Wo jẹn ayen davwerhọn rẹ ikun ifefe rẹ ihwo ri Ju-u, kugbe uyono efian rẹ ihwo ri ghwru nẹ idjerhe rẹ uyota na.

1 Timoti 4:7

Wọ kerhọn rẹ esia rẹ ekpa rẹ otu re riẹn Ọghẹnẹ-ẹ gbe-e. Vono oma wẹn phihọ nyoyovwi;

2 Timoti 4:4

ki che chuko ku e gbe daywerhọ rẹ uyota na-a ki ho nene esia ẹrhọghọ.

2 Pita 1:16

Kidie avwanre nene ona rẹ esia ẹrhọghọ-ọ vwẹ ọke rẹ avwanre vwo dje ogangan na kugbe ẹcha rẹ Ọrovwavwanre Jesu Kristi kẹ ovwa-an, ẹkẹvuọvo avwanre rhie ẹro mrẹ avwanre jẹ dia iseri rẹ ọrho rọye.

1 Timoti 6:20

E Timoti, sẹro rẹ obo ra vwọ kẹ wẹ yọnre na. Sioma nẹ eta efafanrhiẹ vẹ aphrọ otu re mariẹn na,

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

2 Timoti 2:14

Karohọ ayen kpahe ọnana, rere wo ji urhi kẹ ayen vwẹ obaro rẹ Ọrovwohwo nẹ ayen vwẹ eta na phra aphro-o, aphro ro fi emuọvo-o, ẹkẹvuọvo yọ de guọghọ udu rẹ ihworinyoro.

2 Timoti 2:22

Vwẹ ọtiọye na gbe siobọ nẹ unuavwerhe rẹ ọkeemọ rere wo nene ovwata, esegbuyota, ẹguọnọ, kugbe ufuoma, re wọ vwọ ba ayen otu ri se odẹ rẹ Ọrovwohwo nẹ otọ rẹ udu rhe.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Taitọs 1:1

Pọl, odibo rẹ Ọghẹnẹ kugbe ọyinkọn ri Jesu Kristi, ro ghwoghwo esegbuyota na kẹ ihwo rẹ Ọghẹnẹ sanọ reyọ, rere ayen vwọ riẹn uyota na vẹ uyoyovwi rọye,

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

Ẹfesọs 3:2

Mi rori nẹ ovwan nyo usi rẹ ẹserọphẹ rẹ Ọghẹnẹ ra vwọ kẹ vwẹ ni mi vwo gbe odibo kẹ ovwan,

2 Timoti 2:23

Wo nene ẹkpa, rhurhu phra aphro-o; wọ riẹnre nẹ i fi ẹghwọ.