1 Timoti 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ro si rhe Timoti, ọmọ mẹ rẹ uyota vwẹ esegbuyota: Ẹserọphe, arodọvwẹ, kugbe ufuoma rọ nẹ obọ rẹ Ọghẹnẹ Ọsẹ na kugbe Kristi Jesu Ọrovwavwante nene uwe dia.

1 Timoti 1:2 Referans Kwoze

Taitọs 1:4

Mi siro rhe Taitọs, ọmọ mẹ ri mi vwiẹri vwẹ esegbuyota ọvuọvo na. Ẹserọphẹ vẹ ufuoma ro nẹ obọ rẹ Ọghẹnẹ rẹ Ọsẹ na kugbe Kristi Jesu Ọsivwi rẹ avwanre, nene uwe dia.

2 Timoti 1:2

Ri si ọnana rhe Timoti, ọmọ mẹ rọ ghare. Ẹserọphe, arodọvwẹ, kugbe ufuoma ro nẹ obọ rẹ Ọghẹnẹ Ọsẹ na rhe kugbe Kristi Jesu Ọrovwavwanre.

1 Pita 1:2

re dia ajẹreyọ rẹ Ọghẹnẹ Ọsẹ na rẹ Erhi na ru fon vwẹ ọghemuo kẹ Jesu Kristi kugbe ọbara rọye ra fẹrẹ kuo. E jẹ ẹserọphẹ kugbe ufuoma bu phihọ kẹ ovwan.

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

2 Timoti 2:1

Wẹ, ọmọ mẹ, gba gan oma vwẹ ẹserọphẹ rọ herọ vwẹ evun ri Kristi Jesu,

1 Timoti 1:18

Urhi nana mi ji kẹ wẹ, ọmọ mẹ, Timoti, kirobo ra mraro kpahe owẹ jovwo na, rere wọ da karohọ ayen wọ vwọ sa họnre omamọ rẹ ohọnre,

1 Tẹsalonaika 3:2

avwanre ki ji Timoti, oniọvo rẹ avwanre kugbe odibo rẹ Ọghẹnẹ vwẹ iyẹnre esiri ri Kristi, nẹ o rhi ru esegbuyota rẹ ovwan gan ro rhe bru ovwan uche.

Galesha 1:3

Ẹserọphẹ vẹ ufuoma ro nẹ obọ rẹ Ọghẹnẹ rẹ ọsẹ rhe, kugbe obọ rẹ Ọrovwavwanre Jesu Kristi nene ovwan dia;

1 Timoti 1:12

Me kpẹvwẹ Kristi Jesu Ọrovwavwanre, rọ kẹ vwẹ ogangan nana, kidie o ni vwe fo ohwo rẹ uyota, ro vwo se vwe phihọ iruo rọye,

1 Timoti 6:20

E Timoti, sẹro rẹ obo ra vwọ kẹ wẹ yọnre na. Sioma nẹ eta efafanrhiẹ vẹ aphrọ otu re mariẹn na,

Taitọs 2:2

Gbe jẹ ekpako na ru dẹndẹn re ayen se gbe emu, rẹ udu rẹ ayen djiro, re esegbuyota rayen gan, re ayen vwo ẹguọnọ ro jerhẹriẹ, kugbe odiri.

Taitọs 3:15

Ayen ihwo ejobi re hẹ obonẹ nẹ eyere uwe. Yere otu ri segbuyota re hẹ oboyi re reyọ avwanre ghaghare. Ẹserophe nene ovwan ejobi dia.

2 Jon 1:3

Ẹserọphẹ, arodọvwẹ, kugbe ufuoma ki nene avwanre dia, vwo nẹ obọ rẹ Ọghẹnẹ Ọsẹ na kugbe ọ ro nẹ obọ ri Jesu Kristi rhe Ọmọ rẹ Ọsẹ na, vwẹ evun rẹ uyota kugbe ẹguọnọ.

3 Jọn 1:4

O rhe vwo omavwerhe ọfa mi vwo nẹ ọnana-a, ri mi vwo nyo nẹ emọ mẹ nene uyota na.

Ọbe ri Jud 1:2

E gbe jẹn arodọvwẹ, ufuoma, kugbe ẹguọnọ buphihọ kẹ ovwan.