1 Timoti 1:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ fiki rẹ ọnana me vwọ mrẹ arodọvwẹ nẹ, vwẹ evun mẹ, kirobo re me dia onotu jovwo na, Jesu Kristi se vwo dje omamọ rẹ ọdiri rọye phia rọ dia oniru kẹ ihwo ri che se gbuyota vwobọ ri ji che vwo arhọ ri bẹdẹ na.

1 Timoti 1:16 Referans Kwoze

1 Timoti 1:13

dede na dẹvure jovwo me phọpherọ mi kpokpiro me da harhọ; ẹkẹvuọvo o de ni arodọvwẹ mẹ fikiridie ughẹghẹ vẹ ijesegbuyota mi vwo ruo,

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

Iyẹnrẹ Esiri ri Luk 7:47

Fiki rẹ ọtiọye na Me ta kẹ wẹ, Umwemwu rẹ aye nana, rọ epha buebu jovwo na, a vwẹ ayen ghovwo; kidie ẹguọnọ rọye buru; ẹkẹvuọvo ohwo ra vwẹ emu otete kẹ, jẹ emu otete ọ guọnọre.

2 Pita 3:15

Gbe kere odiri rẹ Ọrovwavwanre vwọ hẹ esivwo. Ọtiọye rhe oniọvo rẹ avwanre ọghaghare ji si rhe ovwan kirobo rẹ aghwanre ra vwọ kẹ epha,

2 Pita 3:9

Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

Une rẹ Ejiro 25:11

Fiki re odẹ wẹn na, E Ọrovwohwo, vwẹ abe mẹ ghovwo uvwe, kidie ọ rhoro gangan.

1 Pita 3:20

ihwo ri mu ọghọ jovwo, ọke rẹ Ọghẹnẹ vwọ vwẹ odiri hẹrhẹ vwẹ ọke ri Noa, ọke rọ vwọ kare okọ na, re imihwo krẹn, kọye hẹ, ihwo ẹrenre, re sivwi nẹ oghwe na.

Iyẹnrẹ Esiri ri Jọn 20:31

ẹkẹvuọvo e si enana rere ovwan vwo se segbuyota nẹ Jesu hẹ Kristi na, Ọmọ rẹ Ọghẹnẹ na, rere we de segbuyota ovwan vwo se vwo arhọ vwẹ odẹ rọye.

Iyẹnrẹ Esiri ri Jọn 3:36

Ọ ro se Ọmọ na gbuyota vwo arhọ ri bẹdẹ na; ọ ro rhe mu ọghọ kẹ Ọmọ na-a sa mrẹ arhọ-ọ, ẹkẹvuọvo ophu rẹ Ọghẹnẹ dia uyovwi rọye.

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

Iruo rẹ Iyinkọn na 13:39

vwẹ oma rọye a wan sivwi kohwo kohwo ro segbuyota nẹ kemu kemu rẹ urhi ri Mosis se sivwo nu-u.

Iyẹnrẹ Esiri ri Jọn 6:54

ohwo ro re uvwo rẹ oma mẹ rọ da da ọbara mẹ ko vwo arhọ ri bẹdẹ, ke me kparọ vrẹn vwẹ ẹdẹ rẹ oba na.

Iyẹnrẹ Esiri ri Jọn 6:40

Kidie ọnana hẹ ọhọre rẹ Ọsẹ mẹ na, nẹ ohwo kohwo rọ mrẹ Ọmọ na nu ro de segbuyota ko vwo arhọ ri bẹdẹ; ke me kparọ vrẹn vwẹ ẹdẹ rẹ oba na.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 1:18

Mọ vwo ọke na re avwanre jẹn iroro kugbe; ọtiọye Ọrovwohwo tare ọ da dianẹ imwemwu wẹn họhọ isene, e cha họhọ ẹton rẹ ogegede owenẹ evwanre kerẹ ododo e cha họhọ ukpọyibo.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

2 Tẹsalonaika 1:10

Vwẹ ọke rẹ ihwo efuanfon rọye da cha vwẹ ejiro kẹ vwẹ ẹdẹ yena, ko gbe ayen unu siẹ rẹ ayen da mrẹ otu ri segbuyota na, fikiridie iseri rẹ avwanre se kẹ ovwan na we sere gbuyota.

Ẹfesọs 1:12

Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

2 Kọrẹnt 4:1

Fiki re ọtiọye na, re avwanre vwo vwo odiboegbe nana vwẹ arodọvwẹ rẹ Ọghẹnẹ, avwanre gbe ro ẹnwa-an.

Ọbe ri Pọl si rhe Ihwo ri Rom 15:4

Kidie kemu kemu re si phihọ otọ rhabae rhe, e si ayen phihọ otọ kẹ eyono rẹ avwanre, rere vwẹ erhiori kugbe uchebro ro nẹ ẹbe ọfuanfon na rhe avwanre se vwo iphiẹrohọ.

Iyẹnrẹ Esiri ri Jọn 6:37

E rẹ Ọsẹ mẹ vwọ kẹ vwẹ ejobi che bru uvwe rhe, ọ ro bru uvwe rhe nu me sa djẹ kufia-a.

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Iyẹnrẹ Esiri ri Luk 23:43

Ọ da ta kẹ, Uyota me ta kẹ owẹ, nonẹ na me vẹ owẹ dia vwi Paradais.

Iyẹnrẹ Esiri ri Luk 15:10

Ọtiọye ọ epha, me ta kẹ ovwan nẹ, aghọghọ herọ vwẹ obaro rẹ emakashe rẹ Ọghẹnẹ vwẹ enu rẹ oruimwemwu ọvo ro kurhẹriẹ.

2 Ikun rẹ Ivie 33:19

Te ẹrhovwo rọye, kugbe obo re Ọghẹnẹ reyọ orẹ rọye, re imwemwu rọye re ijesegbuyota rọye, kugbe asan rọ bọn asan ri kpenu na phihọ vẹ asan ra vwẹ ighriki na vi phihọ kugbe ema na tavwe rọ ke rhe vwẹ oma kpotọ, nighe, e si ayen phihọ Ọbe rẹ Ikun rẹ Emraro na.

Ukeri 23:3

Etiyin Balaam da ta kẹ Balak, Mudia kẹrẹ izobo rẹ ẹtorhẹ wẹn na, re me yanran, ọke ọvo Ọrovwohwo me rhe vwa vwẹ; obo rọ vuẹ vwẹ ejobi ke me ta kẹ wẹ. Ọke yanran kpo enu rẹ ugbenu phrẹphrẹphrẹ na.

Ẹyano 34:8

Etiyin Mosis de bru okpakpa gbe opharo phihọ otọ, ọ da ga.

1 Kọrẹnt 7:25

Asakiephana vwọ kpahe otu re je rọvwọ-ọ, ọnana dia urhi rẹ Ọrovwohwọ jiri-i, ẹkẹvuọvo evun mẹ mi vwo jo kerẹ ohwo ra vwẹroso vwẹ arodọvwẹ rẹ Ọrovwohwo.