1 Timoti 1:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Me kpẹvwẹ Kristi Jesu Ọrovwavwanre, rọ kẹ vwẹ ogangan nana, kidie o ni vwe fo ohwo rẹ uyota, ro vwo se vwe phihọ iruo rọye,

1 Timoti 1:12 Referans Kwoze

Filipae 4:13

Mi se ru emu ejobi vwi Kristi rọ kẹ vwẹ ogangan.

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.

Kolose 1:25

Fiki rẹ ọye na a vwọ vwẹ ovwẹ mu ọyinkọn ro gbe odibo vwẹ evun rẹ ishọshi rọye, rere oghwa rẹ Ọghẹnẹ kru kẹ vwẹ na me sa vwọ ghwa.

Filipae 2:11

nẹ unu kunu ejobi ke cha rhọvwe nẹ Jesu Kristi hẹ Ọrovwohwo, fiki rẹ urinrin rẹ Ọghẹnẹ Ọsẹ na.

2 Kọrẹnt 4:1

Fiki re ọtiọye na, re avwanre vwo vwo odiboegbe nana vwẹ arodọvwẹ rẹ Ọghẹnẹ, avwanre gbe ro ẹnwa-an.

1 Kọrẹnt 7:25

Asakiephana vwọ kpahe otu re je rọvwọ-ọ, ọnana dia urhi rẹ Ọrovwohwọ jiri-i, ẹkẹvuọvo evun mẹ mi vwo jo kerẹ ohwo ra vwẹroso vwẹ arodọvwẹ rẹ Ọrovwohwo.

Iruo rẹ Iyinkọn na 9:22

Ẹkẹvuọvo ogangan rẹ Sọl da rho phihọ, ọ da phọphọ otu ri Ju re dia Damaskọs ro vwo dje phia nẹ Jesu ghine Kristi na.

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

Iruo rẹ Iyinkọn na 16:15

Ọke ra vwọ vwẹ ame kẹ kugbe evwrumwevwi rọye nu, ọ da rẹ avwanre nẹ, ọ da dianẹ ovwan reyọ ovwẹ phihọ ohwo ro se Ọrovwohwo gbuyota, ovwan gba rhe dia uwevwi mẹ o de sivwi avwanre rẹyo. Ota roye da ro avwanre.

1 Timoti 1:11

kirobo rẹ iyẹnrẹ esiri rẹ urinrin rẹ Ọghẹnẹ re bruba kẹ na epha ra vwọ kẹ vwẹ yọnre na.

1 Kọrẹnt 15:10

Ẹkẹvuọvo vwẹ ẹserọphẹ rẹ Ọghẹnẹ me vwọ hẹ obo re me epha na, ẹserọphẹ rọ vwọ kẹ vwẹ na rha dia ọ ri ghevweghe-e. Kidie me wian gan nọ ayen ejobi, dede na ọ dia omẹvwẹ-ẹ, ẹkẹvuọvo ẹserọphẹ rẹ Ọghẹnẹ rọ hẹ evun mẹ.

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

1 Kọrẹnt 3:5

Kono hẹ Apolọs? Kidie Pọl epha? Idibo rẹ ovwan wan oma rayen segbuyota, kirobo rẹ Ọrovwohwo ghare kẹ ohwo ọvuọvo.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

1 Timoti 1:1

Ọnana ọhe ri Pọl, ọyinkọn ri Kristi Jesu vwẹ ọ rẹ urhi rẹ Ọghẹnẹ Osivwi rẹ avwanre kugbe Kristi Jesu iphiẹrohọ rẹ avwanre,

1 Timoti 1:2

Ro si rhe Timoti, ọmọ mẹ rẹ uyota vwẹ esegbuyota: Ẹserọphe, arodọvwẹ, kugbe ufuoma rọ nẹ obọ rẹ Ọghẹnẹ Ọsẹ na kugbe Kristi Jesu Ọrovwavwante nene uwe dia.

1 Timoti 6:13

Ọbaro rẹ Ọghẹnẹ rọ vwẹ arhọ kẹ emu ejobi na, kugbe ọ ri Kristi Jesu rọ dia obaro ri Pọntiọs Pailet de se iseri rọ da je rhọvwe omamọ rẹ ẹrhọvwọ,

2 Timoti 2:2

obo ru wo nyo mie vwe vwẹ irharo rẹ iseri buebu gba vwẹ ayen yono ihwo ri vwo esegbuyota re je sa vwẹ ayen yono ihwo efa rhe.

Taitọs 1:4

Mi siro rhe Taitọs, ọmọ mẹ ri mi vwiẹri vwẹ esegbuyota ọvuọvo na. Ẹserọphẹ vẹ ufuoma ro nẹ obọ rẹ Ọghẹnẹ rẹ Ọsẹ na kugbe Kristi Jesu Ọsivwi rẹ avwanre, nene uwe dia.

Filimọn 1:9

ẹkẹvuọvo fiki rẹ ẹguọnọ ki mi gbobọnyẹ eyena, wọ riẹnre ne me ghworeọ, me kẹ rha hẹ ekanrọ fiki ri Kristi Jesu na;

Matiu 20:4

Ọ da ta kẹ ayen nẹ, Yanran kpo obo udju mẹ, obo ri fori ejobi kọye me hwa kẹ ovwan. Ayen da ghene yanran.