1 Timoti 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ kirobo rẹ iyẹnrẹ esiri rẹ urinrin rẹ Ọghẹnẹ re bruba kẹ na epha ra vwọ kẹ vwẹ yọnre na.

1 Timoti 1:11 Referans Kwoze

Galesha 2:7

Ọfa kẹ ọna, rẹ ayen rhi vwo vugbe nẹ a vwẹ iyẹnrẹ esiri rẹ otu ri jẹyanvwọ na vwọ kẹ vwẹ, kirobo ra vwẹ iyẹnrẹ esiri rẹ otu re yanvwere na vwọ kẹ Pita.

Taitọs 1:3

Ẹkẹvuọvo ọke ro bruru vwọ gba nu, ọ da rhe vwẹ ota rọye phia vwẹ evun rẹ iyẹnrẹ esiri na, kọye a da vwẹ ovwẹ mu ni mi gbe ghwoghwo urhi rẹ Ọghẹnẹ Osivwi na.

1 Timoti 6:15

ka cha vwẹ ọnana phia vwẹ omamọ ọke rọye Osun ọvuọvo na re bruba kẹ, Ovie ro vwo ivie ejobi kugbe Ọrovwohwo ro vwo ihwo ejobi,

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Ọbe ri Pọl si rhe Ihwo ri Rom 2:16

Vwẹ ẹdẹ yena, kirobo rẹ iyẹnrẹ esiri mẹ epha, Ọghẹnẹ ko guẹdjọ rẹ odjahọ rẹ ihwo vwẹ oma ri Kristi Jesu.

2 Timoti 2:2

obo ru wo nyo mie vwe vwẹ irharo rẹ iseri buebu gba vwẹ ayen yono ihwo ri vwo esegbuyota re je sa vwẹ ayen yono ihwo efa rhe.

2 Timoti 1:14

sẹro rẹ uyota na rẹ Erhi Ọfuanfon na vwọ kẹ wẹ yọnre na rọ dia evun rẹ avwanre na.

2 Timoti 1:11

Fiki rẹ iyẹnrẹ esiri na kọye a vwọ vwẹ ovwẹ mu aghwoghwo kugbe ọyinkọn kugbe uyono,

1 Timoti 6:20

E Timoti, sẹro rẹ obo ra vwọ kẹ wẹ yọnre na. Sioma nẹ eta efafanrhiẹ vẹ aphrọ otu re mariẹn na,

1 Timoti 2:7

Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

1 Tẹsalonaika 2:4

Ẹkẹvuọvo kirobo rẹ Ọghẹnẹ sanọ avwanre reyọ na rọ da vwẹ iyẹnrẹ esiri na gba avwanre obọ na, kẹ ọtiọye avwanre ghwoghwo, ọ dianẹ re o vwo je ihwo-o, ẹkẹvuọvo ro vwo je Ọghẹnẹ rọ davwa udu nẹ.

Kolose 1:25

Fiki rẹ ọye na a vwọ vwẹ ovwẹ mu ọyinkọn ro gbe odibo vwẹ evun rẹ ishọshi rọye, rere oghwa rẹ Ọghẹnẹ kru kẹ vwẹ na me sa vwọ ghwa.

Ẹfesọs 3:10

Nẹ vwẹ oma rẹ ishọshi na a sa vwọ riẹn aghwanre rẹ Ọghẹnẹ rọ pha buebu na vwẹ asakiephana vwẹ otu rẹ ikpihwo ride kugbe ogangan rọ hẹ asan ro kpenu.

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

Ẹfesọs 1:12

Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

1 Kọrẹnt 9:17

Ọ da dianẹ ọhọrobọ mẹ mi vwo ruo, ki mi vwo osa; ẹkẹvuovo ọ rha dia ọhọrobọ mẹ-ẹ, ọye kẹ uwevwi re ji vwe.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Une rẹ Ejiro 138:2

Me nuẹ uyovwi kẹ uwevwi wẹn ọfuanfon na Me vwẹ ẹkpẹvwẹ vwọ kẹ odẹ wẹn fiki rẹ ẹguọnọ wẹn ro jẹ rhẹriẹ na vẹ uyota wẹn; kidie wẹ a kpare kpenu vrẹn kemu kemu ode wẹn kugbe ota wẹn.