1 Timoti 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ vwọ kẹ evwọfanrhiẹ, vwọ kẹ ọshare rọ rọvwọ ọshare, vwọ kẹ otu ri mu ihwo shẹ, evwọrọn efian, vwọ kẹ otu ri se oseri rẹ eku, kugbe oghẹre rẹ emu ehrahra efa ri she phiho omamọ rẹ uyono-o,

1 Timoti 1:10 Referans Kwoze

Livitikọs 18:22

We nene ọshare vwerhe kerẹsiẹ re de nene aye vwẹrhẹ-ẹ, ọye ẹgua.

2 Timoti 4:3

Kidie ọke cha rẹ ihwo de jẹ davwerhọ rẹ omamọ rẹ uyono, ẹkẹvuọvo ọke rẹ erhọn rẹ ayen da rhe dia gede gede re ke cha ghwẹ iyono huehn gidoma ri yọno ayen obo ri je ayen,

Ọbe ri Pọl si rhe Ihwo ri Rom 1:26

Fiki rẹ ọnana Ọghẹnẹ vwo siobọ nẹ ayen kẹ ọmeme ọbrabra re o kpokpo ayen. Ọ dianẹ eya na ọvo re reyọ oma esiri ra ma kẹ ayen vwo gbe igberadja-a,

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.

1 Timoti 6:3

Ọ da dianẹ ohwo rhe yono oghẹre rẹ nyono ọfa rọ vẹ omamọ uyono rẹ Ọrovwavwanre Jesu Kristi na shephihọ-ọ kugbe erhnvwu rọ herọ ejobi,

Ọbe ri Jud 1:7

kirobo ri Sodọm vi Gomora kugbe irere re riariẹ ayen phihọ na, re vwẹ oma rayen kẹ ọfanrhiẹ egbe rẹ urhuru sivwe rẹ ugboma si ghwru na, ra da vwẹ ayen ru oka vwọ reoja rẹ ehwe rẹ erhanre ri bẹdẹ na.

Taitọs 1:9

rọ nabọ yọnrọn uyota rọ hẹ evun rẹ uyono na, rere o vwo se bruche vwẹ evun rẹ uyono na, kugbe o vwo se dje kẹ otu re phra aphro.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Livitikọs 20:13

Eshare ivẹ de du ohwohwo, ayen ihwo ivẹ gbe ẹgua, ke hwe ayen kufia, ọbara rayen ọ uyovwi rayen.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

2 Timoti 1:13

Yọnre omamọ rẹ nyọno na rn wo yono mie vwe na, vwẹ esegbuyota kugbe ẹguọnọ rọ herọ vwẹ evun ri Kristi Jesu;

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Ẹyano 21:16

Ohwo ro cho ohwo, owenẹ ọ shẹrẹ eyẹ a mrẹrẹ vwẹ obọ rọyee je hwe ghwu.

Jẹnẹsis 19:5

ayen de se Lọt, nẹ, Ke eshare ri wo uwevwi wẹn ason na rhọ? Reyọ ayen phia kẹ avwanre, rere avwanre vughe ayen.

Taitọs 1:13

Iseri nana uyota, Fiki rẹ ọtiọye na gba nabọ ghwọ ku ayen gangan, rere ayen yọnrọn esegbuyota na gan.

Ẹyano 20:7

Wọ se odẹ rẹ Ọrovwohwo Ọghẹnẹ wẹn ogbise-e, kidie Ọrovwohwo se bru orhiẹn ke otu ri se odẹ rọye ogbise-e.

Ẹvwọphia 18:13

owian, umako, ugboduma, adjija, egẹn, udi, evwri, omamọ rẹ ọka, erhuẹn vẹ igodẹ, esi kugbe ekpẹrẹ, kugbe eviẹn, kọye hẹ, uyohwo.

Zekaraya 8:17

we roro iroro umwemwu vwẹ udu rẹ ovwan vwọ kpahe Ọrovwohwo-o, wo duvwu iyori rẹ efia-an, kidie emu nana ejobi tu vwe oma, Ọrovwohwo tarọ.

Hosia 10:4

Eta diodi ayen ta, kugbe ive ifefe ayen vwọ re ọphọ; ọtiọye orhiebro da va nẹ otọ rhe kerẹ areba vwẹ uvwre re ẹkuẹbe.

Urhi Rivẹ 24:7

Ọ da dianẹ ohwo ro cho ohwo ọvo vwẹ usun rẹ imoni rọye na, rẹ ihwo rẹ Izrẹl na, ro de ruo kerẹ ọviẹn eyẹ ọ da shẹ, oji yena ko ghwu; rere wọ vwọ hworhẹ umwemwu na nẹ uherevie wẹn.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Zekaraya 5:4

Mi che jo rhe, Ọrovwohwo rẹ otuofovwi na tare, kọ cha ro uwevwi rẹ oji, vẹ uwevwi rẹ ohwo rọ vwẹ odẹ Mẹ duvwa iyori rẹ efian; ọ cha dia uwevwi rọye ọ mẹ ghwọrọ, te ephapha vẹ eragha ejobi.

Jẹnẹsis 40:15

Kidie vwẹ uyota e cho vwe nẹ otọ ri Hibru rhe; vwẹ obonẹ na mi ji ru emu rọ chọre re vwo mu vwe phihọ evun rẹ ẹmwa na-a.

Jẹnẹsis 37:27

Yanrhe, ra shẹ kẹ ihwo rẹ Ishmael, e jẹ obọ rẹ avwanre dia enu rọye-e, kidie omoni rẹ avwanre, uvwo rẹ avwanre. Ayen da reyọ ota rọye.

1 Timoti 4:6

Wọ de se yono imoni na imu nana, wẹ kẹ omamọ rẹ ogbeodiho ri Kristi Jesu, ra vwẹ ota rẹ esegbuyota na kugbe omamọ rẹ nyono na ghẹre kọye wo ji nene na.