1 Samuẹl 9:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹkẹvuọvo ọ da ta kẹ, Nighe, ohwo rẹ Ọghẹnẹ ọvo hẹ evun rẹ orere na, ọ da dia ohwo re mu ọghọ kẹ; obo rọ tare ejobi sẹ. Jẹn e kpo etiyin; ọkeọvo ọ sa ta kẹ avwanre obo ma vwi fiki rọye yan.

1 Samuẹl 9:6 Referans Kwoze

Urhi Rivẹ 33:1

Ọnana ẹrhovwo ri Mosis rẹ ohwo rẹ Ọghẹnẹ nẹ kẹ emọ rẹ Izrẹl tavwe ro ki ghwu.

1 Ivie 13:1

Nighere, ohwo rọ Ọghẹnẹ de nẹ Juda rhe ọ vẹ ota rẹ Ọrovwohwo rọ cha ta kẹ Bẹtẹl. Yi Jeroboam mudia vwẹ asan agbada ra da torhẹ insẹns.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

1 Tẹsalonaika 5:13

Ovwan mu ayen kpenu, we tete ayen vwẹ evun rẹ ẹguọnọ vwi fiki rẹ iruo rayen. Ovwan yeri kugbe wurhie wurhie vwẹ ohri rẹ ovwan.

1 Tẹsalonaika 2:10

Ovwan hẹ iseri, Ọghẹnẹ je hẹ iseri rhe, obo rẹ avwanre fon te, dia ovwata te, ri jẹ abe ẹriọ te vwẹ uruemu rẹ avwanre kẹ ovwan otu ri segbuyota;

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Ivie rẹ Ivẹ 6:6

Etiyin ohwo rẹ Ọghẹnẹ na da ta, Tivọ o she phihọ? E vwo djẹ asan na kẹ nu, ọ da nyavwe umurhe o de do phihọ asan na, ushurhe na de phorhi rhe.

1 Samuẹl 2:27

Ohwo rẹ Ọghẹnẹ de bru Eli rhe, ọ da ta kẹ, Ẹnẹ Ọrovwohwo na tare, Me vwẹ oma mẹ phia kẹ uwevwi rẹ ọsẹ wẹn vwẹ ọke rẹ ayen vwọ hẹ Ijipt vwẹ otọ rẹ uwevwi ri Fero.

Jẹnẹsis 24:42

Nonẹ na ki mi rhi te ogbugbu na, Me da ta, Ọrovwohwo, Ọghẹnẹ rẹ onini mẹ Ebraham, vwẹ enẹ na aruesiri wẹn de se nene uvwe vwẹ idjerhe re Me ra na,

1 Samuẹl 9:8

Odibo na da rhoma kpahe kẹ Sọl, Mi vwo ẹkẹ ẹne ri shẹkẹl rẹ idọnọ vwẹ etinẹ, ke me vwọ kẹ ohwo rẹ Ọghẹnẹ na, ro dje idjerhe kẹ avwanre.

2 Samuẹl 15:27

Ovie da ta kẹ Zadọk rẹ orherẹn, Nighere, hirhe kpo obo orere vwẹ ufuoma, wẹ kugbe Abiata, vẹ emọ wẹn ivẹ na Ahimaaz rẹ ọmọ wẹn, kugbe Jonatan rẹ ọmọ rẹ Abiata.

Ivie rẹ Ivẹ 5:8

Ẹkẹvuọvo ọke rẹ Ilaesha rẹ ohwo rẹ Ọghẹnẹ vwo nyo nẹ ovie rẹ Izrẹl bẹrẹ emwa rọye, ọ da vuẹ rhẹ ovie na tanẹ, Die wọ vwọ bẹrẹ emwa wẹn? Jo bru vwe rhe asakiephana, rere ọ vwọ riẹn nẹ ọmraro ghinẹ hẹ Izrẹl.

Une rẹ Ejiro 25:12

Ono he ohwo rọ dje oshọ rẹ Ọrovwohwo? ọye ọ che yono phihọ idjerhe rọye rọ jẹreyọ.