1 Samuẹl 7:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin Samuẹl da ta, Se Izrẹl ejobi koko vwi Mizpah, re me nẹ ẹrhovwo kẹ Ọrovwohwo vwọ kẹ ovwan.

1 Samuẹl 7:5 Referans Kwoze

Iguẹdjọ 20:1

Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.

Joẹl 2:16

Se ihwo na koko Phorho ukoko na oma; ghwẹ ekpako na koko koko imitete na, te emeboba ri viẹ evie. Jẹn ọshare rẹ ọpha vrẹn nẹ uvun rọye rhe, rẹ ọpha na nẹ esirọgbo rọye rhe.

Nehemaya 9:1

Asakiephana vwẹ ẹdẹ uje gbẹ ẹne rẹ emeranvwe na ihwo re Izrẹl ejobi da rhe ghwẹ koko vẹ owẹvwe echiro vẹ emwa rẹ uvweri, vẹ ekpẹn ra ghwẹ kuhọ iyovwi rayen.

Ivie rẹ Ivẹ 25:23

Asakiephana ilotu rẹ ofovwi vẹ ihwo rayen vwo nyo nẹ ovie ri Babilọn vwi Gedalaya ma osun ayen vẹ ihwo rayen de bru Gedalaya rhe Mizipa, Ishmẹl ọmọ ri Netanaya, Johanan ọmọ ri Karia, kugbe Seraya ọmọ ri Tanhumet, ohwo ri Netorat, vi Jazanaya ọmọ rẹ Maakat.

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

1 Samuẹl 10:17

Asakiephana Samuẹl de se ihwo na koko bru Ọrovwohwo vwi Mizpah;

1 Samuẹl 7:16

Kọ yan riariẹ kukpe kukpe nẹ Bẹtẹl, kpo Gilgal, nẹ Gilgal kpo Mizpah; asan nana kọye o de gu ẹdjọ rẹ Izrẹl.

1 Samuẹl 7:12

Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.

Joshua 15:38

Dilean, Mizpeh, Jokteel,

Jẹnẹsis 20:7

Gba vwẹ aye rẹ ohwo na vwọ kẹ; fikiridie ọmraro o ruẹ, kọ nẹ ẹrhovwo kẹ wẹ, kọye wọ rhọre. Ẹkẹvuọvo wọ rha vwọ kẹ-ẹ, gba riẹn tanẹ ughwu kọye wo ghwu, wẹ kugbe ekru wẹn ejobi.

Jẹnẹsis 31:49

Osusu na ki Mizpah, kidie ọ tare nẹ, Ọrovwohwo rhẹrẹ owẹ vẹ ovwẹ, ọke rẹ avwanre da hẹriẹ oma nẹ ohwohwo.

Iguẹdjọ 10:17

Etiyin ihwo rẹ Ammọn de se otu ofovwi rọye koko, ayen de re mu erhọn phihọ Giliad; ihwo rẹ Izrẹl na de soma koko, ayen de mu erhọn phihọ Mizpah.

1 Samuẹl 7:4

Etiyin Izrẹl de siobọ nẹ Baal kugbe Ashera na, ayen da ga Ọrovwohwo ọvo.

1 Samuẹl 8:6

Ẹkẹvuọvo ota na je Samuelu-u rẹ ayen vwọ ta, Kẹ avwanre ovie ro sun avwanre. Samuẹl da nẹ ẹrhovwo kẹ Ọrovwohwo.

1 Samuẹl 12:17

Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

Jerimaya 40:6

Etiyin Jermiaya da yan bru Gedalaya ọmọ rẹ Ahikam, vwẹ Mizpa, o de nene dia vwẹ uherevie rẹ ihwo ri cheko vwẹ otọ na.

Joshua 18:26

Mizpeh, Kefira, Moza.

Hosia 5:1

Nyo ọnana, E irherẹn! wa kerhọn, E uwevwi rẹ Izrẹl! Wa kerhọn, E uwevwi rẹ ivie na! Kidie ẹdjeguo na bru uwe rhe; kidie wọ vwẹ oma ru ufi vwi Mizpa, vẹ ariri ra riẹn phihọ enu ri Tabọ.