1 Samuẹl 5:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹkẹvuọvo rẹ ayen vwọ rhọvwo rhe vwẹ irhiọke rivẹ, nighe, Dagọn rhoma she bọvwọ opharo rhuotọ vwẹ obaro rẹ ekpeti rẹ Ọrovwohwo na, te uyovwi ri Dagọn te abọ rọye ivivẹ da kpare she phihọ asan anurhoro ugboma ri Dagọn ọvo kọye chekọ kẹ.

1 Samuẹl 5:4 Referans Kwoze

Maika 1:7

Ema rọye ejobi ke che hwe ayen vworovworo, otu ro durhieri ejobi ka vwẹ erhanre torhẹ ayen, ẹdjọ rọ kare ejobi ka guọghọ ayen kufia, kidie igho rẹ igberadja rọ mrẹre ọye ọ vwọ dẹ ayen, obọ rẹ igberadja ayen ji che rhivwi ra.

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Jerimaya 10:11

Enẹ wọ ta kẹ ayen eghẹnẹ re ma idjuvwu kugbe akpọ na-a cha ghwọrọ nẹ akpọ kugbe otọi rẹ obo odjuvwu na.

Daniẹl 11:8

Ọ je cha ghwẹ ẹdjọ rayen kpo Ijipt kugbe ema re duvwuru vẹ ekuakua rẹ idọnọ efuanfọn vẹ oro rọ ghare, vwẹ ikpe evo o rhe che nene ovie rẹ obọhwẹre ọnre na họnre-e.

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

1 Samuẹl 6:5

Ku wọ ma oma rẹ irubẹ wẹn kugbe oma re ighresi wẹn ri kpokpo otọ na, re wa vwẹ urinrin kẹ Ọghẹnẹ rẹ Izrẹl; ọkeọvo ko siobọ nu ovwan vẹ edjọ rẹ ovwan kugbe otọ rẹ ovwan.

Aizaya 40:20

Ohwo rọ dia ogbere ko jẹ izobo ke oma rọye, urhe ro je gbo, ọ me guọnọ omamọ rẹ ọwena rọ nabọ kare oma ro jẹ yan.

Jerimaya 10:14

Kohwo kohwo ejobi pha djidji gheghẹ, oma cha vo iduvwiro ejobi fiki rẹ edjọ rayen. Kidie ema rọye na ejobi efian, ẹnwẹn hẹ evun raye-en.

Jerimaya 10:15

Ayen fiemu-u iruo rẹ ophiẹvwe, ọke re ehwe rayen kẹ ayen cha ghwọrọ.