1 Samuẹl 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọke rẹ otuofovwi na rhi vwo te asan erhọn na, ekpakọ rẹ Izrẹl na da ta, Die sorọ rẹ Ọrovwohwo vwọ nẹrhẹ avwanre djẹ kẹ ihwo ri Filistia nonẹ na? E jẹn avwanre re mu ekpeti rẹ ọphọ rẹ Ọrovwohwo na nẹ obo Shiloh rhe etinẹ, rere ọ rhe ohri rẹ avwanre ro sivwi avwanre nẹ obọ rẹ ogangan rẹ ivwighrẹ.

1 Samuẹl 4:3 Referans Kwoze

Ọbe ri Jud 1:5

Asakiephana Me guọnọ karohọ ovwan, dede na a nabọ yono ovwan vẹrhe, nẹ ohwo ro sivwi ihwo nẹ otọ rẹ Ijipt rhe, ukuko rọye ọ da rhoma ghwọrọ ayen otu ri je segbuyota.

1 Pita 3:21

Ame ẹreyọ na, rẹ ọ vẹ ọnana shephihọ na, o sivwẹ ovwan vwẹ asakiephana, o dia inuhu rẹ ugboma a hworhẹ fia-a ẹkẹvuọvo ọye ota rẹ evun ọfuanfon kẹ Ọghẹnẹ, vwẹ oma rẹ evrenushi ri Jesu Kristi,

Hibru 9:4

ro vwo agbada rẹ oro rẹ ugb oduma kugbe ekpeti rẹ ọphọ na ra vwẹ oro phare riariẹ, ọtoto rẹ oro ri mana epha da hẹ evun rọye, kugbe ọkpọ rẹ Ẹrọn ro mọ idodo, kugbe imẹjẹ rẹ ọphọ na.

2 Timoti 3:5

ri muẹ ofian rẹ ẹga haroma ẹkẹvuọvo yẹ ayen sian ogangan rọ herọ. Kẹnoma kẹ ihwo ọtiọye na.

Jerimaya 7:4

Wo se eta rẹ ephiẹvwẹ nana gbuyota-a: Ọnana uwevwi rẹ Ọrovwohwo, uwevwi rẹ Ọrovwohwo na, uwevwi rẹ Ọrovwohwo na.

Jerimaya 3:16

Rẹ ovwan de rhi bu phihọ vwẹ otọ na re, vwẹ ẹdẹ yena eriyin Ọrovwohwo tare, ayen gbe cha ta ota na ọfa kpahe, Ekpeti rẹ ọphọ rẹ Ọrovwohwo na-a. Ayen gbi che roro-o, ayen gbe je karo phihọ-ọ, o gbi ji ghwru-u, a gbe je rhuẹrẹ ru ọfa-a.

Aizaya 58:3

Die avwanre vwo chirẹ owẹvwe, yu wọ gbe mrẹ-ẹ? Die avwanre vwọ vwẹ oma re avwanre kpotọ, yo wọ gbe rha riẹ-ẹn? Nighere, ẹdẹ wo de chire owẹvwe na yẹ avwerhe rẹ obọ wẹn wọ guọnọ, wo mie shenyẹ iruiruo wẹn.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Une rẹ Ejiro 74:11

Die wọ vwọ da obọ wẹn ji, die wo vwo phi obọrhe wẹn phihọ agada?

Une rẹ Ejiro 74:1

E Ọghẹnẹ, die wọ vwọ djẹ avwanre kufia bẹdẹ? Die ophu wẹn vwọ teye igodẹ re egbri wẹn?

1 Ikun rẹ Ivie 17:1

Asakiephana ri Devid vwọ dia uwevwi rọye re, Devid da ta kẹ Natan rẹ ọmraro, Nighere, me dia uwevwi ri igẹdu, ẹkẹvuọvo ekpeti rẹ ọphọ rẹ Ọrovwohwo na hẹ otọ rẹ utughẹ.

2 Samuẹl 15:25

Etiyin ovie da ta kẹ Zadọk, Mu ekpeti rẹ Ọghẹnẹ na hirhe kpo obo orere. Ọ da dianẹ me mrẹ ẹroesiri vwẹ obaro rẹ Ọrovwohwo, kọ vwo vwẹ hirhe rhe, me je mrẹ kugbe asan rọ dia;

1 Samuẹl 14:18

Sọl da ta kẹ Ahijah, Mu ekpeti rẹ Ọghẹnẹ na rhe. Kidie ekpeti rẹ Ọghẹnẹ na nene ihwo rẹ Izrẹl ra vwẹ ọke yena.

Joshua 7:7

Joshua da ta, Eghwo, E Ọrovwohwo Ọghẹnẹ, die wọ vwọ tobọ reyọ ihwo nana rhe ovrẹn ri Jọdan na vwo, wo rhi vwo phi avwanre phihọ obọ rẹ ihwo rẹ Amọr, re e rhe guọghọ avwanre? Yẹ manẹ ofori rere avwanre daji abọ oboyi ri Jọdan vwo!

Joshua 4:7

Ku wọ ta kẹ ayen nẹ ame ri Jọdan ghare ibro ivẹ vwẹ obaro rẹ ekpeti rẹ ọphọ rẹ Ọrovwohwo na; ọke rọ vwọ wan Jọdan vrẹn, ame ri Jọdan da ghare ibro ivẹ. Ọtiọye na ibieragha nana ke cha dia kẹ ihwo rẹ Izrẹl ẹkarophihọ bẹdẹ.

Urhi Rivẹ 31:26

Reyọ ọbe nana rẹ urhi na, wa vwọ kẹre ekpeti rẹ ọphọ rẹ Ọrovwohwo Ọghẹnẹ rẹ ovwan, rere ọ dia oseri kpahe ovwan vwẹ Etiyin.

Urhi Rivẹ 29:24

uyota, ẹgborho na ejobi ke cha tanẹ, Die nẹrhẹ Ọrovwohwo ru otọ nana ọtiọna? Die ghwa ogidi rẹ ophu rode nana rhe?

Ukeri 31:6

Etiyin Mosis de ji ayen kpo ofovwi, uriori nẹ orua ọvuọvo rhe, vwọ ba Finihas rẹ ọmọ rẹ Ẹlẹazar rẹ orherẹn, vẹ ekuakua rẹ ẹshẹ na kugbe owanre vwẹ obọ ra vwọ kọ udje.

Ukeri 10:35

Kọke kọke rẹ ekpeti na de mu oyan, Mosis me tanẹ, Vrẹn, Ẹ Ọrovwohwo, rere wọ jẹn ivwighrẹ wẹn hrabọ; gbe jẹn ihwo ri tuoma wẹn va djẹ nẹ obaro wẹn.

Ukeri 10:33

Etiyin ayen de mu oyan phihọ nẹ ugbenu rẹ Ọrovwohwo na, oyan rẹ ẹdẹ erha; ekpeti rẹ ọphọ rẹ Ọrovwohwo na, da ka obaro kẹ ayen vwẹ oyan rẹ ẹdẹ erha tavwe, ra guọnọ asan re de rovwoma ke ayen.

Joshua 6:6

Ọtiọye Joshua rẹ ọmọ ri Nọn de se irherẹn na ọ da ta kẹ ayen, Reyọ ekpeti rẹ ọphọ na, gbe jẹn irherẹn ighwrẹn reyọ ewanre rẹ ighoro rẹ egbo ighwrẹn re ka obaro kẹ ekpeti rẹ Ọrovwohwo na.

Joshua 7:8

E Ọrovwohwo, kidie me ta, rẹ ihwo rẹ Izrẹl de chuko ku ivwighrẹ rayen.

1 Samuẹl 1:24

Ọke ro vwo brevie nu, o de muo, ọ da reyọ erhuẹn ọshare rẹ ikpe erha, iputusẹ rẹ ọka ra nọre, kugbe ọgọ rẹ udi; ọ da reyọ rhe uwevwi rẹ Ọrovwohwo vwi Shiloh; yẹ ọmọ na je hẹ omotete.

1 Samuẹl 4:2

Ihwo ri Filistia vẹ Izrẹl da rhe karedje rẹ ofovwi, ọke re vwo mu ofovwi na dje ihwo ri Filistia da djẹ Izrẹl, e de hwe ihwo rẹ ayen oma rẹ uriori ẹne vwẹ obo unuofovwi na.

Aizaya 59:1

Nighe, obọ rẹ Ọrovwohwo krẹnọ-ọ, ro de je se sivwo-o, eyẹ erhọn rọye diri, ro de je ẹme enyo-o,

Aizaya 59:2

ẹkẹvuọvo imwemwu wẹn phi ohẹriẹ phihọ uvwre wẹn vẹ Ọghẹnẹ wẹn, umwemwu wẹn nẹrhẹ o si opharo rọye nu kẹ wẹ fiki rẹ ọtiọye na o gbi nyo-o.