1 Samuẹl 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ E de mu ekpeti rẹ Ọghẹnẹ na; emeshare rẹ Eli ivẹ, Hofni kugbe Finihas, de ghwu.

1 Samuẹl 4:11 Referans Kwoze

1 Samuẹl 2:34

Emu nana rọ cha phia kẹ emọ wẹn ivẹ na, Hofni kugbe Finihas, kọ cha dia oka kẹ wẹ: ayen ivẹ na che ghwu ukpẹdọke.

Une rẹ Ejiro 78:64

A vwe ọlọkọ nyavwe irherẹn rayen hwe, eyauku rayen gbe sa viẹ-ẹ.

Aizaya 3:11

Ekan kẹ oruimwemwu! kọ cha bra kẹ, kidie obo rẹ abọ rọye ruru ke eriyin e ji ru kẹ.

1 Samuẹl 2:32

Ẹro wẹn ko che ni vẹ omaẹvuọ kugbe uvwerhe emu esiri ejobi ri che bru Izrẹl rhe; a gbe cha mrẹ ọmare vwẹ uwevwi wẹn bẹdẹ-ẹ.

1 Samuẹl 2:31

Nighe, ẹdẹ cha, re me cha vwọ nyavwe ogangan wẹn kugbe ogangan rẹ uwevwi ọsẹ wẹn kufia, ọtiọye na a gbe cha mrẹ ọmare vwẹ uwevwi wẹ-ẹn.

1 Samuẹl 4:21

O de se odẹ rẹ ọmọ na Ikabọd; tanẹ, Urinrin na vrẹn nẹ Izrẹl nure! fikiridie e mu ekpeti rẹ Ọghẹnẹ na reyọ nure ji kugbe ọsorọvwe rọye vẹ ọshare rọye ri ghwuru.

Une rẹ Ejiro 78:56

Dede na ayen davwerọ ayen de mu kpahe Ọ rọ Me Kpenu Ọghẹnẹ, ayen gbe vwẹ ẹro te iseri rọye-e,

Jerimaya 7:12

Ke yanran kpo ẹdia mẹ rọ hẹ Shiloh, asan rẹ odẹ mẹ diare vwẹ ẹsosuọ, re wa mrẹ obo mi ruro fiki rẹ orukuruku rẹ ihwo mẹ Izrẹl.

1 Samuẹl 3:12

Vwẹ ẹdẹ yena obo re me ta kpahe Eli vẹ uwevwi rọye ke ruo gba, nẹ ẹtuọhọ re te oba.