1 Samuẹl 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwọ ọtiọye na Eli da ta kẹ Samnel, Yanran, re shevwerhẹ; ọda dianẹ o ji se we, ku wọ ta, Ta, Ọrovwohwo, kidie odibo wẹn nyo. Etiyin Samuẹl da yanran re shevwerhẹ vwẹ asan rọye.

1 Samuẹl 3:9 Referans Kwoze

Ẹyano 20:19

ayen da ta kẹ Mosis, Wẹ ọvo ta kẹ avwanre, avwanre ki nyo; ẹkẹvuọvo wo jẹn Ọghẹnẹ ta kẹ avwanre-e, avwanre de rhe ghwu.

Aizaya 6:8

Mi de nyo urhuru rẹ Ọrovwohwo rọ tanẹ, Ono mi ji, kono re ra kẹ avwanre? Etiyin me da ta, Mẹvwẹ na! Ji vwe

Une rẹ Ejiro 85:8

Ju vwe nyo obo re Ọghẹnẹ Ọrovwohwo na cha ta, kidie ọ cha ta ota re ufuoma kẹ ihwo rọye, kẹ ihwo efuanfon rọye, kugbe ayen otu re vwẹ udu rayen ejobi hirhe bro rhe.

Iruo rẹ Iyinkọn na 9:6

Ẹkẹvuọvo vrẹn re wọ ro orere na, ka ta kẹ owẹ obo ru wo che ru.

Daniẹl 10:19

Etiyin ọ da ta, E ohwo ra nabọ guọnọ wo jẹ oshọ mu we-e, ufuoma vẹ owẹ dia; goma re wo yivwaro. Ọke rọ vwọ ta ota kẹ vwẹ re, mi de rhi vwo ogangan me da ta, Jẹn Ọrovwovwe ta ota, kidie wọ nẹrhẹ ovwẹ vwo ogangan nure.

1 Samuẹl 3:8

Ọrovwohwo da rhoma se Samuẹl obọ rerha. ọ de vrẹn bru Eli, ọ da ta, Mẹvwẹ na, kidie wo se vwe. Etiyin Eli de rhi vughe nẹ Ọrovwohwo ri se ọmọ na.

1 Samuẹl 3:10

Ọrovwohwo da rhe rhi mudia, ro se kerẹ ọke ri jovwo, Samuel! Samuel! Samuẹl de nyo, Ta, kidie odibo wẹn nyo.

Joshua 5:14

Ọ da ta, Ẹjo, ẹkẹvuọvo kerẹ onotu rẹ ofovwi rẹ Ọrovwohwo me vwo rhe na. Joshua de she bọvwọ opharo rọye rhuotọ, ọ da ga, ọ da ta kẹ, Kidie Ọrovwohwo guọnọre nẹ odibo rọye ru?

Une rẹ Ejiro 85:9

Uyota esivwo rọye ọkẹkẹre kẹ ihwo re djẹ oshọ rọye, rere urinrin vwọ dia otọ rẹ avwanre.