1 Samuẹl 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ sẹro rẹ awọ rẹ ihwo esiri, ẹkẹvuọvo ka nyavwe ihwo umwemwu kufia vwẹ ebri, kidie ọ dia ẹgba ohwo cha vwọ rhọ-ọ.

1 Samuẹl 2:9 Referans Kwoze

Une rẹ Ejiro 121:3

O che je owọ wẹn ghwie-e, ohwo rọ sẹro wẹn se go ovwerhẹ-ẹ.

1 Pita 1:5

Ihwo ra vwẹ ogangan rẹ Ọghẹnẹ rhẹrẹ fiki rẹ esegbuyota vwọ kẹ esivwo ra cha vwọ phia vwẹ ẹdẹ rẹ obo oba na.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Une rẹ Ejiro 97:10

Ọrovwohwo guọnọ ihwo ri tuoma re umwemwu; ọ serọ rẹ arhọ re ihwo efuanfon rọye; o sivwi ayen nẹ obọ re ihwo umwemwu.

Une rẹ Ejiro 94:18

Ọke mi de roro, Owọ mẹ kọ ghworiẹ, ẹguọnọ wẹn ro je rhẹriẹ na, E Ọrovwohwo, da yọnrọn ovwẹ mudia.

Une rẹ Ejiro 37:28

Kidie Ọrovwohwo guọnọ ọsoso, ọ cha sa sen ihwo efuanfon rọye na-a ọ sẹro rẹ ọvwata bẹdẹ, ẹkẹvuọvo emọ rẹ oruimwemwu ka nyavwe ayen kufia.

ỌBE RẸ JOB 5:24

Ku wọ cha riẹn nẹ oma fuẹ utughẹ wẹn, wo de rhi ni ogba rẹ igegede wẹn, ọvuọvo che ghwru no-o.

Urhi Rivẹ 33:3

Uyota, ọ guọnọ ihwo rọye; otu re vwo ve kẹ na ejobi e hẹ obọ rọye; eriyin ayen vwo nene ichiyi rọye, vwọ reyọ isuesun nẹ obọ rọye rhe

Isẹ 16:9

Iroro rẹ ohwo ọye ọ vwọ gbẹn idjerhe rọye, ekẹvuọvọ Ọrovwohwo kọye rhe suẹn ichiyi rọye kẹ.

Une rẹ Ejiro 121:8

Ọrovwohwo sa sẹro wẹn ro otafe ro uwevwi nẹ ọke nana yanran rhiri bẹdẹ.

2 Pita 2:17

Enana hẹ ito re kpọ yamu kugbe evwru rẹ ogiribo muẹ; kidie a rhanre okuku hwi na hẹrhẹ ayen.

Matiu 8:12

Ẹkẹvuọvo emọ rẹ uvie na dẹn ka cha djẹ ayen ro otafe, ra ro ebri ri hwin. Kẹ etiyin ayen da viẹ da re ako.

Zẹfanaya 1:15

Ẹdẹ yena ẹdẹ rẹ ophu, ẹdẹ rẹ ọdjorho vẹ ivuemiovwo, ẹdẹ rẹ ẹghwọrọ vẹ ekua fiotọ, ẹdẹ rẹ ebri vẹ okuku hwi, ẹdẹ rẹ egho vẹ ebri gbae.

Aghwoghwo 9:11

Me da rhoma mrẹ vwẹ otọ rẹ ọnre na nẹ onẹdjẹ na dia ọ rẹ otu ri bro okpakpa-a, eyẹrẹ ofovwi na dia ọ rọ ma goma-a, eyẹrẹ ikara na dia ọ rọ ọvwaghwanre-e, eyẹrẹ efe na dia ọ rẹ ohwo ro me vwo ẹruọ-ọ eyẹrẹ ọghọ dia ọ rẹ ohwo ro ruona-a; ẹkẹvuọvo ọke vẹ uphẹ di bru ayen ejobi cha.

Isẹ 3:26

kidie Ọrovwohwo wọ vwẹ ẹro wẹn so o gbi rhe jẹn ufi mu we-e.

Aghwoghwo 5:17

rọ ghwọrọ ẹdẹ rẹ akpọ rọye ejobi vwẹ evun rẹ ebri vẹ ọdjorho, vwẹ evun rẹ ivuemiovwo rode kugbe emiavwe vẹ ophu?

Isẹ 2:8

O muẹdia kẹ idjerhe rẹ uyota ọye re je sẹro rẹ idjerhe rẹ ihwo efuanfon rọye.

Une rẹ Ejiro 121:5

Ọrovwohwo na ọsẹro wẹn, Ọrovwohwo na ophie wẹn; vwẹ obọrhe wẹn.

Ọbe ri Jud 1:13

omimi rẹ abadi rọ họnra, ro gbe iphughe puọpuọ kẹ omaẹvuọ rayen; isio ro beghe ra vwọ hẹrhẹ ebri hwi bẹdẹ.

Ọbe ri Jud 1:3

Imoni re ghare, rẹ urhuru vwo si vwe vwo siẹ ọbe nana rhe ovwan kpahe esivwo rẹ avwanre ọvuọvo na, emu ọvo da gba phihọ ovwẹ udu ni mi si rhe ovwan vwo bru ovwan uche, rere ovwan vwọ họnre chochọ rẹ esegbuyota ra vwọ kẹ ihwo efuanfon na.

Ọbe ri Jud 1:1

Jud, odibo ri Jesu Kristi, kugbe oniọvo ri Jems ri si ọbe nana rhe ayen otu re seri, re ghare vwẹ obọ Ọghẹnẹ Ọsẹ na ra sẹro hẹrhẹ Jesu Kristi:

Ọbe ri Pọl si rhe Ihwo ri Rom 3:19

Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

ỌBE RẸ JOB 5:16

Ọtiọye ogbere ko vwo iphiẹrohọ, oshenyẹ ko rhurhu unu rọye.

Ukeri 6:24

Ọrovwohwo bruphihọ kẹ ovwan rọ sẹro rẹ ovwan.

Une rẹ Ejiro 31:17

Wọ jẹn oma vo vwẹ-ẹ, E Ọrovwohwo, kidie mi kperẹ se we; jẹn oma vo oruimwemwu, jẹn ayen diunu ghwu kpo Erivwi.

Aizaya 27:3

Mẹvwẹ rẹ Ọrovwohwo, ọye vwẹ ẹro te, kọke kọke mi vwo ku ame kuo. O dia ọtiọye-e ohwo de rhe miovwo Me rhẹrẹ te ason te uvo,

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

ỌBE RẸ JOB 18:18

A djẹrẹ nẹ urhukpẹ ra ro ebri, a djẹrẹ nẹ akpọ na.

ỌBE RẸ JOB 40:13

Si ayen ejobi nu vwẹ evun rẹ iwurhie; bọvwọ epharo rayen rhuotọ.

Une rẹ Ejiro 1:6

Kidie Ọrovwohwo riẹn idjerhe rẹ ọvwata ẹkẹvuọvo idjerhe rẹ oruimwemwu che gbe.

Une rẹ Ejiro 105:37

Etiyin o de sun Izrẹl kpo vẹ idọnọ kugbe oro, o gbi vwo ọvuọvo vwẹ ohri rẹ orua rọye na rọ yenghrẹnre-e.

Une rẹ Ejiro 145:20

Ọrovwohwo sẹro rayen otu re guọnerọ ejobi; ẹkẹvuọvo ihwo umwemwu ejobi ka ghwọrọ ayen.

Aizaya 47:5

Tidia fo gbiẹi, yanran kpo evun re ebri, E ọmọtẹ ri Kaldia, kidie e gbi che se we ọfa nẹ oni rẹ uvie

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.