1 Samuẹl 2:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọ da ta kẹ ayen, Die sọrọ we vwo ruẹ emu ọtiọna? Kidie ihwo na ejobi re gbe ikun rẹ uvumwemwu rẹ ovwan.

1 Samuẹl 2:23 Referans Kwoze

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Iruo rẹ Iyinkọn na 9:4

O de she teye otọ o de nyo urhuru ọvo rọ ta kẹ, Sọl, Sọl, die sorọ wo vwo mu uvwe?

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Aizaya 3:9

Ẹbẹbẹrọvo rẹ ayen nẹ na ko se oseri hwe ayen; ayen ghwoghwo umwemwu rayen kerẹ Sodọm, ayen sionẹ-ẹ. Ekan kẹ ayen! Fikiridie ayen ọvo so okpetu nana kẹ oma rayen.

1 Ivie 1:6

Ọsẹ rọye ji ruo bra dẹvo-o ro da nọ nẹ, Die wo vwo ruẹ enẹ vẹ enẹ? Je vwẹ ohwo vẹ erhuvwu gangan; e vwiẹrẹ kpahe Absalọm.

1 Samuẹl 2:22

Asakiephana Eli ghworo gangan, o de nyo obo rẹ emọ rọye ruẹ vwẹ Izrẹl ejobi, obo rẹ ayen vẹ eya ri gbe odibo vwẹ anurhoro rẹ utughẹ ra da vwa oma na shẹvwerhẹ.

1 Samuẹl 2:24

Ẹjo, emọ mẹ; ọdiẹ omamọ rẹ ikun mi nyo na-a ọ rẹ ihwo rẹ Ọrovwohwo gbe wan asan ejobi na.