1 Samuẹl 16:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Samuẹl de ru kirobo rẹ Ọrovwohwo ji urhi kẹ, ọ da rhe Bẹtlẹhẹm. Ekpako rẹ orere na da rhe vwa yẹ ayen phariẹ, ayen da ta, Arherha wọ vwọ rhe?

1 Samuẹl 16:4 Referans Kwoze

1 Ivie 2:13

Etiyin Adonija ọmọ ri Haggit de bru Batsheha rẹ oni ri Solomọn rhe, ọ da ta, Ufuoma wọ vwọ rhe? ọ da kpahe, Ufuoma.

Iyẹnrẹ Esiri ri Luk 5:8

Ẹkẹvuọvo ri Saimọn Pita vwọ mrẹ, o de she diguẹ vwẹ obaro ri Jesu, tanẹ, Bi nẹ uvwe oma, kidie mẹvwẹ oruimwemwu, E, Ọrovwohwo.

Ivie rẹ Ivẹ 9:22

Ọke ri Joram vwọ mrẹ Jehu, ọ da ta, Arherha, Jehu? Ọ da kpahe, Ufuoma ridie re sa dia re igberadja vẹ erhan rẹ Jezibẹl rẹ oni wẹn de buẹn phihọ?

1 Samuẹl 21:1

Etiyin Devid de bru Ahimẹlẹk rẹ orherẹn na rhe, vwi Nob; Ahimẹlẹk da rhe vwa Devid yọ phariẹ, ọ da ta kẹ, Wẹ ọvo rhere, ohwo ọvuọvo rhe nene we-e

1 Ivie 17:18

ọ da ta kẹ Ilaija, Die wọ mrẹ kpahe ovwẹ, E ohwo rẹ ọfuanfon na? Wọ rhere re a vwọ karophihọ umwemwu mẹ, re e si ughwu hwe ọmọ mẹ.

Iyẹnrẹ Esiri ri Luk 8:37

Ihwo rẹ orho ri Gẹrasin ejobi da ta kẹ nẹ o bi nẹ ayen oma; kidie oshọ rode mu ayen; Etiyin ọ da ro okọ o de rhivwi.

Iyẹnrẹ Esiri ri Luk 2:4

Josẹf de nẹ Nazaret ri Galili rhe, kpo Bẹtlẹhẹm, orere ri Devid, rọ hẹ obi Judia, fikiridie ekpuyovwi rọye ohwo rẹ uwevwi kugbe orua ri Devid,

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Hosia 6:5

Fiki rẹ ọtiọye me vwọ vwẹ emraro na she ayen me da vwẹ eta rẹ unu mẹ hwe ayen, orhiẹbro mẹ da phia kerẹ uvo.

2 Samuẹl 6:9

Oshọ rẹ Ọrovwohwo de rhi mu Devid vwẹ ẹdẹ yena, ọ da ta, Mavọ ekpeti rẹ Ọrovwohwo na se vwo bru vwe rhe?

Jẹnẹsis 48:7

Kidie ọke mi vwo nẹ Padan cha, Rachel da va vwẹ abọ ghwu vwẹ otọ ri Kenan vwẹ idjerhe, yẹ asan na vẹ Ephrat ji oshesheri, mi de sho vwẹ idjerhe rẹ Ephrat (kọye Bẹtlẹhẹm).

Jẹnẹsis 35:19

Etiyin Rachel de ghwu, e de sho vwẹ idjerhe rẹ Efrat (kọye Bẹtlẹhẹm),