1 Samuẹl 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Elkanah, rẹ ọshare rọye, da ta kẹ, Hanah, die wọ vwọ viẹ? Die wo vwo jẹ emu ẹriọ? Die nẹrhẹ udu wẹn muoma phihọ? Me rho nọ emọ ihwe kẹ wẹ-ẹ?

1 Samuẹl 1:8 Referans Kwoze

Rutu 4:15

Kọ cha dia ohwo rọ rhọvwọ arhọ wẹn kugbe ohwo ro ni we ghwo; fiki rẹ aye rẹ ọmọ wẹ rọ guọnọ owẹ, rọ ghare kẹ wẹ nọ emeshare ighwrẹ, re vwiẹ kẹ.

Aizaya 54:6

Kidie Ọrovwohwo se we nure kerẹ aye ra senre rẹ ivun miovwẹ vwẹ obo erhi, kerẹ aye rẹ ọke-emọ ra djẹ kufia, eriyin Ọghẹnẹ wẹn tare.

ỌBE RẸ JOB 6:14

Ohwo rọ vwọrọn ugbeyan ahare, yọ siẹn oshẹdjẹ rẹ Ọrovwoẹgba.

1 Tẹsalonaika 5:14

Imoni, avwanre bru ovwan uche, we bru ihwo ri gbe ufeti uche, yono otu rẹ oma rhọ, cha otu rẹ evwiẹre uko, chirako rẹ ayen ejobi.

Iyẹnrẹ Esiri ri Jọn 20:15

Jesu da ta kẹ, Aye, die wọ vwọ viẹ? Ono wọ guọnọ? Rọ vwọ reyọ roro ohwo ro vwo ogba na, ọ da ta kẹ, Ọga, ọ da dia owẹ ri muro reyọ ta kẹ vwẹ asan wo muro phihọ, rere mi re muo reyọ.

Iyẹnrẹ Esiri ri Jọn 20:13

Ayen da ta kẹ, Aye, die wọ vwọ viẹ? Ọ da ta kẹ ayen, Fikiridie ayen mu Ọrovwovwe reyọ, ye me riẹn asan rẹ ayen muro phihọ-ọ.

Une rẹ Ejiro 43:4

Etiyin ki mi kpo agbada rẹ Ọghẹnẹ, vwo bru Ọghẹnẹ rẹ aghọghọ mẹ rode na, ke me vwẹ isorogun vwo jiri uwe, E Ọghẹnẹ, Ọghẹnẹ mẹ.

Aizaya 54:1

So ine, E ẹga, ro ji vwiẹ-ẹ, va so ine ru wo kperi phia, ovwan re je chuẹ uvwiẹ dẹvo-o! Kidie emọ re ẹga che bunọ emọ rẹ aye ro kpo orọvwe, eriyin Ọrovwohwo tare.

Ivie rẹ Ivẹ 8:12

Hazẹl da ta, Die ọrovwovwe vwọ viẹ? Ọ da kpahe, Fikiridie me riẹn umiovwo ru wo che ru kẹ ihwo rẹ Izrẹl; wo che phi erhanre phihọ ohẹrhẹ rayen, wo cha vwẹ ọlọkọ hwe ighele rẹ emeshare rayen, wọ cha vwẹ emọ boba rayen fotọ hwe, wọ cha va eya vẹ evun rayen.

1 Samuẹl 1:7

Ọtiọye kọye o ruẹ kukpe kukpe; kọke kokẹ ro kpo uwevwi rẹ Ọrovwohwo na kẹ ọtiọye ọ kparọ ophu. Ọtiọye na Hanah kọ viẹ ọ gbe rhọvwa rie emu-u.