1 Samuẹl 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ivun miovwiro hwe kọ nẹ ẹrhovwo kẹ Ọrovwohwo, jọ viẹ pata pata.

1 Samuẹl 1:10 Referans Kwoze

ỌBE RẸ JOB 7:11

Ọtiọye na mi gbi rhurhu unu mẹ-ẹ; odjadja rọ hẹ erhi mẹ me vwọ ta ota na; vwẹ evun rẹ ọdavwẹ rẹ ẹnwẹ mẹ mi de gu iguegu mẹ.

Iyẹnrẹ Esiri ri Luk 22:44

Rọ vwọ hẹ evun rẹ uvwerhe na ọ da nẹ ẹrhovwo gangan; ọdja de rhi fio oma ku kporo kporo kerẹ ọbara ro suẹn te otọ prapra.

ỌBE RẸ JOB 10:1

Arhọ mẹ nu vwe ọhọ; ki mi gu obo re me mrẹre phia, ke me ta ota vwẹ evun rẹ ophu ro mu vwe djọghọ-djọghọ na.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Aizaya 54:6

Kidie Ọrovwohwo se we nure kerẹ aye ra senre rẹ ivun miovwẹ vwẹ obo erhi, kerẹ aye rẹ ọke-emọ ra djẹ kufia, eriyin Ọghẹnẹ wẹn tare.

Iguẹdjọ 21:2

Etiyin ihwo na da rhe obi Bẹtẹl, ayen de tidia oboyi vwẹ obaro rẹ Ọghẹnẹ re te ọke rẹ ovwọnvwọn, ayen de kuenu rẹ oviẹ.

Uvwerhe 3:15

Obo re yara ọye ọ vwọ vọn evun mẹ, Ọ da vwẹ akoro vwọ vọn vwẹ evun.

Jerimaya 22:10

Wọ viẹ ọ ro ghwuru na-a, wo ji vwerhe-e, ẹkẹvuọvo viẹ kẹ ọ rọ yanran na gangan kidie o gbi rhivwi rhe ọfa-a rhe mrẹ orere rọye-e.

Aizaya 38:15

Ẹkẹvuọvo kidie me ta? Kidie ota ọ ta kẹ vwẹ, ekpuyovwi rọye ọvo ji ruo. Ovwerhẹ mẹ ejobi rhanre fiki rẹ ivuemiovwo rẹ erhi mẹ.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

ỌBE RẸ JOB 9:18

O ju vwe kuenwe me-e, ẹkẹvuọvo ọ da vwẹ ivuemiovwo vwọ vọn vwẹ evun.

Ivie rẹ Ivẹ 20:3

Karohọ asakiephana, E Ọrovwohwo, me rẹ wẹ, obo ri mi vwẹ segbuyota vẹ udu mẹ ejobi vwọ yan kpahe owẹ, mi de ru obo ri shehọ vwẹ obaro wẹn. Hẹzikaya da viẹ gangan.

Rutu 1:20

Ọ da ta kẹ ayen, E se vwe Naomi-i, se vwe Mara: kidie Ọrovwoẹgba na ru obo re yara kẹ vwẹ

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

2 Samuẹl 13:36

Ri Jonadab ghwe vwo fun ota nu na, nighe, emọ rẹ ovie da rhe, ayen da kpare urhuru ayen da viẹ, te ovie vẹ idibo rọye da viẹ gangan.

Jẹnẹsis 50:10

Rẹ ayen rhi vwo te uwevwi rẹ ewunye rẹ Atad, rọ abọ oboyi ri Jọdan, Etiyin ayen da viẹ oviẹ rode, oviẹ rẹ uvwerhe, o de muomahọ urhughwrẹ soso vwọ ke ọsẹ rọye.

2 Samuẹl 17:8

Hushai da je kpahọ, Wọ riẹnre nẹ ọsẹ wẹn vẹ ihwo rọye na egba, gangan, yẹ ivun dja ayen kerẹ okpohrokpo re mie ọmọ; ọ rọ vwọ kpahọ, ọsẹ wẹn ọwena rẹ ofovwi gangan; ọ vẹ ihwo na che wo phihọ asan ọvo vwẹ ason na-a.

1 Samuẹl 1:9

Rẹ ayen vwọ re nu da nu vwi Shiloh, Hanah de vrẹn. Asakiephana Eli rẹ orherẹn na tidia vwẹ agbara rọ hẹ oma rẹ uchivwo rẹ anurhoro rẹ uwevwi rẹ Ọrovwohwo na.

1 Samuẹl 1:11

Etiyin o de ve ive ọ da ta, E Ọrovwohwo rẹ otuofovwi, wo de ghine ni oma ẹlaghọ rẹ odibo wẹn rẹ wọ da karohọ ovwẹ odibo wẹn rẹ ọmọtẹ rha chọrọ owẹ ẹro-o, ẹkẹvuọvo wọ da kẹ odibo wẹn rẹ ọmọtẹ ọmọ, ke me vwọ kẹ Ọrovwohwo vwẹ ẹdẹ rẹ akpọ rọye ejobi, anre rhe te uyovwi rọye-e.

Isẹ 14:10

Udu rẹ ohwo ọvo re riẹn ọdjarhe rọ hẹ evun rọye, eriyin na ohwo ọfa je sa riẹn aghọghọ rọ evun rọye-e.

Jẹnẹsis 30:1

Ọke ri Rachel vwọ mrẹ nẹ ọye rhe vwiẹ-ẹ, kọ rioma kpahe oniọvo rọye; ọ da ta ki Jekọp nẹ, Kẹ vwẹ ọmọ, ọ rha dia ọtiọye ki mi ghwu;