1 Jọn 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọ rọ herọ notọrhe, rẹ avwanre nyori na, rẹ avwanre vwẹ ẹro mrẹ na, rẹ avwanre vugheri rẹ obọ rẹ avwanre mu yọnre na, vwọ kpahe ota rẹ arhọ na–

1 Jọn 1:1 Referans Kwoze

Iyẹnrẹ Esiri ri Jọn 20:27

Etiyin ọ da ta kẹ Tọmọs. Vwẹ urhiabọ wẹn te etinẹ, re wọ mrẹ abọ mẹ; gba riẹn obọ wẹn rhe, re wo vwo te ẹfẹn mẹ; wo jẹ esegbuyota evwo-o, ẹkẹvuọvo segbuyota.

Iruo rẹ Iyinkọn na 4:20

Kidie obo rẹ avwanre mrẹre kugbe ọ rẹ nyori na o vwo ọke re vwọ jẹ ayen ẹta-a.

1 Jọn 4:14

Avwanre mrẹrẹ avwanre je hẹ iseri nẹ Ọsẹ na ji Ọmọ na rhe nẹ ọ rhe dia Osivwi rẹ akpọ na.

Iyẹnrẹ Esiri ri Jọn 5:26

Kidie kirobo rẹ Ọsẹ na vwo arhọ vwẹ oma rọye, ọtiọye ọ je vwẹ arhọ na kẹ oma rọye rhe,

Iyẹnrẹ Esiri ri Luk 24:39

Ni abọ mẹ vẹ awọ mẹ, mẹvwẹ wa mrẹ na; yọnrọn ovwẹ, re wọ mrẹ; kidie erhi vwo uvwo vẹ ibeku kirobo wa mrẹ vwẹ ri mi vwori na.

Iyẹnrẹ Esiri ri Jọn 8:58

Jesu da ta kẹ ayen, Uyota, uyota, me ta kẹ owẹ, Tavwe rẹ Ebraham ke herọ, ye me herọ nure.

Ẹvwọphia 1:8

Mẹvwẹ hẹ Ẹsosuọ na kugbe Oba na, eriyin Ọrovwohwo Ọghẹnẹ na tare, ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, Ọrovwoẹgba na.

Iyẹnrẹ Esiri ri Jọn 19:35

Ọ rọ mrẹrẹ na ri se iseri–iseri rọye uyota–rere ovwan vwo se segbuyota.

Iruo rẹ Iyinkọn na 1:3

O da vwẹ oma rọye phia kẹ ayen kere ẹdẹ ujuvẹ, o de dje kẹ ayen emu buebu rọ reoja kẹ rere ovwo se mu ayen ẹro, ode yono ayen emu buebu kpahe uvie rẹ Ọghẹnẹ.

Ẹvwọphia 19:13

O de ku ewun re duvwu phihọ ọbara phihọ, odẹ re mu se kọye hẹ Ota rẹ Ọghẹnẹ na.

Ẹvwọphia 2:8

Kẹ enẹ o si rhe amakashe rẹ ishọshi ri Simana. Eta rẹ ohwo rẹsosuọ kugbe ọ rọ ka oba, ohwo ro ghwuru rọ da rhoma varhe.

Iyẹnrẹ Esiri ri Luk 1:2

kirobo ra vwẹ ayen yono avwanre notọrhe, vwẹ unu rẹ ihwo re dia iseri rẹ ota na,

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Ẹvwọphia 1:11

rọ tanẹ, Si obo ru wọ mrẹre na phihọ ọbe re wo vwo rhe ishọshi ighwrẹ na, vwo rhe Ẹfesọs kugbe Simana kugbe Pẹgamọm vwo rhe Taetira vwo rhe Sadis vwo rhe Filadẹlfia vwo rhe Laodisia.

Aizaya 41:4

Kono vwẹ ona vwo ru ọnana, ro se orua na nẹ ẹtuọho rhe? Mẹvwẹ, Ọrovwohwo na, ọye ẹsosuọ, kugbe ọ rọ ka oba, Mẹvwẹ ọye.

1 Jọn 5:7

Erhi na ri se oseri, fikiridie Erhi na hẹ uyota na.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.