Tito 3:9 - Bible in Tzeltal de Oxchuc y Tenejapa

⁹ Ijq'uitaya jilel ta bay jontol sjaq'uel c'opetic, soc te sc'oplal te antiguo me'il-tatiletique, soc ta bay jowil tsaltomba c'op ta swenta te mandalil yu'un te Moisese, te xujt' ma'yuc sc'oplale soc te ma'yuc swentail ta spisil.

Nuevo Testamento Tzeltal de Amatenango

⁹ Pero koma te kꞌopetik te jowil naxe, te skuentoal nax te antiboetike, sok te tsaltomba pleto kꞌopetik yuꞌun te tutꞌil ay te mantaliletik yuꞌun te jMoisese. Jaꞌ te tutik ma xtuun y te maꞌyuk sluwarile.

Bible in Tzeltal Bachajón

⁹ Pero ma me xawac' aba a te tentamba ta c'op te mayuc scuentahil, te xtiq'uet ta halel bihililetic yu'un ts'umbalil, tijtamba c'op soc shach c'op ta scuenta te Ley, como ma xtuhun soc mayuc bin ya xloc' a.

Tito 3:9 Referans Kwoze

2 Timoteo 2:14

Ac'beya sna'ic spisil te yantique, soc pasa me ta mandal ta stojol te Cajwaltic te manchuc ya xbajt' yo'tanic ta sjowil sjaq'uel te tsaltomba c'ope. Melel ma'yuc swentail xujt'uc, soc ja' nax ya xjinbot yo'tanic yu'un te mach'atic ya yaiyic stojole.

2 Timoteo 2:23

Ma me xawac' achiquin ta yaiyel stojol jowil sjaq'uel c'opetic te ma'yuc swentaile, melel ana'oj stojol te ja' nax ya xjajch' c'op yu'une.

1 Timoteo 4:7

Ma me xawac' achiquin ta yaiyel stojol jontol aiyejetic te ma'yuc swentail xujt'uque. C'ajtesa me aba ta xch'uunel te Diose.

2 Timoteo 2:16

Ijq'uitaya me jilel spisil te jontol aiyejetique, melel te mach'atic yat'elinejic yalele, yanyan ta ch'ayel ta yo'tanic Dios yu'un.

Tito 1:14

soc jich ma xch'uunic jontol aiyejetic te jowil nopbil nax yu'un te judioetique, soc jich ma xch'uunic te bila smandal nax ants-winiquetic te ma ba yich'ojic ta muc' te smelelil c'ope.

Job 15:3

ma tojoluc nax ya smulan c'op soc ma xyal c'opetic te ma'yuc tulan sc'oplale.

1 Corintios 8:1

Ta ora to ya calbeyex sc'oplal te milbil majt'anil yu'un te loc'ombaetique. Melel jna'ojtic jpisiltic te bit'il ay te loc'ombaetique. Ja'uc me to, te bila jna'ojtic stojole, ja' ya jtoy jbatic yu'un. Yan te xc'uxul-o'tanile, ya xmuc'ubotic yu'un stuquel.

1 Corintios 13:2

Soc manchuc teme ya caiy j'alwanej, soc teme ya jna' spisil te muquen c'ope, soc teme ay ta co'tan spisil te bila ay ta nopele, soc teme ay xch'uunjel co'tane, soc teme ya xju' cu'un ya jq'uej bael ta yan q'uinal te witsetique, teme ma'yuc xc'uxul te co'tane, tojol ayon ta q'uinal abi.

Santiago 4:1

¿Banti ya xjajch' awaiyic te ya acontroin abaique soc te ya atsac abaique? ¿Ma bal ja'uc te sbic'tal awo'tanic te spisil ora ya sujexe?