Tito 3:7 - Bible in Tzeltal de Oxchuc y Tenejapa

⁷ swenta yu'un lec ya yilotic te Diose ta swenta nax te yutsil yo'tane. Jich me ay ta jwentatic te ya quich'tic jcuxlejaltic sbajt'el q'uinal, jich bit'il te maliybil cu'untique.

Nuevo Testamento Tzeltal de Amatenango

⁷ yuꞌun la me skoltayotik yuꞌun jmultik ta skuenta te slekil yoꞌtane. Jich ya me kichꞌtik te kuxlejal sbajtel kꞌinal te ya jmalitike.

Bible in Tzeltal Bachajón

⁷ scuenta yu'un, te bin ut'il lec ilotiquix yu'un Dios ta scuenta yutsil yo'tan, ya xc'oht ta jcuentatic yich'el te cuxlejal scuenta sbahtel q'uinal te yacotic ta smahliyel.

Tito 3:7 Referans Kwoze

Romanos 8:17

Teme yal-snich'anotic te Diose, ja' cu'untic uuc te bila ay yu'un te Diose. Pajal me ya quich'tic soc Cristo teme pajal ya xc'ax jwocoltic jich te bit'il c'ax swocol stuquele. Jich me pajal ya quich'tic cutsilaltic soc.

Romanos 3:24

Ja'uc me to, ta swenta yutsil yo'tan te Diose, ta majt'anil ya yac'otic ta libre yu'un jmultic, ta swenta bit'il la stojbotic jmultic te Cristo Jesuse.

Tito 2:11

Melel la yaq'uix ta ilel te Diose te bit'il ay yutsil yo'tan cu'untic te bit'il ja' ta swenta te ayix colel yu'un ta stojol spisil te ants-winiquetique.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

Gálatas 2:16

Ja'uc me to, jna'ojtic stojol te jo'otique, ma ja'uc toj ya yilotic Dios ta swenta spasel te bila ya yal te mandalile. Ja' nax ta swenta xch'uunjel co'tantic ta stojol Jesucristo te toj ya yilotique. Melel la jch'uuntic Jesucristo swenta yu'un jich me toj ya yilotic Dios ta swenta nax xch'uunjel co'tantic ta stojol te Cristoe, ma ja'uc ta swenta spasel te bila ya yal te mandalile. Melel ma'yuc mach'a toj ya x'ilot yu'un Dios ta swenta bit'il yat'elinej spasel te bila ya yal te mandalile.

Romanos 11:6

Teme ta swenta yutsil yo'tan te Diose, jich ma ja'uquix ta swenta te yutsil yat'elique. Te ja'uc ta swenta yat'elic, jich ma ja'uquix ta swenta te yutsil yo'tan te Diose.

Gálatas 3:29

Teme yu'unex te Cristoe, jich sts'umbal c'oemex te Abrahame. Jich me ya awich'ic te bendición te la yalbey sc'oplal ta trato te Diose.

Romanos 4:16

Jich yu'un ta swenta xch'uunjel-o'tanil te ay ta tael te yutsil yo'tan te Diose, swenta yu'un ma xch'ay te bila yaloj Dios ta stojol spisil te mach'atic sts'umbalic te Abrahame. Melel ma ja'uc nax sc'oplalic te mach'atic ayic ta swenta te mandalile, jich nix sc'oplalic uuc te mach'atic ya yac' xch'uunjel yo'tanic jich te bit'il te Abrahame. Jich yu'un ja' jtatic c'oem ta jpisiltic.

Romanos 3:28

Ja' yu'un, jich me ya xc'ot ta loq'uel in to: Te ants-winique, ja' libre ya xc'ot yu'un smul ta swenta te xch'uunjel yo'tane, ma ja'uc ta swenta xch'uunel soc spasel te mandalile.

1 Pedro 3:7

Ja'ex uuc winiquetic te nujbinemexe, jich nix ayuc me sp'ijil awo'tan te ya xcuxinat ta q'uinal soc te awiname. Ich'a ta muc' te antse, te melel jteb staelic. Ja' me x'ana'ic te pajal ayex ta c'uxtayel yu'un soc te Diose, ja' te pajal ya yac'botic jcuxlejaltic soque. Jich ma'yuc bi ya smaquex a te c'alal ya ac'oponic te Diose.

Hebreos 11:9

Ta swenta xch'uunjel yo'tan te Abrahame, jun yo'tan nain tey a ta bay ma slumaluc te ja' nix te q'uinal te albot yaiy yu'un Dios te ya sq'uinaline. Tey la snain nailpac' a, soc tey nix la snain nailpac' uuc te Isaaque soc uuc te Jacobe, te jich nix albot yaiyic yu'un Dios uuc te ya sq'uinalinique.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

Hebreos 6:17

Jich nix la spas uuc te Diose. La sc'an yo'tan te ya sna'ic stojol te mach'atic ay bila ya x'ac'bot ta swentaic yu'une, te ma xch'ay te bila yaloje. Jich ma ja'uc nax la yich' alel, ja' nix la yal ta jamal stuquel.

Gálatas 4:7

Jich yu'un ma'yuquexix ta mosoil, yal-snich'anexix Dios uuc te ja'exe. In te bit'il yal-snich'anex te Diose, jich ta swenta Cristo ya me yac'beyex awich'ic te bila yalojbey sc'oplale.

Romanos 4:4

Yan te mach'a ya x'at'eje, ma smajt'anuc te bila ya x'ac'bote. Yu'un nanix stojol sc'ab stuquel.

Tito 2:13

Ya sc'an ya jmaliytic spisil ora te bila jelawen yutsil ya xc'ot ta pasele. Ja' bi ja' te ya xchicnaj tel soc yutsil yu'el te mach'a muc' Dios te ja' Jcoltaywanej cu'untique, ja' te Jesucristoe.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

San Marcos 10:17

Te c'alal jajch' xan ta beel te Jesuse, tal ta animal jtul winic. Tal squejan sba ta stojol soc la sjojc'obey: —Maestro te lecat atuquele, ¿bila lec ya jpas swenta yu'un ya xcuxinon sbajt'el q'uinal? —xi'.

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.