Tito 3:6 - Bible in Tzeltal de Oxchuc y Tenejapa

⁶ Ma p'isbiluc la spucbotic te Ch'ul Espíritu te Diose, Ja' la spuc ta swenta te Jesucristo te Jcoltaywanej cu'untique,

Nuevo Testamento Tzeltal de Amatenango

⁶ Y sok ta skuenta te Jesucristo, te jKoltawanej kuꞌuntike, la yaꞌbotik te Chꞌul Espíritu te ma xatꞌbiluke,

Bible in Tzeltal Bachajón

⁶ Te Dios bayel la smal ta jtojoltic te Ch'ul Espíritu ta scuenta Jesucristo, te Jcoltaywanej cu'untic,

Tito 3:6 Referans Kwoze

Joel 2:28

Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

Romanos 5:5

Soc smuc'ul co'tantic ya me jmaliytic te cutsilaltic, melel te xc'uxul yo'tan te Diose, malbilix ta co'tantic ta swenta te Ch'ul Espíritu te ac'bilotiquix yu'une.

Hechos 10:45

Te mach'atic yich'ojic te circuncisión te sjoinejic tel te Pedroe, jchajp nax la yilic te pujc' te Ch'ul Espíritu ta swentaic te jyanlumetique,

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

San Juan 16:7

Ja'uc me to, ya me calbeyex ta melel te ja' lec te ya xboone, yu'un teme ma xboone, ma xtal ta atojolic te Jmuc'tesej-q'uinal awu'unique. Yan teme ya xboone, ya me jticunbeyex tel.

San Juan 1:16

Jpisiltic quich'ojbeytic te bila nojel ta yo'tane. Yanyan ta esmajel te yutsil yo'tan ta jtojoltique.

Proverbios 1:23

Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

Tito 1:4

Ja'at Tito, te jich c'oemat ta co'tan te bit'il mero jnich'anat ta swenta bit'il pajal ay xch'uunjel co'tantique, ac'a me yac'bat yutsil yo'tan te Jtatic Diose soc te Cajwaltic Cristo Jesuse te Jcoltaywanej cu'untique. Ac'a me xc'uxtayat, soc lamaluc me q'uinal ya awaiy yu'un spisil ora.

Efesios 4:2

Peq'uel me xawac' abaic, soc ayuc me yutsil awo'tanic. Ac'a cujch'uc awu'unic teme ay bila ma lecuc ya awaiy ta awo'tanique. Jech ts'icbeya abaic ta swenta te xc'uxul awo'tanique.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

Hechos 2:33

Ic'ot moel c'alal ta swa'el sc'ab te Diose, soc ac'bot ta swenta te Ch'ul Espíritu yu'un te State. Jich la smalix ta jtojoltic te bit'il albil sc'oplale. Ja' meix te yacalex ta yilele soc te yacalex ta yaiyel stojole.

San Juan 7:37

Ja' bayal sc'oplal yu'unic te slajibal c'aal yu'un te q'uine. Jich ora te tejc'aj jajch'el te Jesuse. Tulan la yal: —Te mach'a ay ta taquinti'ile, ac'a taluc ta jtojol, ac'a yuch' te ja'e.

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

Isaías 32:15

Ja'uc me to, te Cajwaltic te jchicnanteswanej, ya me xcha'tal ta jtojoltic soc yu'el. Te jochol taquin q'uinale ya xc'atp'uj ta lequil lum yu'un; te lum te ay yutsile, c'axem to xan ay yutsil ya xc'ot.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.