Tito 3:5 - Bible in Tzeltal de Oxchuc y Tenejapa

⁵ Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

Nuevo Testamento Tzeltal de Amatenango

⁵ La skoltayotik, ma yuꞌunuk lek te tut ya jpastik te joꞌotike, sino ke la yakꞌ slekil yoꞌtan ta jtojoltik. Pokbilotik kꞌootik kꞌalal la xchaꞌ yayintesotik ta achꞌe. Jaꞌ ta skuenta te Chꞌul Espiritue te la yaꞌbotik te achꞌ kuxlejale.

Bible in Tzeltal Bachajón

⁵ la scoltayotic, ma ha'uc yu'un te lec ca'tel jpasojtic, ha nax ta scuenta sc'uxul yo'tan, ta scuenta te poquel yu'un cha'ayinel soc ta scuenta te ach'ubtesel yu'un te Ch'ul Espíritu.

Tito 3:5 Referans Kwoze

2 Timoteo 1:9

Dios la scoltayotic soc la yic'otiquix ta stojol, jich me ch'ul lum ya xc'ootic yu'un ta melel. Ma yu'unuc ay bila lec ju'em cu'untic spasel, ja' nax ta swenta te jich la snop ta yo'tane. C'alal ma to chicanuc a te balumilale, la snop ta yo'tan te ya sc'uxtayotic ta swenta te Cristo Jesuse.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

1 Pedro 3:21

Pajal c'oem sc'oplal soc te ja' te ya x'ac'bototic quich'tique, melel ja' ta swenta ich'ja' te ya quich'tic coltayel yu'un ta ora to. Ma yu'unuc ya spocbotic loq'uel xch'ailel jbaq'uetaltic te ja'e. Ja' nax ya calbeytic wocol Dios te yacuc stup'botic ta co'tantic spisil te jmultique. Jich ya quich'tic coltayel ta swenta bit'il cha'cux tel te Jesucristoe.

1 Pedro 1:3

Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

Efesios 2:4

Ja'uc me to, te Diose, mero Jc'uxtaywanej stuquel. Ta swenta smuc'ul xc'uxul yo'tan te la xcuxtayotique.

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

Salmos 51:10

Dios cu'un, pocbon ta lec te co'tane. Ac'bon xan yach'il sbujts' co'tan te toj ya x'ainon yu'une.

Romanos 11:6

Teme ta swenta yutsil yo'tan te Diose, jich ma ja'uquix ta swenta te yutsil yat'elique. Te ja'uc ta swenta yat'elic, jich ma ja'uquix ta swenta te yutsil yo'tan te Diose.

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

Gálatas 2:16

Ja'uc me to, jna'ojtic stojol te jo'otique, ma ja'uc toj ya yilotic Dios ta swenta spasel te bila ya yal te mandalile. Ja' nax ta swenta xch'uunjel co'tantic ta stojol Jesucristo te toj ya yilotique. Melel la jch'uuntic Jesucristo swenta yu'un jich me toj ya yilotic Dios ta swenta nax xch'uunjel co'tantic ta stojol te Cristoe, ma ja'uc ta swenta spasel te bila ya yal te mandalile. Melel ma'yuc mach'a toj ya x'ilot yu'un Dios ta swenta bit'il yat'elinej spasel te bila ya yal te mandalile.

Romanos 3:20

Yu'un jtul ma'yuc mach'a ya x'ac'ot ta libre yu'un smul yu'un te ya yat'elin spasel te bi ya yal te mandalile. Melel te mandalile, ja' nax ya yac' ta na'el stojol te ay te mulile.

1 Pedro 2:10

Te ja'exe ma ba lumex yu'un Dios ta neelal to. Yan ta ora to, lum c'oemexix yu'un te Diose. Ta neelal to ma la ataic c'uxtayel. Yan ta ora to, la ataiquix c'uxtayel yu'un te Diose.

Efesios 4:23

Te ja'exe ya sc'an ya x'ach'ub te awo'tanique.

Romanos 3:28

Ja' yu'un, jich me ya xc'ot ta loq'uel in to: Te ants-winique, ja' libre ya xc'ot yu'un smul ta swenta te xch'uunjel yo'tane, ma ja'uc ta swenta xch'uunel soc spasel te mandalile.

Romanos 9:11

Ja'uc me to, te c'alal ma to x'ayinic a soc ma'yuc bila spasojic ta bay leque soc ta bay amene, jich albot yu'un Dios te Rebecae: “Te ijts'inale ya me smosoin te sbanquile”, te xi' sc'oplale. Ja' pajal soc te bit'il jich ts'ibubil jilel ta Sjun te Diose: “Te Jacobe, c'ux la caiy ta co'tan. Yan te Esaú, la jp'aj ta co'tan stuquel”, te xie. Jich chican ta jamal te bit'il ay ta swenta stsael stuquel te mach'a ya yic' te Diose, chican te bila snopoj ta yo'tan stuquel. Ma ba ya yich' ta wenta te bila ya spasique.

San Lucas 1:78

Melel ta swenta xc'uxul yo'tan cu'untic te Diose, te ya yac' loc'uc tel c'alal ta ch'ulchan te mach'a ya yac' sacubuc q'uinal ta jtojoltic,

San Lucas 1:54

Tal scoltay te lum Israel te abat yu'une; Ma ba ch'ay ta yo'tan te ya xc'uxtaye,

San Lucas 1:50

Te Diose ya me xc'uxtay ta lamalam spisil ants-winiquetic teme ya yich'ic ta muq'ue.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Salmos 143:2

Ma me x'awic'on ta chajbanel te awabatone, melel ta atojol ma'yuc mach'a ma'yuc smul.

Salmos 130:7

jich me xamaliy te Cajwaltic, ja'ex lum Israel. Melel ay c'uxtayel yu'un, soc mero ya x'ac'awan ta libre stuquel.

Job 25:4

¿Ya bal xju' yu'un jtul winic te ayinem ta swenta ants, te toj yo'tan soc mero lec yo'tan ta stojol te Diose?

Tito 3:4

Ja'uc me to, te Diose te Jcoltaywanej cu'untique la yac' ta ilel te bit'il ay yutsil yo'tan soc xc'uxul yo'tan ta jtojoltic soc spisil te ants-winiquetique.

Romanos 9:30

¿Bi ya caltic yu'un? Te jyanlumetic te ma'yuc ta swentaic te colele, ja'uc me to, libre c'otic yu'un smulic, ja' nax ta swenta xch'uunjel yo'tanic.

Romanos 9:16

Jich yu'un ma ja'uc chican te mach'a ya yal sbae, soc ma ja'uc chican teme at'ejeme. Ja' chican te bit'il ay yutsil yo'tan stuquel te Diose.

Romanos 4:5

Ja'uc me to, te mach'a ma'yuc yat'el te la spase, te ja' nax la xch'uun te Dios te ya yac' ta libre yu'un smul te jmulawiletique, jich toj ya x'ilot yu'un Dios ta swenta te xch'uunjel yo'tane.

San Lucas 1:72

Yaloj te ya xc'uxtay te namey q'uinal jme'-jtatique, soc te ma xch'ay ta yo'tan te ch'ul trato yaloje.

Isaías 57:12

Ja'uc me to, ya jpucbat te ac'oplale, te acuyoj aba te mero tojate.

Hebreos 6:6

teme yoloj ya yijq'uitayic ta ch'uunel te Snich'an Diose, jich ma xju'ix te ya x'ac'bot sujt'es xan yo'tanique. Yu'un ja'ic ya yaq'uic xan ta jijp'anel ta cruz c'oem te Snich'an Diose, soc ya yaq'uic xan ta labanel ta comonsitil.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Job 15:14

Ma'yuc winic te mero leque, ma'yuc mach'a libre ay yu'un smul.

Job 9:20

Manchuc me mero toj ya caiy jba, manchuc me mero ma'yuc falta cu'un, ya me yalon ta jamal te ay jmule, ya me yalon ta jamal te amenone.

Deuteronomio 9:5

Melel ma yu'unuc slequil awat'elic, soc ni yu'unuc lequex ta winiquil ja'ex te ya awu'uninbeyic te slum-sq'uinalique. Ya xch'ojbeyex loq'uel ta asitic te Cajwaltic ta scaj te amen yat'elic, soc swenta yu'un ya xc'ot ta pasel a te bila chapal yu'un ta stojol Abraham, Isaac soc Jacob, ja' te antiguo ats'umbalique.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

San Mateo 3:11

Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

Romanos 11:14

Jich yu'un yacon ta sleel te bit'il ya jachbey sbic'tal yo'tanic te jlumale, swenta yu'un ay me cha'oxtul ya sta scolelic a.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.